प्रेरीत् 20:30 - पश्‍चिम तामाङ

³⁰ ओसेम् एङ्‍यीमा र्‌हङ्‌न्‍हङ्‍चेनो भ्‍यु तम् लोप्‍पे म्‍हीमा डोङ्‍स्‍ये मुब। ओसेम् थेङ्‍यीमाचे बीस्‍वासीमात थेङ्‌यीमाइ लीप्‍चे ब्रन लब म्‍हइस्‍ये मुब।

प्रेरीत् 20:30 ပူးပေါင်းရင်းမြစ်များ

मत्‍ती 23:15

“धीक्‍कार एङ्‌यी धर्‌म लोप्‍पोन्‍मातेङ् फरीसीमा, एङ्‍यीमा कपटीमा य्‍हीन्‍ब! तलेपङ्‍सम् एङ्‍यीमा म्‍ही गीःत र्‌हङ्‌की लीप्‍चे ब्रनलबरी जम्‍बुलीङ्‌की जम्‍म ग्‍लामारी कोर्‌ब, ओसेम् गी र्‌हङ्‍ब एङ्‌यीमाकी लीप्‍चे खज्‍यी पङ्‌सम् थेत नर्‌करी ङ्‌यीबरी एङ्‍यीमाचे र्‌हङ् बीम झेन् य्‍हक्‍को जेःन लब।

प्रेरीत् 11:26

ओसेम् थेचे साउलत दोज्‍यीम् एन्‍टीओखीयारी बज्‍यी। थेङ्‍य्‍ही एन्‍टीओखीयाकी मन्‍डलीरी तीत्‍तीङ् सम्‍मनो टीज्‍यीम् य्‍हक्‍को म्‍हीमात लोप्‍ज्‍यी। एन्‍टीओखीयारीनो गोदोब्‍न्‍हङ् ङोन्‍ग्‍यम् बीस्‍वासीमात ख्रीस्‍टीयन् पङ्‍बल य्‍हीन्‍ब।

प्रेरीत् 21:38

एचे दोलो बीद्रोह स्‍हेङ्‍ज्‍यीम् हजार ब्‍ली मीस्री डाकुमात उजाड-ग्‍लारी बोर्‌बल अय्‍हीनो स्‍यीम्?”

२ कोरीन्‍थी 11:13

तलेपङ्‍सम् होतेबे म्‍हीमामी भ्‍युकी प्रेरीत्‍मा य्‍हीन्‍ब ओसेम् लुबे लक् स्‍य्‍हेङ्‌बलमा य्‍हीन्‍ब, ओसेम् थेङ्‌यीमामी ख्रीस्‍ट्‍की गोइल येन्‍ज्‍यीम् ब्रबलमाकीनो य्‍हीन्‍ब।

१ तीमोथी 5:13

मीन् ब्रीबे छ्‍येःरी थेङ्‍यीमाकी मीन् मुसम् थेङ्‍यीमा ब्‍लेकु तबल तस्‍ये मुब, ल्‍होल्‍होमाकी दीम् दीम्‍री कोर्‌ज्‍यीम् ब्रबल तस्‍ये मुब, होदेकीनो अय्‍हीन् र्‌होकी तङ्‍मेन् लज्‍यीम् अथुन्‍नलबल तस्‍ये मुब, ओसेम् पङ्‍ब अतबे तम्‍माएनो पङ्‍बल तस्‍ये मुब।

१ तीमोथी 6:5

चोतेबे म्‍हीमाचे खेम पङ्‌लेनो बङ्‍नलब, तलेपङ्‍सम् थेङ्‍यीमाचे देमेन्‍की तम्‍त स्‍वीकार अस्‍य्‍हेङ्। ओसेम् थेङ्‍यीमाचे पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‍बमी बरु तबे ग्‍यम् य्‍हीन्‍ब बी म्‍हेन्‍ब।

२ पत्रुस 2:18

तलेपङ्‍सम् थेङ्‍यीमाचे र्‌हङ्‌चे र्‌हङ्‍त ङ्‍हच्‍छ्‍यङ् म्‍हेन्‍ज्‍यीम् लक् अतबे तम्‍मा य्‍हक्‍को पङ्‍ब, ओसेम् थेङ्‍यीमाचे देरेक अज्‍यबे ग्‍यम् पीत्‍ज्‍यीम् खबे म्‍हीमात ल्‍हीःकी अज्‍यबतेङ् नइबे लक्‍मा स्‍य्‍हेङ्‌बरी व्‍हम्‍ज्‍यीम् फसइतीब।

१ युहन्‍ना 2:19

थेङ्‍यीमा ङ्‍य्‍हङ्‍ल अय्‍हीन्‍ब मुबल, होत्‍तज्‍यीम् थेङ्‍यीमा ङ्‌य्‍हङ्‍मात ख्‍लेथेन्‍ज्‍यीम् य्‍हर्‌ज्‍यी। थेङ्‍यीमा ङ्‍य्‍हङ्‍ल य्‍हीन्‍सम् ङ्‍य्‍हङ्‍मातेङ् टीस्‍येल। ङ्‌यीमाचे ङ्‌य्‍हङ्‍मात ख्‍लेथेन्‍ज्‍यी हुजु तम्‍चे थेङ्‍यीमा ङ्‍य्‍हङ्‍ल अय्‍हीन् पङ्‍बे तम् ङोन्‍ब।

२ युहन्‍ना 1:7

येसु ख्रीस्‍ट् म्‍हीइ ल्‍ही तज्‍यीम् युबल अय्‍हीन् पङ्‍ज्‍यीम् लुबे म्‍हीमा य्‍हक्‍कोनो जम्‍बुलीङ्‌री खबल मुब। चोतेबे म्‍हीमाम् लुबलमातेङ् ख्रीस्‍ट् बीरोधीमा य्‍हीन्‍ब।

प्रकास 2:6

तर एतेङ् ज्‍यबे तम्‍एनो गीः मुब, एचे ङचे र्‌हङ्‌ले नीकोलाइटस् पङ्‍बलमाकी दुस्‍ट लक्‍त हेल लब।