प्रेरीत् 22:24 - पश्‍चिम तामाङ

²⁴ चु म्रङ्‌ब बीसेम् रोमी सेनपतीचे “पावलत न्‍हङ्‌री बोर्‌ज्‍यीम् कोर्‌रचे ग्‍यङो, तलेपङ्‍सम् थेत कोर्‌रचे ग्‍यङ्‍बतेङ् यहुदीमा तले बोमो लबल बी थेचे स्‍येत्‍मुव” पङ्‍ज्‍यीम् कुल्‍ज्‍यी।

प्रेरीत् 22:24 ပူးပေါင်းရင်းမြစ်များ

युहन्‍ना 19:1

हुजु लीप्‍चे येसुत कोर्‌रचे ग्‍यङो पङ्‍ज्‍यीम् पीलातस्‍चे स्‍यीपइमात कुल्‍ज्‍यी।

प्रेरीत् 16:37

तर पावलचे हुजु स्‍यीपाइमात पङ्‍ज्‍यी, “ङ्‌यी ङ्‌ही रोमी म्‍ही तन तननो ओसेम् तइ दोस्‍एनो अयङ्‍मेएनो म्‍हीमाइ ङोन्‍री ङ्‌यी ङ्‌हीत तोज्‍यी, ओसेम् जेल्‍री च्‍युप्‍ज्‍यी। देरेम् ङ्‍यीमात कुटीले पीत्‍लाब म्‍हइब? चोले अत, हुजु हाकीम्‍मानो खज्‍यीम् ङ्‍यीमात पीत्‍थोब।”

प्रेरीत् 21:34

तर य्‍हक्‍को म्‍हीमा न्‍हङ्‍चे म्‍हीइ र्‌हङ्‌स्‍यीनो ल्‍हो-ल्‍हो तम् पङ्‍ज्‍यी। चोले तज्‍यीम् थेङ्‍यीमाचे पङ्‍बे तम् खजुम् देमेन् बी सेनपतीचे गोअखम्। होत्‍तज्‍यीम् पावलत ब्‍यारेक्‍री बोरो बी सेनपतीचे स्‍यीपाइमात कुल्‍ज्‍यी।

प्रेरीत् 21:37

पावल ब्‍यारेक् न्‍हङ् दोःब म्‍हइबे बेलोरी थेचे सेनपतीत ग्रीक ग्‍योत्‍री, “ङ थेङ्‌त तइ तम्‍ए पङ्‍ब खम्‍ब?” बी पङ्‌ज्‍यी। सेनपतीचे ङ्‌योत्‍ज्‍यी, “एचे ग्रीक ग्‍योत्‍एनो स्‍येब?

प्रेरीत् 23:10

हुजुरी थेङ्‌यीमाकी तम् अडीःज्‍यीम् य्‍हक्‍को बङ्‍बल तज्‍यीम् पावलत तोर् छेङ् मोर् छेङ् लज्‍यीम् सेत्‍ल बी सेनपती लोङ्‌ज्‍यी। ओसेम् सेनपतीचे दुङ्‌री ङ्‌यीज्‍यीम् पावलत थेङ्‌यीमाकी गुङ्‌से बङ्‌सेनो तेत्‍ज्‍यीम् ब्‍यारेक्‍री बोउ बी स्‍यीपाइमात कुल्‍ज्‍यी।

प्रेरीत् 23:27

चु म्‍हीत यहुदीमाचे सेत्‍परी चुङ्‍नेम्। तर ङचे ङइ स्‍यीपाइमा बोर्‌ज्‍यीम् थेत थेङ्‌यीमा ग्‍यम्‍से तेत्‍ज्‍यीम् बज्‍यी। तलेपङ्‍सम् थे रोमी म्‍ही टीम् पङ्‍बे तम् ङचे थ्‍येःबल मुबल।

प्रेरीत् 28:18

रोमीमाचे ङत ङ्‌योत्‍प थी:ब लज्‍यीम् पीत्‍लाबे सेम् लबल मुबल। तलेपङ्‍सम् ङल स्‍यीथोःबे सजायकी दोस् तएनो अय्‍हङ्‌बल मुबल।

हीब्रु 11:35

ओसेम् बीस्‍वास् ग्‍यम्सेनो अममाचे र्‌हङ्‍की स्‍यीज्‍यीन्‍बे म्‍हीमात सोम्‍बो यङ्‌ज्‍यी। तर ल्‍हो-ल्‍होमाचेम् पर्‌मेस्‍वर्‌त अस्‍वीकार लज्‍यीम् स्‍वतन्‍त्र तब बीमएनो स्‍यीज्‍यीम् लीक्‍यम् झेन् य्‍हक्‍को ज्‍यबे जीवन् यङ्‍बे आस्‍री दुख नाज्‍यीम् स्‍यीबरी सेम् लज्‍यी।