प्रेरीत् 24:11 - पश्‍चिम तामाङ

¹¹ ङ यरुसलेमरी पर्‌मेस्‍वर्‌त तेन्‍बरी ङ्‌यीबल दीन् चुङ् ङ्‌ही बीम य्‍हक्‍को तबल अरे, चु तम् थेङ्‌चे ग्‍योनेनो खेम्‍ब खम्‍ब।

प्रेरीत् 24:11 ပူးပေါင်းရင်းမြစ်များ

प्रेरीत् 21:18

न्‍हम्‍स्‍य्‍होर्‌हङ् पावलचे ङ्‍यीमात बोर्‌ज्‍यीम् याकुबज ङ्‍यीज्‍यी। याकुबकी दीम्‍री मन्‍डलीइ एल्‍डर्‌मा जम्‍मनो र्‌हुब् तबल मुबल।

प्रेरीत् 22:30

तर यहुदीमाचे पावलत तले दोस् ल्‍हइतीबल टीम् बी स्‍येःबे सेम् सेनपतील मुबल। होत्‍तज्‍यीम् न्‍हम्‍स्‍य्‍होर्‌हङ् जम्‍म ङ्‍हच्‍छ्‍यङ् लम्‍बुमातेङ् ङ्‍हच्‍छ्‍यङ् सभाकी जम्‍म सदस्‍यमात ङ्‍हच्‍छ्‍यङ् सभारी र्‌हुब् तउ बी कुल्‍ज्‍यी। ओसेम् पावलत बज्‍यीम् थेङ्‌यीमाकी ङोन्‍री रप्‍पुङ्‍ज्‍यी।

प्रेरीत् 23:11

हुजु म्‍हुननो प्रभुचे पावलकी रेइरी रप्‍जेत्‍ज्‍यीम् सुङ्‌ज्‍यी, “आर् लउ, तलेपङ्‍सम् एचे खले यरुसलेमरी ङइ बारेरी स्‍येत्‍ज्‍यी होलेनो एचे रोमरीएनो स्‍येत्‍थोःब।”

प्रेरीत् 23:23

हुजु लीप्‍चे सेनपतीचे कप्‍तान्‍मा न्‍हङ्‌री ङ्‌हीत ङ्‌होत्‍ज्‍यीम् पङ्‍ज्‍यी, “कैसरीया ङ्‌यीबरी दुइ सय स्‍यीपाइमा, खल् सोम् स्‍यी च्‍यी त क्रेत्‍पलमा ओसेम् दुइ सय बर्‌च थोबे स्‍यीपाइमा टोप् लउ। थेङ्‍यीमा तीङ्‌यी म्‍हुननो नौ बजे ब्रबरी टोप्‍ले थेनो।

प्रेरीत् 24:1

ओसेम् ङ्‍हरेत् लीप्‍चे जम्‍मा न्‍हङ्‌की ङ्‍हच्‍छ्‍यङ् लम्‍बु हननीयातेङ् डेत् धर्‌म-लोप्‍पोन्‍मा तर्‌तुल्‍लस् पङ्‍बे वकीलत बज्‍यीम् कैसरीयारी खज्‍यी। थेङ्‍यीमाचे पावलकी बीरुद्‍दरी सरकारकी ङोन्‍री मुद्‍द युज्‍यी।

प्रेरीत् 24:17

“य्‍हक्‍को बर्‌स लीप्‍चे ङ यरुसलेमरी ङइ म्‍हीमात टङ पीन्‍बरी ओसेम् पर्‌मेस्‍वर्‌त भेटी पीन्‍बरी खबल मुबल।