प्रेरीत् 9:32 - पश्‍चिम तामाङ

³² पत्रुस तोर् मोर्‌की नम्‍समा कोर्‌ज्‍यीम् ब्रबे बेलोरी लीड्‍डा पङ्‍बे नम्‍सरी मुबे बीस्‍वासीमाज दोखज्‍यी।

प्रेरीत् 9:32 ပူးပေါင်းရင်းမြစ်များ

मत्‍ती 27:52

ओसेम् दुर्‌समा ठोङ्‍य्‍हर्‌ज्‍यी, ओसेम् पर्‌मेस्‍वर्‌की स्‍यीज्‍यीन्‍बे य्‍हक्‍को म्‍हीमाकी ल्‍हीमा सोम्‍बो तज्‍यीम् रेःज्‍यी।

प्रेरीत् 1:8

तर पबीत्र आत्‍मा एङ्‌यीमाइ जोरी ब्‍योन्‍युब बीसेम् एङ्‍यीमाचे सक्‍ती यङ्‍स्‍ये मुब। ओसेम् एङ्‍यीमाचे यरुसलेम य्‍हङ्‍स्‍ये यहुदीयातेङ् सामरीयाकी जम्‍मा ग्‍लामारी ओसेम् जम्‍बुलीङ्‌की कुन-कुन सम्‍मनो ङइ बारेरी स्‍येत्‍स्‍ये मुब।”

प्रेरीत् 26:10

यरुसलेम्‍री ङचेएनो होले बीरोद् स्‍य्‍हेङ्‌ज्‍यी। ङचे ङ्‍हच्‍छ्‍यङ् लम्‍बुमा ग्‍यम्‍चे अधीकार् यङ्‌ज्‍यीम् येसुत बीस्‍वास् स्‍य्‍हेङ्‌बे य्‍हक्‍कोत जेल्‍री च्‍युप्‍ज्‍यी। ओसेम् ङचे थेङ्‌यीमात सेत्‍पे लक्‍रीएनो र्‌हो स्‍य्‍हेङ्‌ज्‍यी।

प्रेरीत् 8:14

यरुसलेमरी मुबे प्रेरीतमाचे सामारीयाकी म्‍हीमाचे पर्‌मेस्‍वर्‌की फ्रोइत पतइतीज्‍यी पङ्‍बे तम् थ्‍येःज्‍यीम् पत्रुसतेङ् युहन्‍नात थेङ्‌यीमाज पीत्‍ज्‍यी।

प्रेरीत् 8:25

हुजु लीप्‍चे पत्रुसतेङ् युहन्‍ना थेङ्‍हीचे म्रङ्‌बे येसुचे स्‍य्‍हेङ्‍जेत्‍पे लक्‍मातेङ् पर्‌मेस्‍वर्‌की फ्रोइ स्‍येत्‍ज्‍यीम् यरुसलेमरी दोःय्‍हर्‌ज्‍यी। थेङ्‍हीचे ग्‍यम्‍री सामारीयाकी नम्‍स-नम्‍समारीएनो ज्‍यबे सम्‍तर् स्‍येत्‍ज्‍यीम् य्‍हर्‌ज्‍यी।

प्रेरीत् 9:13

तर हननीयाचे पङ्‍ज्‍यी, “प्रभु हुजु म्‍हीचे यरुसलेमरी मुबे थेङ्‌की म्‍हीमात य्‍हक्‍को अज्‍यबे लक्‍मा स्‍य्‍हेङ्‌ज्‍यीम् दुख पीन्‍बल मुब रो पङ्‍बे तम् ङचे य्‍हक्‍को म्‍हीमा ग्‍यम्‍से थ्‍येःबल मुब।

प्रेरीत् 9:33

हुजुरी पत्रुसचे एनीयास पङ्‍बे म्‍ही गीःत दोज्‍यी। थे या कङ् अचल्‍तीबे नेत् स्‍यप्‍ज्‍यीम् ब्रेत्‍तीङ् तबल मुबल।

प्रेरीत् 9:41

पत्रुसचे हुजु अमकोलइ या चुङ्‌ज्‍यीम् सेन्‍ज्‍यी। हुजु लीप्‍चे पत्रुसचे बीस्‍वासीमातेङ् र्‌हेम्‍बो स्‍यीबे अमकोलमात ङ्‌होत्‍ज्‍यीम् डोरकास सोबल ङोन्‍ज्‍यी।

रोमी 1:7

रोम्‍री मुबे एङ्‍यीमा जम्‍मनो पर्‌मेस्‍वर्‌चे म्‍होइजेत्‍ज्‍यीम् थेङ्‍की पबीत्र म्‍हीमा तबरी ङ्‌होत्‍जेत्‍पलमात चु चीठी ब्रीटीब। एङ्‍यीमा जम्‍मतनो ङ्‍य्‍हङ्‍की अप पर्‌मेस्‍वर्‌तेङ् प्रभु येसु ख्रीस्‍ट्‍चे अनुग्रहतेङ् सान्‍ती न्‍हङ्‍खइ।

एफीसी 1:1

पर्‌मेस्‍वर्‌की थुः अनुसार् येसु ख्रीस्‍ट्‍की प्रेरीत ङ पावल ग्‍यम्‍से एफीसस सहर्‌री टीबे ओसेम् येसु ख्रीस्‍ट्‍त बीस्‍वास् स्‍य्‍हेङ्‌बे पबीत्र म्‍हीमात चु चीठी ब्रीटीब मुब।

फीलीप्‍पी 1:1

येसु ख्रीस्‍ट्‍की योक्‍पो ङ पावल, ओसेम् ङतेङ् मुबे तीमोथी ग्‍यम्‍से येसु ख्रीस्‍ट्‍री मुबे फीलीप्‍पीइ पर्‌मेस्‍वर्‌की म्‍हीमातेङ् बीसप्‍मा ओसेम् डीकन्‍मात: