प्रेरीत् 6:9 - पश्चिम तामाङ9 तर डेत्-डेत् म्हीमाचेम् स्तीफनसज खज्यीम् अतब-अतबे तम् पङ्ज्यीम् थेत बीरोद् लज्यी। हुजु म्हीमाम् योक्पोइ लक् ग्यम्से डोङ्ज्यीम् देरेम् यहुदीमा र्हुब तबे दीम्की म्हीमा तबल मुबल। ओसेम् थेङ्यीमा अलेक्जेन्ड्रीयातेङ् कुरेनी सहर् ओसेम् कीलीकीयातेङ् एसीया प्रदेस्की म्हीमा मुबल। အခန်းကိုကြည့်ပါ။ |
प्रेरीत् 6:9
27 ပူးပေါင်းရင်းမြစ်များ
होत्तज्यीम् ङ एङ्यीमाज अगम्बक्तमातेङ् स्येःब खेबे म्हीमा ओसेम् धर्म लोप्पोन्मात पीत्खस्ये मुब। एङ्यीमाचे थेङ्यीमा न्हङ्री डेत्त सेत्स्ये मुब, ल्हो-ल्हो डेत्त क्रुस्री च्योलास्ये मुब, ल्हो-ल्हो डेत्त यहुदीमा र्हुब् तबे दीम्मारी कोर्रचे ग्यङ्स्ये मुब, ओसेम् एङ्यीमाचे डेत् डेत्तमी सहर् सहर्मा ग्यम्से ल्हब्ज्यीम् दुख पीन्स्ये मुब।
“हुजु बेलोरी एङ्यीमा चोङ् लज्यीम् टीउ। तलेपङ्सम् ङत बीस्वास् स्य्हेङ्बल पङ्ज्यीम् म्हीमाचे एङ्यीमात चुङ्ज्यीम् अदालतरी बोर्स्ये मुब। ओसेम् यहुदीमा र्हुब् तबे दीम्री बोर्ज्यीम् तोब-ग्यङ्ब लस्ये मुब। ओसेम् एङ्यीमात हाकीम्मातेङ् ग्यल्बोमाकी ङोन्री रप्पुङ्स्ये मुब। तर हुजु बेलोरी एङ्यीमाचे ङइ बारेरी स्येत्पे मौक यङ्ब।
पावलचे पङ्ज्यी, ङ कीलीकीया प्रदेस्की टार्सस सहर्री न्हबे यहुदी य्हीन्ब। तर ङ यरुसलेम सहर्री लोप्पोन् गमलीयलचे लोप्ज्यीम् छर्ज्यी। दङ्बो ङ्य्हङ्की म्हेमेमा य्हङ्से म्हन्दीज्यीम् खबे ङ्य्हङ्की पेठीम्मातेङ् नीयम्मा ङचे ज्यनले लोप्पल मुब। तीङ्यी एङ्यीमाचे पर्मेस्वर्त तङज्यीम् गदे म्हन्दीज्यी ङचेएनो होदेनो तङज्यीम् म्हन्दीबल मुब।
ကြော်ငြာတွေ