कलस्सी 1:6 - पश्चिम तामाङ6 चु ज्यबे सम्तर् एङ्यीमात स्येत्पल मुब, एङ्यीमाचे ज्यबे सम्तर् थ्येःज्यीम् पर्मेस्वर्की अनुग्रहत गोबे दीन् य्हङ्से एङ्यीमाकी गुङ्री ख्रीस्ट्त बीस्वास् स्य्हेङ्बे म्हीमा य्हक्को तस्यीनो बोर्टीब, ओसेम् पर्मेस्वर्त तङ्नलबे लक्मा स्य्हेङ्टीब, होलेनो जम्बुलीङ्की जम्मनो ग्लामारी य्हक्को तस्यीनो बोर्टीब मुब। အခန်းကိုကြည့်ပါ။ |
कलस्सी 1:6
36 ပူးပေါင်းရင်းမြစ်များ
थेङ्यीमाकी मी म्रङ्न लपीन्बरी पीत्प। होत्तज्यीम् थेङ्यीमा म्हुन्दुङ्ग्यम्से य्हल्री, सैतान्की सक्ती ग्यम्चे पर्मेस्वर्पट्टी दोखइ। ओसेम् थेङ्यीमाकी पापमा क्षमा तस्ये मुब, ओसेम् ङत बीस्वास् स्य्हेङ्बल तज्यीम् पर्मेस्वर्चे दम्जेत्पलमाकी गुङ्री थेङ्यीमाचेएनो ग्ला यङ्स्ये मुब।’
ङइ बीस्वासी र्होमा, एङ्यीमाचे चु तम् स्येको की ङ एङ्यीमात खतु लबरी य्हक्को ख्यप् खब म्हइज्यी तर देरेसम्मएनो थो गी अय्हीन् थो गीःचे लज्यीम् ङ खब अखम्। ङचे ल्हो-ल्हो ग्लारी यहुदी अय्हीन्बे म्हीमात ख्रीस्ट्री बब र्हङ्ले एङ्यीमाकी ग्लारीएनो यहुदी अय्हीन्बे म्हीमात ख्रीस्ट्री बम्यङ्खइ पङ्बे सेम् लब।
तर देरेम् चु जम्मनो तम्मा दङ्बोनो अगम्बक्तमाचे पर्मेस्वर्चे कुल्जेत्प अनुसार् ब्रीबे तम्मा ग्यम्से स्येःनलजेत्पल मुब। ओसेम् जम्मनो यहुदी अय्हीन्बे म्हीमाचे बीस्वास् लज्यीम् पर्मेस्वर्की तम्मा ङ्येन्खइ पङ्ज्यीम् खेम पङ्लेनो मुजेत्पे पर्मेस्वर्की फ्रोइ अनुसार् चु ज्यबे सम्तर् म्हीमात स्येत्पल मुब।
होत्तज्यीम् एङ्यीमा र्हङ्की बीस्वास्री य्हङ्य्होङ् अतनले कोङ्ज्यीम् टीथोब। ओसेम् एङ्यीमाचे ज्यबे सम्तर् थ्येःबे बेलोरी यङ्बे आस्त थपीतो। एङ्यीमाचे थ्येःबे चु ज्यबे सम्तर् जम्बुलीङ्की जम्मनो ग्लाकी म्हीमात स्येत्पल मुब। ओसेम् ङ पावलएनो चु ज्यबे सम्तर् स्येत्पे लक् स्य्हेङ्बे योक्पो तबल मुब।
ङ्यीमाचे एङ्यीमात पर्मेस्वर्की सम्तर् स्येत्पे बेलोरी एङ्यीमाचे हुजुत म्हीचे लोप्पे तम् अय्हीन् पर्मेस्वर्चे लोप्पे तम् य्हीन्ब बी स्वीकार् लज्यी। होत्तज्यीम् ङ्यीमा पर्मेस्वर्त खेम पङ्लेनो व्होर्छ्ये पीन्स्यीनो टीब। हुजु पर्मेस्वर्की देमेन्की फ्रोइ मुबल। हुजु फ्रोइचे एङ्यी बीस्वासीमान्हङ् लक् स्य्हेङ्टीब।
प्रभुचे म्होइजेत्पे र्होमा, एङ्यीमाकी लागीरी ङ्यीमाचे खेम पङ्लेनो पर्मेस्वर्त व्होर्छ्ये पीन्थोब, तलेपङ्सम् जम्बुलीङ् ठुङ्ब बीम ङोन्ग्यम् य्हङ्सेनो पबीत्र आत्माइ पबीत्र स्य्हेङ्बे लक् ग्यम्से ओसेम् देमेन्त स्य्हेङ्बे बीस्वास् ग्यम्से थर्बे लागीरी पर्मेस्वर्चे एङ्यीमात दम्जेत्ज्यी।
ကြော်ငြာတွေ