कलस्सी 3:16 - पश्चिम तामाङ16 एङ्यीमाकी सेम् ख्रीस्ट्की फ्रोइचे प्लीङ्खइ। गीःचे गीःत जम्मनो बुद्दीचे लोप्ज्यीम् अर्ती पीनो। ओसेम् भजन सङ्ग्रहकी व्हइमा कोज्यीम्, भजनकी व्हइमा कोज्यीम् ओसेम् आत्मीक् व्हइमा कोज्यीम् पर्मेस्वर्त व्होर्छ्ये पीनो। အခန်းကိုကြည့်ပါ။ |
कलस्सी 3:16
62 ပူးပေါင်းရင်းမြစ်များ
बीस्वासी र्होमा, ङचे पङ्ब म्हइबल चुनो य्हीन्ब, एङ्यीमा सङ्गतीरी र्हुब् तबतेङ् गीःचे व्हइ कोब, ल्हो-ल्हो गीःचे फ्रोइ लोप्प, ल्हो-ल्हो गीःचे पर्मेस्वर्चे ङोन्जेत्पे तम् स्येत्प, ल्हो-ल्हो गीःचे ल्हो-ल्हो ग्योत्री सम्तर् स्येत्प ओसेम् ल्हो-ल्हो गीःचे हुजुइ अर्थमा स्येत्प। मन्डलीत ज्यब तन लबे लागीरी चु जम्मनो तम्मा स्य्हेङ्थोःब।
ङ्य्हङ्की प्रभु येसु ख्रीस्ट्की पर्मेस्वर्, महीमाकी अपचे एङ्यीमात थेङ्की आत्मा न्हङ्जेत्खइ बी ङ प्रार्थना स्य्हेङ्ब। हुजु आत्माचे एङ्यीमात आत्मीक् बुद्दी न्हङ्स्ये मुब ओसेम् एङ्यीमात पर्मेस्वर् ङोन्जेत्स्ये मुब, होलेतज्यीम् एङ्यीमाचे थेङ्त झेन् ज्यनले स्येःस्ये मुब।
होत्तज्यीम् ङ्यीमाचे एङ्यीमाकी बारेरी थ्येब य्हङ्सेनो ङ्यीमाचे खेम पङ्लेनो एङ्यीमाकी लागीरी प्रार्थना स्य्हेङ्स्यीनो टीब। पबीत्र आत्माचे न्हङ्जेत्पे ज्ञान्तेङ् गोब ग्यम्से तज्यीम् एङ्यीमाचे पर्मेस्वर्चे थुः लजेत्पे जम्मनो तम्मा ज्यनले स्येःब खम्खइ पङ्ज्यीम् प्रार्थना स्य्हेङ्स्यीनो टीब।
कोलमा चु ङ एङ्यीमात ब्रीटीब, तलेपङ्सम् एङ्यीमाचे पर्मेस्वर् अपत स्येःब। अपमा, चु ङ एङ्यीमात ब्रीटीब, तलेपङ्सम् एङ्यीमाचे गोदोब्न्हङ् ङोन्ग्यम् य्हङ्से मुबे ख्रीस्ट्त स्येःब। ब्योन् म्हीमा, चु ङ एङ्यीमात ब्रीटीब, तलेपङ्सम् एङ्यीमा बङ्ज्येन् मुब, पर्मेस्वर्की फ्रोइ एङ्यीमान्हङ् मुब, ओसेम् एङ्यीमा सैतान् ग्यम्से डाबल मुब।
तर एङ्यीमातम् ख्रीस्ट्चे पबीत्र आत्मा तेपीत्युजेत्पल मुब। ओसेम् पबीत्र आत्मा एङ्यीमातेङ् स्य्हुगदे एङ्यीमात खल्चेएनो तएनो लोप् अथो। तलेपङ्सम् थेङ्की आत्माचे एङ्यीमात जम्मनो तम्मा लोप्जेत्स्ये मुब, ओसेम् थेङ्चे लोप्जेत्पे तम देमेन् य्हीन्ब, भ्यु अय्हीन्। पबीत्र आत्माचे लोप्जेत्पे तम् ङ्येन्ज्यीम् ब्रउ, ओसेम् ख्रीष्टतेङ् गी: तउ।
हुजु लाख गीः स्यी चवालीस् हजार् म्हीमामी पर्मेस्वर्की ठी ओसेम् हुजु सोम्बो सेम्ज्येन्मा ब्ली ओसेम् एल्डर्माकी ङोन्री रप्ज्यीम् छार् व्हइ गीः कोटीब मुबल। हुजु व्हइमी थेङ्यीमाचेकीनो लोप्म्यङ्बल मुबल, तलेपङ्सम् पर्मेस्वर्चे थेङ्यीमात जम्बुलीङ् ग्यम्से सइ फाज्यीम् फेःपीन्जेत्पल मुबल।
ओसेम् हुजु स्वर्गदुत्त तेन्बरी ङचे पुइ जुःज्यी, तर थेचे ङत पङ्ज्यी, “ङत होले थलउ। ङएनो एतेङ् ल्हो-ल्हो बीस्वासीमा र्हङ्बे येसुइ बारेरी गबाही पीन्बे योक्पोकीनो य्हीन्ब। पर्मेस्वर्तकीनो तेनो। तलेपङ्सम् पर्मेस्वर् ग्यम्से देमेन्की अगम्बानी पङ्बलमाचे येसुइ बारेरी गवाही पीन्ब।”
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
ကြော်ငြာတွေ