कलस्‍सी 1:11 - पश्‍चिम तामाङ

¹¹ पर्‌मेस्‍वर्‌की महीमीत् सक्‍ती यङ्‌ज्‍यीम् बङ्‍ज्‍येन् तउ पङ्‍ज्‍यीम्‍एनो ङ्‌यीमाचे प्रार्‌थना स्‍य्‍हेङ्‌ब, हुजु लीप्‍चे एङ्‍यीमाचे जम्‍मनो दुखमा नाज्‍यीम् तङ्‌बतेङ् धैर्‌य लब खम्‍स्‍ये मुब।

कलस्‍सी 1:11 ပူးပေါင်းရင်းမြစ်များ

प्रेरीत् 1:8

तर पबीत्र आत्‍मा एङ्‌यीमाइ जोरी ब्‍योन्‍युब बीसेम् एङ्‍यीमाचे सक्‍ती यङ्‍स्‍ये मुब। ओसेम् एङ्‍यीमाचे यरुसलेम य्‍हङ्‍स्‍ये यहुदीयातेङ् सामरीयाकी जम्‍मा ग्‍लामारी ओसेम् जम्‍बुलीङ्‌की कुन-कुन सम्‍मनो ङइ बारेरी स्‍येत्‍स्‍ये मुब।”

प्रेरीत् 5:41

ओसेम् प्रेरीतमा ङ्‍हच्‍छ्‌यङ् सभा ग्‍यम्‍से तङ्-तङ्‌ज्‍यीम् “पर्‌मेस्‍वर्‌चे ङ्‌य्‍हङ्‌मात येसुइ छेन्‍री दुख नाबरी जेःनलजेत्‍ज्‍यी” पङ्‍ज्‍यीम् डोङ्‍य्‍हर्‌ज्‍यी।

रोमी 2:7

ज्‍यबे लक् स्‍य्‍हेङ्‍स्‍यीनो टीज्‍यीम् पर्‌मेस्‍वर्‌की महीमा, स्‍य्‍हेस ओसेम् खेमेनो अबेबे जीवन् म्‍हइबे म्‍हीमात पर्‌मेस्‍वर्‌चे खेमेनो अबेबे जीवन् न्‍हङ्‌जेत्स्‍ये मुब।

१ कोरीन्‍थी 16:13

होसीयार् तज्‍यीम् टीउ, कोङ्‍ज्‍यीम् टीउ, आर् लज्‍यीम् टीउ ओसेम् बीस्‍वास्‍री य्‍हङ्‌य्‍होङ् अतनले टीउ।

२ कोरीन्‍थी 4:7

ङ्‍य्‍हङ्‍माकी सेम्‍री चु य्‍हल्‍की सर्‌ब मुब, तर ङ्‍य्‍हङ्‍मामी सेप्रइ तङ्‍लो र्‌हङ्‍ब य्‍हीन्‍ब, हुजुरी चु आत्‍मीक् सम्‍पती थेन्‍बल मुब। चु ग्‍यम्‍से स्‍येःबकी ङ्‍य्‍हङ्‍माकी जम्‍मनो सक्‍ती पर्‌मेस्‍वर् ग्‍यम्‍से खब, ङ्‍य्‍हङ्‍मा र्‌हङ् ग्‍यम्सेनो अय्‍हीन्।

एफीसी 3:16

ङ पर्‌मेस्‍वर्‌त प्रार्‌थना स्‍य्‍हेङ्‍ब, थेङ्‌की महीमाकी सम्‍पती अनुसार् थेङ्‍की आत्‍मा ग्‍यम्‍से एङ्‌यीमात सक्‍ती न्‍हङ्‌जेत्स्‍ये मुब ओसेम् एङ्‌यीमाकी सेम् य्‍हक्‍को कोङ्‍नलब।

एफीसी 4:2

एङ्‍यीमा खेम पङ्‌लेनो नम्रतेङ् सोजो ओसेम् धैर्‌य तज्‍यीम् ब्रथोब, ओसेम् गीःचे गीःत नाज्‍यीम् म्‍होइथोब।

एफीसी 6:10

ज्‍युःरी, प्रभुरी ओसेम् थेङ्‌की ङ्‍य्‍हच्‍छ्‍यङ् सक्‍तीरी बङ्‍ज्‍येन् तउ

फीलीप्‍पी 4:13

ख्रीस्‍ट्‍चे ङत न्‍हङ्‌जेत्‍पे सक्‍ती ग्‍यम्‍से ङ चु जम्‍मनो तम् स्‍य्‍हेङ्‌ब खम्‍ब।

२ पत्रुस 1:6

ओसेम् ज्ञान्‍री र्‌हङ्‍की सेम् दुल्‍ब, र्‌हङ्‍की सेम् दुल्‍बरी धैर्‌य, धैर्‌यरी पर्‌मेस्‍वर्‌त सेम्‍री ङ्‌यीबे लक् कबो,

यहुदा 1:25

ङ्‍य्‍हङ्‍की प्रभु येसु ख्रीस्‍ट् ग्‍यम्‍से ङ्‌य्‍हङ्‍मात मुक्‍ती न्‍हङ्‌बे गीःकीनो पर्‌मेस्‍वर्‌त जम्‍मनो महीमा, स्‍हेस, सक्‍तीतेङ् अधीकार् ठुङ्‍ब य्‍हङ्‍से देरे ओसेम् ज्‍यु: सम्‍म खेम पङ्‌लेनो तखइ। आमेन्।

प्रकास 14:12

पर्‌मेस्‍वर्‌चे कुल्‍जेत्‍पे तम् ङ्‌येन्‍ज्‍यीम् ब्रबलमा ओसेम् येसुत बीस्‍वास् स्‍य्‍हेङ्‌बे पर्‌मेस्‍वर्‌की म्‍हीमातेङ् नापे सक्‍ती मुथोब।