प्रेरीत् 27:23 - पश्‍चिम तामाङ

²³ तलेपङ्‍सम् तील ङ्‌येस्‍ये ङचे तेन्‍बे पर्‌मेस्‍वर्‌चे पीत्‍युजेत्‍पे स्‍वर्‌गदुत् गीः ङइ रेइरी रप्‍ज्‍यीम् पङ्‍ज्‍यी,

प्रेरीत् 27:23 ပူးပေါင်းရင်းမြစ်များ

युहन्‍ना 12:26

ङइ लक् स्‍य्‍हेङ्‌ब म्‍हेन्‍बलमा ङइ लीप्-लीप् ब्रथोब। ङ खन तज्‍यी, ङइ लक् स्‍य्‍हेङ्‍बलएनो हुजुरी तस्‍ये मुब। ङइ लक् स्‍य्‍हेङ्‍बलत ङइ अपचे स्‍य्‍हेस स्‍य्‍हेङ्‍जेत्‍स्‍ये मुब।

प्रेरीत् 12:23

चोले हेरोदचे पर्‌मेस्‍वर्‌त तोप्‍पतेङ् स्‍य्‍हेस अपीन्‍बल तज्‍यीम् हुजु बेलोरीनो प्रभुइ स्‍वर्‌गदुत् गीचे थेत ग्‍यङ्‌ज्‍यी, ओसेम् थे च्‍योङ्‍लोङ् तज्‍यीम् स्‍यीज्‍यी।

प्रेरीत् 16:17

ओसेम् हुजु अमकोल पावलतेङ् ङ्‌यीमाइ लीप्-लीप् खज्‍यीम् चोले क्रीङ्‌ज्‍यी, “चु म्‍हीमा गोदोब्‍न्‍हङ्‍की ङ्‍हच्‍छ्‍यङ् पर्‌मेस्‍वर्‌की योक्‍पोमा य्‍हीन्‍ब। चुमाचे एङ्‌यीमात मुक्‍ती यङ्‌बे ग्‍यम्‍की बारेरी स्‍येत्‍प।”

प्रेरीत् 18:9

म्‍हुन गीःरी प्रभुचे पावलत दर्‌सन न्‍हङ्‌ज्‍यीम् चोले सुङ्‌ज्‍यी, “थलोङो, तर ज्‍यबे सम्‍तर् स्‍येत्‍स्‍यीनो टीउ, ओसेम् कुटीले थटीउ।

प्रेरीत् 23:11

हुजु म्‍हुननो प्रभुचे पावलकी रेइरी रप्‍जेत्‍ज्‍यीम् सुङ्‌ज्‍यी, “आर् लउ, तलेपङ्‍सम् एचे खले यरुसलेमरी ङइ बारेरी स्‍येत्‍ज्‍यी होलेनो एचे रोमरीएनो स्‍येत्‍थोःब।”

प्रेरीत् 5:19

तर हुजु म्‍हुनरी प्रभुइ स्‍वर्‌गदुत गी युज्‍यीम् जेल्‍की म्रप् ठोङ्‍लाज्‍यी। ओसेम् प्रेरीतमात दोरी बोर्‌ज्‍यीम् चोले पङ्‍ज्‍यी,

प्रेरीत् 8:26

प्रभुइ स्‍वर्‌गदुत गीःचे फीलीप्‍त पङ्‍ज्‍यी, “ए रेःज्‍यीम् लो पट्‍टीरी यरुसलेम य्‍हङ्‍से गाजा ङ्‌यीबे ग्‍यम्‍री ङ्‍यीउ। हुजुरी उजाड-ग्‍लाइ ग्‍यम् मुब।”

रोमी 1:1

ङ पावल, येसु ख्रीस्‍ट्‍की योक्‍पोचे चु चीठी ब्रीटीब, ओसेम् पर्‌मेस्‍वर्‌चे ङत प्रेरीत् तबरी ङ्‌होत्‍जेत्‍ज्‍यीम् थेङ्‍की ज्‍यबे सम्‍तर् स्‍येत्‍परी दम्‍जेत्‍ज्‍यी।

रोमी 1:9

ङ ङइ सेम् य्‍हङ्‌सेनो पर्‌मेस्‍वर्‌की जइ ज्‍यबे सम्‍तर् स्‍येत्‍ज्‍यीम् पर्‌मेस्‍वर्‌की सेव स्‍य्‍हेङ्‍ब, ओसेम् ङचे एङ्‍यीमात खले ङइ प्रार्‌थनारी खेम पङ्‌लेनो व्‍हल् स्‍य्‍हेङ्‍ब पङ्‍ज्‍यीम् पर्‌मेस्‍वर् ङइ साक्षी मुब।

रोमी 6:22

तर देरेम् एङ्‍यीमा पाप् ग्‍यम्‍से छुटकारा यङ्‌ज्‍यीम् पर्‌मेस्‍वर्‌की बानामा तबल मुब। हुजुचेमी पबीत्रता ओसेम् ज्‍युरी खेमेएनो अबेबे जीवन्‍री दोनलब।

१ कोरीन्‍थी 6:20

तलेपङ्‍सम् पर्‌मेस्‍वर्‌चे एङ्‍यीमात सेइ फाज्‍यीम् ग्‍लुजेत्‍पल य्‍हीन्‍ब। होत्‍तज्‍यीम् एङ्‍यीमाचे र्‌हङ्‍की ल्‍हीःरी पर्‌मेस्‍वर्‌की महीमा स्‍य्‍हेङो।

२ तीमोथी 1:3

ङ ङइ अप म्‍हेम्‍हेमाचे र्‌हङ्‌लेनो ज्‍यबे सेम् थोज्‍यीम् पर्‌मेस्‍वर्‌की सेवा स्‍य्‍हेङ्‌ब। ओसेम् थेङ्‍तनो ङ एइ लागीरी व्‍होर्‌छ्‍ये पीन्‍ब ओसेम् दीन् म्‍हुन् एत ङचे प्रार्‌थनारी व्‍हल् स्‍य्‍हेङ्‌ब।

२ तीमोथी 2:24

प्रभुइ योक्‍पोचे छेत्‍प बङ्‍ब स्‍य्‍हेङ्‌ब अत। थे जम्‍मतनो दय स्‍य्‍हेङ्‌ब खम्‍बल, ओसेम् ल्‍हो-ल्‍होत लोप्‍प खम्‍बलतेङ् नाप खम्‍बल तथोब।

२ तीमोथी 4:17

तर यहुदी अय्‍हीन्‍बे जम्‍मनो म्‍हीमात जम्‍मनो ज्‍यबे सम्‍तर् स्‍येत्‍प खम्‍खइ पङ्‍ज्‍यीम् प्रभु ङतेङ् तज्‍यीम् ङत बङ् न्‍हङ्‍जेत्‍ज्‍यी। ओसेम् थेङ्‌चे ङत ता:की सुङ् ग्‍यम्‍से थर्‌न लजेत्‍ज्‍यी।

तीतस 1:1

ङ पावल पर्‌मेस्‍वर्‌की योक्‍पो ओसेम् येसु ख्रीस्‍ट्‍की प्रेरीत ग्‍यम्‍से चु चीठी ब्रीटीब। पर्‌मेस्‍वर्‌चे दम्‍जेत्‍पलमाचे पर्‌मेस्‍वर्‌त तङ्‍न लबे ब्‍यबहार् स्‍य्‍हेङ्‌खइ पङ्‍ज्‍यीम् थेङ्‍यीमाकी बीस्‍वास् कोङ्‍न लबरी ओसेम् थेङ्‍यीमात पर्‌मेस्‍वर्‌की देमेन्‍की बारेरी लोप्‍परी ङत थेङ्‌चे दम्‍जेत्‍पल य्‍हीन्‍ब।

तीतस 2:14

येसु ख्रीस्‍ट्‍चे ङ्‌य्‍हङ्‌मात जम्‍मनो थोइ पाप ग्‍यम्‍से फेःपीन्‍जेत्‍परी र्‌हङ्‌की बुः न्‍हङ्‍न्‍जेत्‍ज्‍यी। थेङ्‌चे ङ्‌य्‍हङ्‌मात चोखो स्‍य्‍हेङ्‍जेत्‍परी र्‌हङ्‌की म्‍ही स्‍य्‍हेङ्‍जेत्‍ज्‍यी, ओसेम् ङ्‌य्‍हङ्‍मात ज्‍यबे लक् स्‍य्‍हेङ्‌बरी आर् पीन्‍बे लागीरी चोले स्‍य्‍हेङ्‍जेत्‍ज्‍यी।

हीब्रु 1:14

होत्‍तज्‍यीम् जम्‍मनो स्‍वर्‌गदुत्‍मा पर्‌मेस्‍वर्‌चे मुक्‍ती न्‍हङ्‍स्‍येलामाकी स्‍य्‍हप्‍तो स्‍य्‍हेङ्‌बरी पीत्‍जेत्‍पे आत्‍मामाकीनो य्‍हीन्‍ब।

प्रकास 22:16

“ङ येसुचे मन्‍डलीमारी मुबलमा जम्‍मतनो चु तम्‍माकी गबाही पीन्‍बरी ङइ स्‍वर्‌गदुत्‍त एज पीत्‍खबल मुब। ङ दाऊद ग्‍यल्‍बोइ सन्‍तान् य्‍हीन्‍ब। ङ स्‍य्‍होरी सर्‌बे सार् य्‍हीन्‍ब।”