प्रेरीत् 23:35 - पश्‍चिम तामाङ

³⁵ ओसेम् हाकीम्‍चे “एत मुद्‍द युबे म्‍हीमा चुरी दोखबतेङ् एइ तम् ङ्‍येन्‍ल” बी पङ्‍ज्‍यी। हुजु लीप्‍चे ङ्‍हच्‍छ्‍यङ् हाकीम्‍चे पावलत हेरोदचे स्‍य्‍हेङ्‌बे दर्‌बार्‌की जेल्‍न्‍हङ् ज्‍यनले थेनो पङ्‍ज्‍यीम् कुल्‍ज्‍यी।

प्रेरीत् 23:35 ပူးပေါင်းရင်းမြစ်များ

मत्‍ती 2:1

यहुदीया प्रदेस्‍की बेथलेहेम् पङ्‍बे नम्‍सरी येसु न्‍हबल मुबल। हुजु बेलोरी हुजु प्रदेस्‍की ग्‍यल्‍बो हेरोद मुबल। स्‍यर्‌चे खबे ज्‍योतीसीमा थेङ्‌त म्‍हइज्‍यीम् यरुसलेमरी दोखज्‍यी।

मत्‍ती 2:16

ज्‍योतीसीमाचे थेत लुनेम् बी स्‍येब बीसेम् हेरोदत य्‍हक्‍को बुमो रप्‍ज्‍यी। ओसेम् सार् डोङ्‌बे बेलो ज्‍योतीसीमा ग्‍यम्‍चे स्‍येब अनुसार बेथेलेहेम्‍तेङ् हुजुइ रेइ रेइमाकी नम्‍सरी मुबे ङ्‍य्‍हीत्‍तीङ्तेङ् ङ्‍य्‍हीत्‍तीङ् बीम दुङ्‍की अपकोलमा जम्‍मतनो सेत्‍लाको पङ्‍ज्‍यीम् हेरोदचे स्‍यीपइमात पीत्‍ज्‍यी।

मत्‍ती 2:3

चु तम् थ्‍येःज्‍यीम् ग्‍यल्‍बो हेरोदतेङ् यरुसलेम्‍री मुबे जम्‍मनो म्‍हीमा य्‍हक्‍को छेर्‌ज्‍यी।

मत्‍ती 27:27

हुजुलीप्‍चे पीलातसकी स्‍यीपइमाचे येसुत दरबारन्‍हङ् बोर्‌ज्‍यी, ओसेम् जम्‍मनो स्‍यीपइमात र्‌हुब्‍ले ङ्‌होत्‍ज्‍यी।

युहन्‍ना 18:28

ओसेम् थेङ्‍यीमाचे स्‍य्‍हो म्‍हुन्‍चेनो येसुत कैयाफाकी दीम् ग्‍यम्‍से रोमी सरकारकी दर्‌बार्‌री बोर्‌ज्‍यी। यहुदी अगुवामा दर्‌बारन्‍हङ् अवङ्, तलेपङ्‍सम् थेङ्‍यीमाचे नीस्‍तार पर्‌ब म्‍हन्‍दीबरी र्‌हङ्‌चे र्‌हङ्‌तनो चोखो थेन्‍बे सेम् लबल मुबल।

प्रेरीत् 23:30

यहुदीमाचे चु म्‍हीत सेत्‍प म्‍हइटीब पङ्‍बे तम् ङचे थ्‍येःबल तज्‍यीम् थेत ङचे थेङ्‌ज पीत्‍खटीब मुब। थेत दोस् ल्‍हइतीबे यहुदीमातएनो थेङ्‍जनो उजुरी युङ्‍यीउ पङ्‍ज्‍यीम् कुल्‍बल मुब।”

प्रेरीत् 24:1

ओसेम् ङ्‍हरेत् लीप्‍चे जम्‍मा न्‍हङ्‌की ङ्‍हच्‍छ्‍यङ् लम्‍बु हननीयातेङ् डेत् धर्‌म-लोप्‍पोन्‍मा तर्‌तुल्‍लस् पङ्‍बे वकीलत बज्‍यीम् कैसरीयारी खज्‍यी। थेङ्‍यीमाचे पावलकी बीरुद्‍दरी सरकारकी ङोन्‍री मुद्‍द युज्‍यी।

प्रेरीत् 24:10

पावलत ङ्‍य्‍हच्‍छ्‍यङ् हाकीम्‍चे तम् पङो पङ्‍ज्‍यीम् ल्‍हादब् लब बीसेम् पावलचे चोले पङ्‍ज्‍यी, “ङत था मुब, थेङ् य्‍हक्‍को बर्‌स य्‍हङ्‌सेनो चु य्‍हुल्‍की न्‍याय स्‍य्‍हेङ्‌टीबे म्‍ही य्‍हीन्‍ब, होत्‍तज्‍यीम् ङ थर्‌बे लागीरी थेङ्‌की ङोन्‍री तम् पङ्‌बरी तङ्‌बल मुब।

प्रेरीत् 24:19

तर हुजुरी एसीयाकी डेत्-डेत् यहुदीमा मुबल, थेङ्‍यीमाचेम् ङइ बीरुद्‍दरी तइ तमे मुज्‍यी पङ्‌सम् चुरी थेङ्‌की ङोन्‍री खज्‍यीम् मुद्‍द युब खम्‍स्‍ये मुबल।

प्रेरीत् 24:22

फेलीक्‍स्‍त चु ग्‍यम्‍की बारेरी ज्‍यनले था मुबल तज्‍यीम् थेचे चु तम् ङ्‍येन्‍ब बीसेम्, “सेनपती लुसीयस ब्‍योन्‍खबतेङ् ङ एङ्‌यीमाकी मुद्‍द टङ्‍पीन्‍ल” बी पङ्‍ज्‍यीम् थेङ्‌यीमात पीत्‍ज्‍यी।

प्रेरीत् 24:23

ओसेम् फेलीकस्‍चे कप्‍तान्‍त “पावलत रुङ्‍बरी स्‍यीपाइमा थेनो, तर थेत तोःबे स्‍य्‍हेमा पीन्‍बे र्‌होमात थर्‌होदो। ओसेम् य्‍हक्‍को कडा थस्‍य्‍हेङो” पङ्‍ज्‍यीम् कुल्‍ज्‍यी।

प्रेरीत् 25:16

ङचे थेङ्‌यीमात पङ्‍ज्‍यी, ‘दोसी म्‍हीचे दोस् ल्‍हइतीबे म्‍हीतेङ् खतु तज्‍यीम् थेत ल्‍हइतीबे दोस्‍की बारेरी तम् अपङ्‍ननो सजाय पीन्‍बे पे रोमी सरकारल अरे।’