प्रेरीत् 24:17 - पश्‍चिम तामाङ

¹⁷ “य्‍हक्‍को बर्‌स लीप्‍चे ङ यरुसलेमरी ङइ म्‍हीमात टङ पीन्‍बरी ओसेम् पर्‌मेस्‍वर्‌त भेटी पीन्‍बरी खबल मुबल।

प्रेरीत् 24:17 ပူးပေါင်းရင်းမြစ်များ

प्रेरीत् 20:16

पावलचे देरेम् ल्‍हो-ल्‍हो बेलो एसीयाकी प्रदेस्‍री टीबे सेम् अल। होत्‍तज्‍यीम् एफीसस सहर्‌री ङ्‌यीबे सेम् अल, तलेपङ्‍सम् थे पेन्‍तीकोस्‍की दीन्‍री यरुसलेमरी दोःबे लागीरी अत्‍तुरी तटीब मुबल।

प्रेरीत् 20:31

होत्‍तज्‍यीम् चोङ्‌ले टीउ, ओसेम् ङचे सोम्‍तीङ् सम्‍म दीन्तेङ् म्‍हुन् मीख्‍ली तइ-तइज्‍यीम् एङ्‍यीमा जम्‍मत पीन्‍स्‍यीनो टीबे चेतावनीत ह्‍वल् लज्‍यीम् टीउ।

प्रेरीत् 21:26

न्‍हम्‍स्‍य्‍होर्‌हङ् पावलचे हुजु म्‍ही ब्‍लीत बोर्‌ज्‍यीम् थेङ्‍यीमातेङ् बक्‍च्‍य र्‌हङतएनो सुद्‍द स्‍य्‍हेङ्‌ज्‍यी। ओसेम् सुद्‍द स्‍य्‍हेङ्‌बे दीन् खेम बुत्‍प पङ्‌बे तम्‍तेङ् थेङ्‍यीमाचे म्‍ही र्‌हङ्‌स्‍यीनो पीन्‍थोबे ठाकी तम् स्‍येत्‍परी पावल पर्‌मेस्‍वर्‌की दीम्‍न्‍हङ् वङ्‍ज्‍यी।

प्रेरीत् 24:26

ओसेम् पावलचे टङ पीन्‍मुवा बी फेलीकस्‍चे आस् लबल मुबल। होत्‍तज्‍यीम् थेचे पावलत य्‍हम्‍चे य्‍हम्‍रीनो ङ्‌होत्‍ज्‍यीम् तम् लब मुबल।

रोमी 15:31

यहुदीयारी मुबे बीस्‍वास् अस्‍य्‍हेङ्‌बे म्‍हीमा ग्‍याम्‍से थर्‌ब खम्‍खइ, ओसेम् ङचे यरुसलेम्‍री बोर्‌टीबे टङ पर्‌मेस्‍वर्‌की म्‍हीमाचे कीन्‍ज्‍यीम् सेम्‍री ङ्‍यीखइ पङ्‍ज्‍यीमएनो प्रार्‌थना स्‍य्‍हेङ्पीनो।

२ कोरीन्‍थी 8:6

होत्‍तज्‍यीम् तीतसचे ङोन्‍ग्‍यम् य्‍हङ्‌सेनो एङ्‍यीमाचे पीन्‍बे टङ दुत्‍पे लक् तीप्‍पल तज्‍यीम् हुजु लक् पुरा स्‍य्‍हेङ्‌खइ पङ्‍ज्‍यीम् ङ्‌यीमाचे थेतनो एङ्‍यीमाज पीखत्‍ज्‍यी।

२ कोरीन्‍थी 8:9

ङ्‍य्‍हङ्‍की प्रभु येसु ख्रीस्‍ट्‍चे स्‍य्‍हेङ्‍जेत्‍पे अनुग्रह एङ्‍यीमाचे स्‍येःबलनो मुब। थेङ् बरु मुबल, होलेतलेनो एङ्‌यीमाकी लागीरी प्रङ्‍न तजेत्‍ज्‍यी। तलेपङ्‍सम् र्‌हङ् प्रङ्‍न तज्‍यीम् एङ्‍यीमात बरु तनलबरी थेङ्‌चे चोले स्‍य्‍हेङ्‌जेत्‍पल य्‍हीन्‍ब।

२ कोरीन्‍थी 9:12

एङ्‍यीमाचे पीन्‍बे भेटी ग्‍यम्‍से पर्‌मेस्‍वर्‌की म्‍हीमात तोःबे स्‍हेमा टार्‌तीबकीनो अय्‍हीन्, तर चु ग्‍यम्‍से य्‍हक्‍को म्‍हीमाचे पर्‌मेस्‍वर्‌त व्‍होर्‌छ्‍ये पीन्‍स्‍यीनो टीस्‍ये मुब।

गलाती 2:10

ओसेम् प्रङ्‌नमात ङ्‌यीमाचे र्‌हो लस्‍यीनो टीथोब पङ्‍बे तम्‍कीनो थेङ्‌यीमाचेएनो पङ्‍ज्‍यी। हुजु लक् स्‍य्‍हेङ्‌बरी ङलएनो य्‍हक्‍को सेम् मुबल।