कलस्‍सी 3:22 - पश्‍चिम तामाङ

²² बानमा, एङ्‍यीमाचे र्‌हङ्‍की मालीक्‍माचे कुल्‍बे जम्‍मनो अर्‌ती ङ्‌येनो। मालीक्‍त तङ्‍न लबरी थेङ्‍यीमाकी ङ्‍होन्‍सङ्‍कीनो अय्‍हीन् तर प्रभुत स्‍य्‍हेस लज्‍यीम् सेम्‍य्‍हङ्‍सेनो थेङ्‍यीमाकी अधीन्‍री टीउ।

कलस्‍सी 3:22 ပူးပေါင်းရင်းမြစ်များ

मत्‍ती 6:22

“एइ मीः ल्‍हीकी बत्‍ती य्‍हीन्‍ब। एइ मीः ज्‍यब मुसम्, एइ ल्‍ही ल्‍हुङ्‍बनो य्‍हल् तस्‍ये मुब।

मत्‍ती 8:9

तलेपङ्‍सम् ङ हाकीम्‍माकी दुङ्‌री मुब, ओसेम् ङइ दुङ्‌रीएनो स्‍यीपइमा मुब। ङचे गीत ‘य्‍हरो’ पङ्‍ब थे य्‍हर्‌ब, ओसेम् गीत ‘खोउ’ पङ्‍ब थे खब, ओसेम् ङइ योक्‍पोत ‘चु स्‍य्‍हेङो’ पङ्‍ब थेचे हुजु स्‍य्‍हेङ्‌ब।”

लुका 6:46

“ङचे पङ्‌बे तम् अङ्‍येन्‍सम् एङ्‌यीमा ङत तले ‘प्रभु, प्रभु’ पङ्‌ब?

लुका 7:8

तलेपङ्‍सम् ङएनो ङ्‌हच्‍छ्‌यङ् हाकीम्माकी दुङ्‌री टीबे म्‍ही य्‍हीन्‍ब। ङइ दुङ्‌रीएनो सीपाहीमा मुब। ङचे गीःत ‘य्‍हरो’ पङ्‌सम् थे य्‍हर्‌ब, ल्‍हो-ल्‍हो गीःत ‘खो’ पङ्‌सम् थे खब। ओसेम् ङइ योक्‍पोतएनो ‘चोले स्‍य्‍हेङो’ पङ्‌ब, थेचे होलेनो स्‍य्‍हेङ्‌ब।”

प्रेरीत् 2:46

थेङ्‌यीमा दीन्‍लनो सेम् गीः तज्‍यीम् पर्‌मेस्‍वर्‌की दीम्‍री र्‌हुब् तब मुबल। ओसेम् थेङ्‍यीमा दीम्-दीम्‍री र्‌हुब तज्‍यीम् प्रभु डोन् चब मुबल। ओसेम् थेङ्‌यीमा तङ्‌ज्‍यीम् ज्‍यबे सेम् थोज्‍यीम्

२ कोरीन्‍थी 7:1

होत्‍तज्‍यीम् म्‍होइबे र्‌होमा, पर्‌मेस्‍वर्‌चे ङ्‍य्‍हङ्‍मातेङ् चोतेबे बाचामा स्‍य्‍हेङ्‌जेत्‍पल तज्‍यीम् ल्‍हीःतेङ् आत्‍मात असुद्‍द तनलबे जम्‍मा तम्‍मा ग्‍यम्‍से ङ्‍य्‍हङ्‍मा थारीङ्‍नो टीथोब, ओसेम् पर्‌मेस्‍वर्‌तेङ् लोङ्‍ज्‍यीम् पुरा पबीत्र म्‍ही तथोब।

गलाती 1:10

ङचे चोले पङ्‍ज्‍यीम् ता ङचे म्‍हीमात तङ्‍न लब म्‍हइटीब स्‍यीम्? अय्‍हीन्, ङमी पर्‌मेस्‍वर्‌त तङ्‍नलइ म्‍हेन्‍ब। ता म्‍हीमाचे ङत म्‍होइखइ म्‍हेन्‍टीब? ङचे होतेब म्‍हेन्‍टीब पङ्‌सम् ङ ख्रीस्‍ट्‍की योक्‍पो तस्‍ये अरेबल।

कलस्‍सी 3:20

कोलमा, एङ्‌यीमाचेएनो खेम पङ्‌लेनो र्‌हङ्‍की अप-अमचे कुल्‍बे अर्‌ती ङ्‌येनो, तलेपङ्‍सम् चोले स्‍य्‍हेङ्बतेङ् प्रभु तङ्‍जेत्‍प।

१ थेस्‍लोनीकी 2:4

तर ङ्‌यीमा पर्‌मेस्‍वर्‌की थुः अनुसार तम् लब, तलेपङ्‍सम् पर्‌मेस्‍वर्‌चे ङ्‍यीमात बीस्‍वास् स्‍य्‍हेङ्‍जेत्‍ज्‍यीम् ज्‍यबे सम्‍तर् स्‍येत्‍पे जीम्‍मा न्‍हङ्‍जेत्‍ज्‍यी। ङ्‌यीमा म्‍हीमात तङ्न लबरी अय्‍हीन्, तर सेम्‍की तम् जाच स्‍य्‍हेङ्‍जेत्‍पे पर्‌मेस्‍वर्‌त तङ्‍न लबरी तम् लब।

फीलेमोन 1:16

देरेम् थे बानाकीनो अय्‍हीन्, तर बाना बीमएनो य्‍हक्‍को म्‍होइबे बीस्‍वासी अले य्‍हीन्‍ब। ङचेम् थेत य्‍हक्‍कोनो म्‍होइब। ओसेम् एइ लागीरीम् थे बानइ रुप्‍रीतेङ् प्रभुरी अलेइ रुप्‍री झेन् गत्‍ते य्‍हक्‍को म्‍होइबल तल।