प्रेरीत् 3:25 - पश्चिम तामाङ25 एङ्यीमा हुजु अगम्बक्तमाकी सन्तानमा य्हीन्ब ओसेम् पर्मेस्वर्चे स्य्हेङ्जेत्पे करार् एङ्यीमालएनो य्हीन्ब। हुजु करार् एङ्यीमाकी म्हेमे अब्राहामतेङ् चोले स्य्हेङ्जेत्पल मुबल, ‘एइ कोलमा ग्यम्से ङ जम्बुलीङ्की जम्म जातीमात मोलम् पीन्स्ये मुब।’ အခန်းကိုကြည့်ပါ။ |
प्रेरीत् 3:25
30 ပူးပေါင်းရင်းမြစ်များ
तलेपङ्सम् ङ एङ्यीमात पङ्ब, पर्मेस्वर्चे यहुदीमाकी म्हेम्हेमातेङ् स्य्हेङ्जेत्पे बाचात देमेन् य्हीन्ब बी ङोन्बरी, ओसेम् यहुदी अय्हीन्बे म्हीमाचेएनो पर्मेस्वर्की क्रीपाइ लागीरी पर्मेस्वर्त तोप्खइ पङ्ज्यीम् ख्रीस्ट् यहुदीमाकी स्य्हप्तो स्य्हेङ्जेत्परी योक्पो तज्यीम् ब्योन्युजेत्ज्यी। धर्म छ्येःरी चोले ब्रीबल मुब, “होत्तज्यीम् ङ यहुदी अय्हीन्बे म्हीमाइ गुङ्री थेङ्त तोप्स्ये मुब, ओसेम् ङ थेङ्की छेन्त तोप्पे व्हइ कोस्ये मुब।”
पर्मेस्वर्चे अब्रहाम्तेङ् थेइ सन्तान्मात जम्बुलीङ्की हक् न्हङ्स्ये मुब बी बाचा स्य्हेङ्जेत्ज्यी। पर्मेस्वर्चे अब्रहाम्त मोसाचे ब्रीबे नीयम् ङ्येन्बल तज्यीम् अय्हीन् तर थेचे पर्मेस्वर्री स्य्हेङ्बे बीस्वास् ग्यम्से थे धर्मी ठार्तीबल तज्यीम् चु बाचा थेत न्हङ्जेत्पल य्हीन्ब।
पर्मेस्वर्चे यहुदी अय्हीन्बे म्हीमातएनो बीस्वास् ग्यम्से धर्मी स्य्हेङ्जेत्प पङ्बे तम् य्हक्को ङोन्ग्यम्नो धर्म छ्येःरी ब्रीबल मुबल। होत्तज्यीम् पर्मेस्वर्चे अब्राहाम्त, “ए ग्यम्सेनो जम्बुलीङ्री मुबे जम्मनो जातीमाचे पर्मेस्वर्की मोलम् यङ्स्ये मुब” बी ज्यबे सम्तर् स्येत्जेत्ज्यी।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
हुजु लीप्चे खल्चेएनो ज्याब अखम्बे य्हक्को म्हीमाइ बदेन् ङचे म्रङ्ज्यी। थेङ्यीमा जम्मनो जाती ग्यम्से, जम्मनो खलक् ग्यम्से, जम्मनो य्हुल् ग्यम्से ओसेम् जम्मनो ग्योत् ग्यम्से मुबल। थेङ्यीमाचे तर् येन् येन्ज्यीम् यारी खजुर् पङ्बे दोङ्बोइ य्हर्ङमा थोज्यीम् ठीतेङ् थुमाइ ङोन्री रप्टीब मुबल।
ကြော်ငြာတွေ