प्रेरीत् 21:13 - पश्‍चिम तामाङ

¹³ तर पावलचे, “एङ्‍यीमा तले क्राज्‍यीम् ङइ सेम् टङ्‍नलब? तलेपङ्‍सम् जेल्‍री च्‍युप्‍परीकीनो अय्‍हीन्, तर ङ यरुसलेमरी प्रभु येसुइ लागीरी स्‍यीबरीएनो तयार मुब” बी पङ्‍ज्‍यी।

प्रेरीत् 21:13 ပူးပေါင်းရင်းမြစ်များ

प्रेरीत् 20:24

तर ङ ङइ जीवन ङइ लागीरी तइ सेइलएनो अम्‍हेन्। ङचे चोदेकीनो म्‍हेन्‍ब की ङत प्रभु येसुचे स्‍य्‍हेङो बी न्‍हङ्‌जेत्‍पे पर्‌मेस्‍वर्‌की अनुग्रहइ ज्‍यबे सम्‍तर् स्‍येत्‍पे लक् टोप् लब खम्‍खइ।

प्रेरीत् 20:37

ओसेम् थेङ्‌यीमा जम्‍मनो क्राज्‍यीम् पावलत तङ्‌चे बेन्‍ज्‍यीम् च्‍योक्‍ज्‍यी।

प्रेरीत् 5:41

ओसेम् प्रेरीतमा ङ्‍हच्‍छ्‌यङ् सभा ग्‍यम्‍से तङ्-तङ्‌ज्‍यीम् “पर्‌मेस्‍वर्‌चे ङ्‌य्‍हङ्‌मात येसुइ छेन्‍री दुख नाबरी जेःनलजेत्‍ज्‍यी” पङ्‍ज्‍यीम् डोङ्‍य्‍हर्‌ज्‍यी।

प्रेरीत् 9:16

“ओसेम् थेचे ङइ लागीरी गत्‍ते दुख नाथोसे बी ङ थेत ङोन्‍स्‍ये मुब।”

१ कोरीन्‍थी 15:31

म्‍होइबे र्‌होमा, चु देमेन् य्‍हीन्‍ब, ङ दीन् र्‌हङ्‍स्‍यीनो स्‍यीबतेङ् छेत्‍प! होलेनो ङ य्‍हक्‍को तङ्‍बलएनो देमेन् य्‍हीन्‍ब तलेपङ्‍सम् एङ्‍यीमा ङ्‍य्‍हङ्‍की प्रभु येसु ख्रीस्‍ट्‍तेङ् गीः तबल मुब।

फीलीप्‍पी 2:17

एङ्‍यीमाचे पीन्‍बे बीस्‍वास्की ठातेङ् ङइ काएनो ठाकी रुप्‍री य्‍हर्‌लेनो ङ एङ्‍यीमा जम्‍मतेङ् य्‍हक्‍को तङ्‍ब।

फीलीप्‍पी 2:26

थेल एङ्‍यीमा जम्‍मत खतु लबे य्‍हक्‍को सेम् मुब। एङ्‍यीमाचे थे नबल थ्‍येःज्‍यी रो पङ्‍ज्‍यीम् थे य्‍हक्‍को छेर्‌बल मुब।

कलस्‍सी 1:24

देरेम् ङ एङ्‌यीमाकी लागीरी दुख नाथोलएनो तङ्‍ब, तलेपङ्‍सम् ख्रीस्‍ट्‍चे थेङ्‍की ल्‍हीः मन्‍डलीइ लागीरी खले दुखमा नाजेत्‍ज्‍यी, होलेनो ङएनो मन्‍डलीइ लागीरी नाथोस्‍येकी दुखमा ङइ ल्‍हीःरी नाज्‍यीम् टोप् तनलबरी र्‌हो लब।

२ तीमोथी 1:4

ङ एइ मीख्‍लीत व्‍हल् लब, ङल एतेङ् खतु लबे सेम् य्‍हक्‍को मुब। एतेङ् खतु तज्‍यी पङ्‌सम् ङ य्‍हक्‍को तङ्‍स्‍येल।

२ तीमोथी 4:6

तलेपङ्‍सम् ङ ठा र्‌हङ्‌ले सोप्‍तीबे बेलो खज्‍यीन्‍बल मुब, ङइ स्‍यीबे बेलो खबल मुब।

२ पत्रुस 1:14

तलेपङ्‍सम् ङचे ङइ सेप्रइ ल्‍ही ग्‍योन्‍नो पीत्‍थेन्‍स्‍ये मुब पङ्‍बे तम् ङत ङ्‍य्‍हङ्‍की प्रभु येसु ख्रीस्‍ट्‍चे ज्‍यनले ङोन्‍पीन्‍जेत्‍पल मुब।

प्रकास 12:11

ङ्‍य्‍हङ्‍की बीस्‍वासी र्‌होमाचे थुमाकी कातेङ् थेङ्‍यीमाचे स्‍येत्‍पे देमेन्‍की गबाहीचे लज्‍यीम् सैतान्‍त डाबल मुब, ओसेम् थेङ्‍यीमा र्‌हङ् स्‍यीबरीएनो टोप् तबल मुबल।

प्रकास 3:10

एचे धर्‌यले नाज्‍यीम् ङचे कुल्‍बे तम् ङ्‌येन्‍ज्‍यीम् ब्रबल तज्‍यीम्, जम्‍बुलीङ्‌की जम्‍मनो म्‍हीमात जाच्‍तीबरी चु जम्‍बुलीङ्‌री खस्‍येकी य्‍हक्‍को दुख ग्‍यम्‍से ङ एत थर्‌नलस्‍ये मुब।