प्रेरीत् 21:37 - पश्‍चिम तामाङ

³⁷ पावल ब्‍यारेक् न्‍हङ् दोःब म्‍हइबे बेलोरी थेचे सेनपतीत ग्रीक ग्‍योत्‍री, “ङ थेङ्‌त तइ तम्‍ए पङ्‍ब खम्‍ब?” बी पङ्‌ज्‍यी। सेनपतीचे ङ्‌योत्‍ज्‍यी, “एचे ग्रीक ग्‍योत्‍एनो स्‍येब?

प्रेरीत् 21:37 ပူးပေါင်းရင်းမြစ်များ

लुका 21:15

तलेपङ्‍सम् ङ एङ्‌यीमात चोतबे तम्‍की छीःतेङ् बुद्‍दी पीन्‍स्‍ये मुब। एङ्‌यीमात अखोबलमाचे एङ्‌यीमाइ तम् थाज्‍यीम् जोहाप्‍एनो फाब खम्‍स्‍ये अरे।

प्रेरीत् 19:30

ओसेम् पावल य्‍हक्‍को म्‍हीमाकी ङोन्‍री ङ्‌यीबे सेम् लज्‍यी। तर बीस्‍वासीमाचे थेत ङ्‍यीअबुङ्।

प्रेरीत् 21:19

पावलचे थेङ्‌यीमात लस्‍सो स्‍य्‍हेङ्ब बीसेम् थेचे यहुदी अय्‍हीन्‍बे म्‍हीमाकी गुङ्‍री सेवकाइ स्‍य्‍हेङ्‌बे बेलोरी पर्‌मेस्‍वर्‌चे स्‍य्‍हेङ्‍जेत्‍पे जम्‍म लक्‍माकी बारेरी थेङ्‌यीमात स्‍येत्‍ज्‍यी।

प्रेरीत् 21:34

तर य्‍हक्‍को म्‍हीमा न्‍हङ्‍चे म्‍हीइ र्‌हङ्‌स्‍यीनो ल्‍हो-ल्‍हो तम् पङ्‍ज्‍यी। चोले तज्‍यीम् थेङ्‍यीमाचे पङ्‍बे तम् खजुम् देमेन् बी सेनपतीचे गोअखम्। होत्‍तज्‍यीम् पावलत ब्‍यारेक्‍री बोरो बी सेनपतीचे स्‍यीपाइमात कुल्‍ज्‍यी।

प्रेरीत् 22:24

चु म्रङ्‌ब बीसेम् रोमी सेनपतीचे “पावलत न्‍हङ्‌री बोर्‌ज्‍यीम् कोर्‌रचे ग्‍यङो, तलेपङ्‍सम् थेत कोर्‌रचे ग्‍यङ्‍बतेङ् यहुदीमा तले बोमो लबल बी थेचे स्‍येत्‍मुव” पङ्‍ज्‍यीम् कुल्‍ज्‍यी।

प्रेरीत् 23:10

हुजुरी थेङ्‌यीमाकी तम् अडीःज्‍यीम् य्‍हक्‍को बङ्‍बल तज्‍यीम् पावलत तोर् छेङ् मोर् छेङ् लज्‍यीम् सेत्‍ल बी सेनपती लोङ्‌ज्‍यी। ओसेम् सेनपतीचे दुङ्‌री ङ्‌यीज्‍यीम् पावलत थेङ्‌यीमाकी गुङ्‌से बङ्‌सेनो तेत्‍ज्‍यीम् ब्‍यारेक्‍री बोउ बी स्‍यीपाइमात कुल्‍ज्‍यी।

प्रेरीत् 23:16

तर पावलकी अङइ जचे चु तम् था यङ्‌ज्‍यीम् ब्‍यारेक् न्‍हङ् ङ्‌यीज्‍यीम् पावलत स्‍येत्‍पीन्‍ज्‍यी।