प्रेरीत् 24:22 - पश्‍चिम तामाङ

²² फेलीक्‍स्‍त चु ग्‍यम्‍की बारेरी ज्‍यनले था मुबल तज्‍यीम् थेचे चु तम् ङ्‍येन्‍ब बीसेम्, “सेनपती लुसीयस ब्‍योन्‍खबतेङ् ङ एङ्‌यीमाकी मुद्‍द टङ्‍पीन्‍ल” बी पङ्‍ज्‍यीम् थेङ्‌यीमात पीत्‍ज्‍यी।

प्रेरीत् 24:22 ပူးပေါင်းရင်းမြစ်များ

मत्‍ती 2:7

हुजु लीप्‍चे हेरोदचे स्‍यर्‌चे खबे ज्‍योतीसीमाता सार् गते बेलोरी म्रङ्‌बल बी खुसुक्‍ले ङ्‌होत्‍ज्‍यीम् ङ्‌योत्‍ज्‍यी। ओसेम् थेङ्‍यीमाचे स्‍येत्‍प बीसेम् हेरोदचे स्‍येज्‍यी।

प्रेरीत् 18:20

पावलत यहुदीमाचे तोव दीन्‍सम्‍म थेङ्‍यीमातेङ् बक्‍च्‍यनो टीउ बी फ्‍या लज्‍यी, तर थेचे अङ्‍येन्।

प्रेरीत् 19:40

तीङ्‌यी तबे चु हुलदङ्‌गइ दोस् रोमी सरकारचे ङ्‍यीमात ल्‍हइतीब खम्‍ब। तलेपङ्‍सम् म्‍हीमाचे स्‍यीत्‍तीरीनो खइलबइल स्‍य्‍हेङ्‌ज्‍यीम् र्‌हुब् तबल तज्‍यीम् ङ्‌यीमाचे तेएनो पङ्‍ब अखम्।”

प्रेरीत् 24:10

पावलत ङ्‍य्‍हच्‍छ्‍यङ् हाकीम्‍चे तम् पङो पङ्‍ज्‍यीम् ल्‍हादब् लब बीसेम् पावलचे चोले पङ्‍ज्‍यी, “ङत था मुब, थेङ् य्‍हक्‍को बर्‌स य्‍हङ्‌सेनो चु य्‍हुल्‍की न्‍याय स्‍य्‍हेङ्‌टीबे म्‍ही य्‍हीन्‍ब, होत्‍तज्‍यीम् ङ थर्‌बे लागीरी थेङ्‌की ङोन्‍री तम् पङ्‌बरी तङ्‌बल मुब।

प्रेरीत् 24:14

ङ चु तम्‍मी पङ्‍ब, ङ ङ्‍य्‍हङ्‍की म्‍हेमेमाचे तेन्‍बे पर्‌मेस्‍वर्‌की ग्‍यम्‍री ब्रब, थेङ्‍यीमाचेमी चुत भ्‍युकी ग्‍यम् पङ्‌ब। तर ङ अगम्‍बक्‍तमाचे ब्रीबे धर्‌म-छ्‌येतेङ् मोसाचे ब्रीज्‍यीम् पीन्‍बे पर्‌मेस्‍वर्‌की नीयम्‍री मुबे जम्‍मनो तम्‍मात बीस्‍वास् स्‍य्‍हेङ्‌ब।

प्रेरीत् 24:24

तोव दीन् लीप्‍चे फेलीक्‍स् थेइ यहुदी म्रीङ् द्रुसील्‍लत बक्‍च्‍य बज्‍यीम् खज्‍यी। ओसेम् पावलत ङ्‌होत्‍ज्‍यीम् येसु ख्रीस्‍ट्त बीस्‍वास् स्‍य्‍हेङ्‌बे बारेरी पावल ग्‍यम्‍से ङ्‍येन्‍ज्‍यी।

प्रेरीत् 24:6

ओसेम् थेचे पर्‌मेस्‍वर्‌की दीम्‍त असुद्‍द स्‍य्‍हेङ्‍बएनो म्‍हइब मुबल। होत्‍तज्‍यीम् ङ्‌यीमाचे थेत चुङ्‍ज्‍यी।

प्रेरीत् 25:26

तर ङचे थेत दोस् ल्‍हइतीबे बारेरी सम्राटत तेएनो ब्रीब अखम्। होत्‍तज्‍यीम् ङचे थेत थेङ्‍माकी ङोन्‍ग्‍यम् बीसेस लज्‍यीम्, थेङ् ग्‍यल्‍बो अग्रीपास्‍की ङोन्‍ग्‍यम् बबे सेम् लबल य्‍हीन्‍ब। थेङ्‍माचे चु म्‍हीइ बारेरी ङ्‌योत्‍प थी:ब लब बीसेम् ङचे ब्रीबरी तम् यङ्‍स्‍ये मुब बी म्‍हेन्‍बल मुब।

प्रेरीत् 26:3

यहुदीमाकी पेठीम्तेङ् थेङ्‌यीमाकी अथुन्‍बे तम् थेङ्‌चे ज्‍यनले खेम्‍जेत्‍पल मुब। होत्‍तज्‍यीम् ङ थेङ्‌त फ्‍या लब, देरे ङइ तम् ज्‍यनले सेन्‍जेतो।

प्रेरीत् 9:2

“ङ दमस्‍कस्‍री ङ्‌यीज्‍यीम् प्रभुइ लीप्‍चे ब्रबे अपकोलमातेङ् अमकोलमात खजु-खजु स्‍यप्‍लेएनो चुङ्‌ज्‍यीम्, खीज्‍यीम् यरुसलेमरी बम्‍यङो बी यहुदीमा र्‌हुब् तबे दीम्‍माकी मीन्‍री स्‍योःस्‍यो ब्रीपीनो” पङ्‍ज्‍यीम् र्‌हीत्‍ज्‍यी।