प्रेरीत् 22:25 - पश्‍चिम तामाङ

²⁵ तर स्‍यीपाइमाचे पावलत कोर्‌रचे ग्‍यङ्बरी खीःबे बेलोरी पावलचे रेइरी रप्‍टीबे कप्‍तान्‍त पङ्‍ज्‍यी, “रोमी म्‍हीत तइ दोस् अय्‍हङ्‍ननो कोर्‌रचे ग्‍यङ्‍म्‍यङ्‍ब? रोमी नीयम्‍चे चोलेनो स्‍य्‍हेङो पङ्‍बल मुब?”

प्रेरीत् 22:25 ပူးပေါင်းရင်းမြစ်များ

मत्‍ती 10:17

होसीयार् तउ, तलेपङ्‍सम् एङ्‌यीमात म्‍हीमाचे चुङ्‌ज्‍यीम् आदलतरी बोर्‌स्‍ये मुब, ओसेम् यहुदीमा र्‌हुप् तबे दीम्‍मारी बोर्‌ज्‍यीम् कोर्‌रचे ग्‍यङ्‌स्‍ये मुब।

मत्‍ती 27:54

येसुत रुङ्‍ज्‍यीम् टीबे कप्‍तान्‍तेङ् स्‍यीपइमाचे हुजुरी सङ्‍गुल् य्‍हर्‌बलतेङ् तबे जम्‍मनो तम्‍म म्रङ्‌ब बीसेम् य्‍हक्‍को लोङ्‌ज्‍यी। ओसेम् थेङ्‍यीमाचे पङ्‍ज्‍यी, “देमेन्‍नो चु म्‍ही पर्‌मेस्‍वर्‌की ज य्‍हीन्‍बल टीम्!”

मत्‍ती 8:8

तर कप्‍तान्‍चे पङ्‍ज्‍यी, “प्रभु, ङ थेङ्‌त ङइ दीम्‍री स्‍वागत स्‍य्‍हेङ्‌बे लागीरी जेःबल अरे। थेङ्‌चे फ्रोइकीनो सुङ्‌जेतो, ङइ योक्‍पो फेन्‍स्‍ये मुब।

प्रेरीत् 10:1

कैसरीया पङ्‍बे ग्‍लारी कर्‌नेलीयस पङ्‍बे म्‍ही गीः मुबल। थे रोमी स्‍यीपाइमाकी इटालीया पङ्‍बे पल्‍टनकी कप्‍तान मुबल।

प्रेरीत् 16:37

तर पावलचे हुजु स्‍यीपाइमात पङ्‍ज्‍यी, “ङ्‌यी ङ्‌ही रोमी म्‍ही तन तननो ओसेम् तइ दोस्‍एनो अयङ्‍मेएनो म्‍हीमाइ ङोन्‍री ङ्‌यी ङ्‌हीत तोज्‍यी, ओसेम् जेल्‍री च्‍युप्‍ज्‍यी। देरेम् ङ्‍यीमात कुटीले पीत्‍लाब म्‍हइब? चोले अत, हुजु हाकीम्‍मानो खज्‍यीम् ङ्‍यीमात पीत्‍थोब।”

प्रेरीत् 22:26

कप्‍तान्‍चे चु थ्‍येःब बीसेम् सेनपती मुबे ग्‍लारी खज्‍यीम् चोले पङ्‍ज्‍यी, “थेङ्‌चे चु ता स्‍य्‍हेङ्‌ब म्‍हइजेत्‍पल? तलेपङ्‍सम् चु म्‍हीम् रोमी म्‍हीक टीम्।”

प्रेरीत् 23:17

ओसेम् पावलचे कप्‍तान गीःत ङ्‌होत्‍ज्‍यीम् पङ्‍ज्‍यी, “चु ठीटत सेनपतीज सपीन्‍जेतो, तलेपङ्‍सम् चु ठीटल थेङ्‍तेङ् तम् पङ्‌थोस्‍ये मुब।”

प्रेरीत् 23:27

चु म्‍हीत यहुदीमाचे सेत्‍परी चुङ्‍नेम्। तर ङचे ङइ स्‍यीपाइमा बोर्‌ज्‍यीम् थेत थेङ्‌यीमा ग्‍यम्‍से तेत्‍ज्‍यीम् बज्‍यी। तलेपङ्‍सम् थे रोमी म्‍ही टीम् पङ्‍बे तम् ङचे थ्‍येःबल मुबल।

प्रेरीत् 25:16

ङचे थेङ्‌यीमात पङ्‍ज्‍यी, ‘दोसी म्‍हीचे दोस् ल्‍हइतीबे म्‍हीतेङ् खतु तज्‍यीम् थेत ल्‍हइतीबे दोस्‍की बारेरी तम् अपङ्‍ननो सजाय पीन्‍बे पे रोमी सरकारल अरे।’

प्रेरीत् 27:1

ओसेम् फेसतस्‍चे समुन्‍द्रइ ग्‍यम्‍से तज्‍यीम् इटालीया य्‍हुल्‍री ङ्‌यीबे तम् पङ्‌ब बीसेम् थेङ्‍यीमाचे पावलतेङ् ल्‍हो-ल्‍हो कैदीमात ग्‍यल्‍बो अगस्‍टस्‍की कप्‍तान युलीयस्‍की यारी सोप्‍तीपीन्‍ज्‍यी।

प्रेरीत् 27:3

न्‍हम्‍स्‍य्‍होर्‌हङ् ङ्‌यीमा सीदोन सहर्‌री दोःज्‍यी। हुजु ग्‍लारी कप्‍तान युलीयस्‍चे पावलत दय लज्‍यीम् थेत तोःबे स्‍य्‍हेमा कीन्‍बरी र्‌होमातेङ् खदु लबरी ङ्‍यीपुङ्‍ज्‍यी।

प्रेरीत् 27:43

तर कप्‍तान्‍चे पावलत जोगइतीबे सेम् लज्‍यीम् थेङ्‌यीमात खल्‍तएनो सेत् अपुङ्। ओसेम् ग्‍ये क्‍यल्‍ब स्‍येःबमात ग्‍ये क्‍यल्‍ज्‍यीम् पकरी ङ्‍यीउ बी पङ्‍ज्‍यीम् कुल्‍ज्‍यी।