प्रेरीत् 20:28 - पश्चिम तामाङ28 देरेम् एङ्यीमा र्हङ्की स्य्हप्तो र्हङ्चेनो स्य्हेङो। ओसेम् पबीत्र आत्माचे एङ्यीमात सोप्तीपीन्जेत्पे बगेल्मातएनो स्य्हप्तो स्य्हेङो। पर्मेस्वर्की मन्डलीइ ज्यबे गोर्तेन् तउ, तलेपङ्सम् हुजु म्हीमात थेङ्की काचे ग्लुजेत्पल य्हीन्ब। အခန်းကိုကြည့်ပါ။ |
प्रेरीत् 20:28
61 ပူးပေါင်းရင်းမြစ်များ
“हुजु बेलोरी एङ्यीमा चोङ् लज्यीम् टीउ। तलेपङ्सम् ङत बीस्वास् स्य्हेङ्बल पङ्ज्यीम् म्हीमाचे एङ्यीमात चुङ्ज्यीम् अदालतरी बोर्स्ये मुब। ओसेम् यहुदीमा र्हुब् तबे दीम्री बोर्ज्यीम् तोब-ग्यङ्ब लस्ये मुब। ओसेम् एङ्यीमात हाकीम्मातेङ् ग्यल्बोमाकी ङोन्री रप्पुङ्स्ये मुब। तर हुजु बेलोरी एङ्यीमाचे ङइ बारेरी स्येत्पे मौक यङ्ब।
कोरीन्थरी मुबे पर्मेस्वर्की मन्डलीत, येसु ख्रीस्ट्री पबीत्र स्य्हेङ्जेत्पलमालतेङ् ख्रीस्ट्की पबीत्र म्हीमा तबरी ङ्होत्जेत्पलमात र्हङ्ले येसु ख्रीस्ट्तेङ् तबे सङ्गतीचे थेङ्ल तबलमातेङ् खन बीबीचेनो थेङ्यीमातेङ् ङ्य्हङ्की प्रभु येसु ख्रीस्ट्की छेन्त तेन्बलमात चु चीठी ब्रीबल य्हीन्ब।
मन्डलीइ एल्डर्चे पर्मेस्वर्की लक्की जीम्मा कीन्बल तब, होत्तज्यीम् थे तारीएनो दोस् अरेबे म्ही तथोब। थे र्हङ्चे र्हङ्त ङ्हच्छ्यङ् म्हेन्बे म्ही, ग्योने बोमो रप्पे म्ही, ज्यी थुङ्बे म्ही, र्होतेङ् अथुन्बे म्ही, ओसेम् अज्यबे लक् स्य्हेङ्ज्यीम् टङ छाबरी लोभ लबे म्ही तब अत।
एङ्यीमाकी अगुवामाकी अर्ती ङ्येन्ज्यीम् थेङ्यीमाकी अधीन्री टीउ। तलेपङ्सम् थेङ्यीमाचे परमेस्वरत लेखा पीन्थोस्ये मुब पङ्बे तम स्येज्यीम् एङ्यीमाकी स्य्हप्तो स्य्हेङ्ब। एङ्यीमाचे थेङ्यीमाकी अर्ती ङ्येन्ज्यी पङ्सम् थेङ्यीमाचे चु लक् तङ्ज्यीम् स्य्हेङ्स्ये मुब, एङ्यीमाचे अङ्येन्ज्यी पङ्सम् दु:खी तज्यीम् स्य्हङ्स्ये मुब। एङ्यीमाचे थेङ्यीमात दुखी तन लज्यी पङ्सम् एङ्यीमात तइ फाइदाएनो अत।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
ကြော်ငြာတွေ