प्रेरीत् 4:21 - पश्‍चिम तामाङ

²¹ होलेपङ्‍ब बीसेम् सभाकी म्‍हीमाचे पत्रुसतेङ् युहन्‍नात सजाय पीन्‍बरी तइ तम्‍एनो अय्‍हङ्‌ज्‍यीम् लोङ्‍खइ बी तोर् य्‍हम् मोर् य्‍हम् लज्‍यीम् पीत्‍लाज्‍यी। तलेपङ्‍सम् हुजुरी तबे तम् म्रङ्‌ज्‍यीम् म्‍हीमा जम्‍मचेनो पर्‌मेस्‍वर्‌त तोप्‍टीब मुबल।

प्रेरीत् 4:21 ပူးပေါင်းရင်းမြစ်များ

मत्‍ती 15:31

लेम्‍बमाचे तम् पङ्‍बल, खोरामा ब्रबल, या-कङ् अचल्‍तीबलमाल चल्‍तीबल ओसेम् कनमाचे मी म्रङ्‌बल म्‍हीमा म्रङ्‌ब बीसेम् जम्‍मनो तेङेन् तज्‍यी। ओसेम् थेङ्‍यीमाचे इस्राएलकी पर्‌मेस्‍वर्‌त तोप्‍ज्‍यी।

मत्‍ती 21:46

होत्‍तज्‍यीम् थेङ्‍यीमाचे थेङ्‌त चुङ्‍ब म्‍हइज्‍यी, तर थेङ्‍यीमा लोङ्‌ज्‍यी, तलेपङ्‍सम् म्‍हीमाचे थेङ्‌त अगम्‍बक्‍त य्‍हीन्‍ब बी म्‍हन्‍दीब मुबल।

मत्‍ती 26:5

ओसेम् थेङ्‍यीमाचे पङ्‍ज्‍यी, “तर नीस्‍तार पर्‌बइ बेलोरी चु लक् स्‍य्‍हेङ्‌ब अत, अय्‍हीन् पङ्‌सम् म्‍हीमान्‍हङ् खइलबइल तस्‍ये मुब।”

मत्‍ती 9:33

येसुचे हुजु म्‍हङ् तेत्‍लाजेत्‍प बीसेम् हुजु लेम्‍ब म्‍ही तम् पङ्‍ब तीप्‍ज्‍यी। ओसेम् म्‍हीमा तेङेन् तज्‍यीम् पङ्‍ज्‍यी, “चोतेब इस्राएलरी खेमेनो तबल अरेबल!”

मत्‍ती 9:8

चु तेङेन्‍की लक् म्रङ्‌ज्‍यीम् य्‍हक्‍को म्‍हीमा लोङ्‌ज्‍यी। ओसेम् म्‍हीमात चोतेबे अधीकार् न्‍हङ्‌बे पर्‌मेस्‍वर्‌त थेङ्‍यीमाचे तोप्‍ज्‍यी।

लुका 13:17

थेङ्‌चे चोले सुङ्‍मम् थेङ्‌की बीरोधीमा पेत्‍ज्‍यी। तर ल्‍हो-ल्‍हो म्‍हीमामी जम्‍मनो थेङ्‌चे स्‍य्‍हेङ्‌बे तेङेन्‍की लक् म्रङ्‌ज्‍यीम् तङ्‍टीब मुबल।

लुका 20:19

धर्‌म लोप्‍पोन्‍मातेङ् ङ्‍हच्‍छ्‍यङ् लम्‍बुमाचे येसुत हुजु बेलोरीनो चुङ्‌ब छ्‌यज्‍यी। तलेपङ्‍सम् थेङ्‌चे हुजु अर्‌थ थेङ्‌यीमाकी बीरुद्‍दरी सुङ्‌बल बी थेङ्‍यीमाचे स्‍येःबल मुबल। तर थेङ्‌यीमा म्‍हीमातेङ् लोङ्‍ब मुबल।

लुका 20:6

तर ङ्‌य्‍हङ्‌माचे म्‍ही ग्‍यम्‍से पङ्‌गे पङ्‌स्‍यीम् जम्‍मा म्‍हीमाचे ङ्‌य्‍हङ्‌मात युङ्‌बचे प्रुङ्‌ज्‍यीम् सेत्‍स्‍ये मुब। तलेपङ्‍सम् म्‍हीमाचे युहन्‍नात अगम्‍बक्‍त बी बीस्‍वास् स्‍य्‍हेङ्‌ब मुबल।”

लुका 22:2

ओसेम् ङ्‍हच्‍छ्‍यङ् लम्‍बुमातेङ् धर्‌म लोप्‍पोन्‍माचे येसुत सेत्‍पे मौक च्‍याटीब मुबल। तर थेङ्‌यीमा म्‍हीमातेङ् लोङ्‍ब मुबल।

लुका 5:26

ओसेम् जम्‍मनो थोम्‍ज्‍यीम् पर्‌मेस्‍वर्‌त तोप्‍ज्‍यी। ओसेम् लोङ् लोङ्‌ज्‍यीम् चोले पङ्‌ज्‍यी, “तीङी ङ्‌य्‍हङ्‌माचे थोम्‍बे लक् म्रङ्‌ज्‍यी!”

प्रेरीत् 4:17

तर चु तम् ल्‍हो-ल्‍हो म्‍हीमाकी गुङ्‍री ठम्‍पुङ्‍ब अत। होत्‍तज्‍यीम् थेङ्‌यीमात, ‘देरे य्‍हङ्‍से एङ्‍यीमाचे येसुइ मीन्‍री खल्‍तेङ्‍एनो तइ तमएनो थपङो’ बी ङ्‍य्‍हङ्‍माचे पङ्‍थोब।”

प्रेरीत् 4:22

तलेपङ्‍सम् चु तेङेन्‍की लक् ग्‍यम्‍से फेन्‍बे म्‍ही ल्‍हेगोर् सोम् स्‍यी ब्‍लीतीङ् बीम य्‍हक्‍को बर्‌सल मुबल।

प्रेरीत् 5:13

तर ल्‍हो-ल्‍हो अबीस्‍वासीमा खल्‍चेएनो बीस्‍वासीमातेङ् बक्‍च्‍य थुन्‍ज्‍यीम् टीबे आर् अल। होले तलेनो थेङ्‍यीमाचे बीस्‍वासीमात स्‍हेस स्‍य्‍हेङ्‌ब मुबल।

प्रेरीत् 5:26

ओसेम् कप्‍तान्‍चे पर्‌मेस्‍वर्‌की दीम् रुङ्‍बे स्‍यीपाइमात बक्‍च्‍य बोर्‌ज्‍यीम् प्रेरीतमात कीन्‍बरी ङ्‍यीज्‍यी। ओसेम् थेङ्‍यीमाचे प्रेरीतमात तेएनो अलनले बज्‍यी। तलेपङ्‍सम् म्‍हीमाचे युङ्‌ब प्रुङ्‍ल बी थेङ्‍यीमा लोङ्‍बल मुबल।

प्रेरीत् 5:40

ओसेम् सभाकी म्‍हीमाचे गमलीएलकी तम् ङ्‍येन्‍ज्‍यी। ओसेम् थेङ्‍यीमाचे प्रेरीतमात न्‍हङ्‌री ङ्‌होत्‍ज्‍यीम् कोर्‌रचे ग्‍यङ्‌पुङ्‌ज्‍यी। ओसेम् “एङ्‍यीमाचे देरे य्‍हङ्‍से येसुइ मीन्‍री खेमेएनो थलोपो” पङ्‍ज्‍यीम् प्रेरीतमात पीत्‍लाज्‍यी।