प्रेरीत् 24:27 - पश्‍चिम तामाङ

²⁷ तर ङ्‌हीत्‍तीङ् लीप्‍चे फेलीक्‍स्‍की ग्‍लारी पर्‌कीअस फेस्‍तस् खज्‍यी। ओसेम् फेलीकस्‍चे यहुदीमात तङ्‍नलबे लागीरी पावलत जेल्‍रीनो थेन्‍ज्‍यीम् य्‍हर्‌ज्‍यी।

प्रेरीत् 24:27 ပူးပေါင်းရင်းမြစ်များ

मर्‌कुस् 15:15

ओसेम् पीलातसचे य्‍हक्‍को म्‍हीमात तङ्‍नलबे लागीरी बारब्‍बात पीत्‍लाज्‍यी। येसुतमी कोर्‌रचे ग्‍यङ्‌ज्‍यीम् क्रुस्‍री च्‍योलागो पङ्‍ज्‍यीम् रोमी स्‍यीपाइमाकी यारी सोप्‍तीपीन्‍ज्‍यी।

प्रेरीत् 12:3

हुजु लक्‍चे यहुदीमा तङ्‍बल म्रङ्‌ज्‍यीम् हेरोदचे पत्रुसतएनो चुङ्‍ज्‍यी। थेचे चोतेबे लक् नीस्‍तार् पर्‌बइ बेलोरी स्‍य्‍हेङ्‌बल मुबल।

प्रेरीत् 23:35

ओसेम् हाकीम्‍चे “एत मुद्‍द युबे म्‍हीमा चुरी दोखबतेङ् एइ तम् ङ्‍येन्‍ल” बी पङ्‍ज्‍यी। हुजु लीप्‍चे ङ्‍हच्‍छ्‍यङ् हाकीम्‍चे पावलत हेरोदचे स्‍य्‍हेङ्‌बे दर्‌बार्‌की जेल्‍न्‍हङ् ज्‍यनले थेनो पङ्‍ज्‍यीम् कुल्‍ज्‍यी।

प्रेरीत् 25:1

फेस्‍तस् र्‌हङ्‌की प्रदेस्‍री खज्‍यीम् सोम्‍रेत् तब बीसेम् थे कैसरीया ग्‍यम्‍चे यरुसलेम्‍री ङ्‍यीज्‍यी।

प्रेरीत् 25:14

हुजुरी थेङ्‍यीमा य्‍हक्‍को दीन् टीब बीसेम् फेस्‍तस्‍चे थेङ्‌यीमात पावलकी तम् चोले स्‍येत्‍ज्‍यी, “फेलीकस्‍चे जेल्‍री च्‍युप्‍पे म्‍ही गी चुरी मुब।

प्रेरीत् 25:4

तर फेस्‍तसचे थेङ्‌यीमात पङ्‍ज्‍यी, “पावलत कैसरीयरी जेल्‍री च्‍युप्‍ज्‍यीम् थेन्‍बल मुब, ओसेम् ङएनो हुजुरी ग्‍योन्‍नो ङ्‍यीटीब मुब।

प्रेरीत् 25:9

यहुदीमात तङ्‍न लबे सेम् लज्‍यीम् फेस्‍तसचे पावलत पङ्‍ज्‍यी, “ता ए यरुसलेम्‍री ङ्‌यीज्‍यीम् हुजुरी ङइ ङोन्‍री चु तम्‍माकी न्‍याय स्‍य्‍हेङ्‍सम् म्‍हेन्‍ब?”

प्रेरीत् 26:32

हुजु लीप्‍चे अग्रीपास्‍चे फेस्‍तस्‍त पङ्‍ज्‍यी, “चु म्‍हीचे रोमी कैसरतेङ् फ्‍या अलबल य्‍हीन्‍सम् पीत्‍लालेनो तस्‍ये मुबल।”

प्रेरीत् 28:30

पावल ङ्‍य्‍हीत्‍तीङ् सम्‍म र्‌हङ्‌की टङनो कोल्‍ज्‍यीम् रोम्‍री टीज्‍यी। ओसेम् र्‌हङ्‍त खदु लबरी खबलमा जम्‍मतनो स्‍वागत स्‍य्‍हेङ्‌ज्‍यी।

गलाती 1:10

ङचे चोले पङ्‍ज्‍यीम् ता ङचे म्‍हीमात तङ्‍न लब म्‍हइटीब स्‍यीम्? अय्‍हीन्, ङमी पर्‌मेस्‍वर्‌त तङ्‍नलइ म्‍हेन्‍ब। ता म्‍हीमाचे ङत म्‍होइखइ म्‍हेन्‍टीब? ङचे होतेब म्‍हेन्‍टीब पङ्‌सम् ङ ख्रीस्‍ट्‍की योक्‍पो तस्‍ये अरेबल।