प्रेरीत् 20:25 - पश्‍चिम तामाङ

²⁵ ओसेम् ङचे एङ्‌यीमाकी गुङ्‍री पर्‌मेस्‍वर्‌की य्‍हुल्‍की बारेरी प्रचार् स्‍य्‍हेङ्ज्‍यीम् ब्रज्‍यी, देरेम् एङ्‍यीमाचे ङत खेमेएनो म्रङ्‌स्‍ये अरे पङ्‍बे तम् ङत था मुब।

प्रेरीत् 20:25 ပူးပေါင်းရင်းမြစ်များ

मत्‍ती 10:7

ओसेम् म्‍हीमात ‘स्‍वर्‌गइ य्‍हुल् खयम्‍बल मुब’ पङ्‍ज्‍यीम् स्‍येतो।

मत्‍ती 13:19

कोइ म्‍हीमाचेमी स्‍वर्‌ग य्‍हुल्‍की बारेरी ङ्‍येन्‍बम् ङ्‍येन्‍ब, तर गोअखम्। ओसेम् सैतान् खज्‍यीम् थेङ्‌यीमाकी सेम्‍री ब्‍लुत्‍पे पर्‌मेस्‍वर्‌की फ्रोइ ब्‍येन्‍बोर्‌ब। थेङ्‍यीमामी ग्‍यम्‍री दोःबे ब्‍लुमा र्‌हङ्‍ब य्‍हीन्‍ब।

मत्‍ती 13:52

हुजु लीप्‍चे थेङ्‌चे थेङ्‌यीमात सुङ्‌ज्‍यी, “होत्‍तज्‍यीम् स्‍वर्‌गइ य्‍हुल्‍की बारेरी स्‍येःबे जम्‍मनो धर्‌म लोप्‍पोन्‍मा दीम्‍की न्‍याबो र्‌हङ्‍ब तब। थेचे र्‌हङ्‌की बर्‌ग्‍यम्‍से छार् स्‍हेमाएनो तेत्‍प ओसेम् दुक्‍प स्‍हेमाएनो तेत्‍प।”

मत्‍ती 4:17

हुजु बेलो य्‍हङ्‍से येसुचे प्रचार् स्‍य्‍हेङ्‌ब तीप्जेत्‍ज्‍यीम् चोले सुङ्‌ज्‍यी, “पस्‍चताप स्‍य्‍हेङो, तलेपङ्‍सम् स्‍वर्‌गइ य्‍हुल् ज्‍यदङ् खबल मुब।”

मत्‍ती 4:23

ओसेम् येसु गालील प्रदेस्‍की जम्‍मा ग्‍लामारी स्‍येजेत्‍ज्‍यी। थेङ्‌चे यहुदीमा र्‌हुब् तबे दीम्‍मारी स्‍येज्‍यीम् म्‍हीमात लोप्‍जेत्‍ज्‍यी। ओसेम् पर्‌मेस्‍वर्‌की य्‍हुल्‍की ज्‍यबे सम्‍तर् स्‍येत्‍जेत्‍ज्‍यी। ओसेम् थेङ्‌चे जम्‍मा थोइ रोग स्‍यप्‍ज्‍यीम् नबे म्‍हीमातेङ् नबलमात फेन्‍न लजेत्‍ज्‍यी।

लुका 16:16

“बप्‍तीस्‍मा पीन्‍बे युहन्‍नाइ बेलोसम्‍म मोसाचे ब्रीबे पर्‌मेस्‍वर्‌की नीयम्तेङ् अगम्‍बक्‍तमाकी फ्रोइमा ङ्‌येन्‍ज्‍यीम् ब्रथोब मुबल। हुजु य्‍हङ्‌स्‍ये पर्‌मेस्‍वर्‌की य्‍हुल्‍की प्रचार् स्‍य्‍हेङ्‌टीब। ओसेम् जम्‍माचेनो हुजुरी वङ्‌बरी बङ् लरीब।

लुका 9:60

येसुचे थेत सुङ्‌ज्‍यी, “स्‍यीबे म्‍हीत स्‍यीबे म्‍हीचेनो बुप्‍पुङो। तर एमी पर्‌मेस्‍वर्‌की य्‍हुल्‍की बारेरी स्‍येत्‍परी ङ्‌यीउ।”

प्रेरीत् 20:38

पावलचे थेङ्‌यीमात, “देरेम् एङ्‍यीमाचे ङइ लीः खेमेएनो म्रङ्‌स्‍ये अरे” पङ्‍बे तम्‍चे थेङ्‌यीमात य्‍हक्‍को दुख तज्‍यी। हुजु लीप्‍चे थेङ्‍यीमा पावलत सबरी दोङ्‍ग मुबे ग्‍ला सम्‍म ङ्‍यीज्‍यी।

प्रेरीत् 28:31

पावलचे आर् लज्‍यीम् पर्‌मेस्‍वर्‌की य्‍हुल्‍की बारेरी प्रचार स्‍य्‍हेङ्‌ज्‍यीम् येसु ख्रीस्‍ट्‍की बारेरी लोप्‍प मुबल। ओसेम् खल्‍चेएनो अर्‌होद्‍प मुबल।

प्रेरीत् 8:12

तर फीलीपचे पर्‌मेस्‍वर्‌की य्‍हुल्‍तेङ् येसुइ बारेरी ज्‍यबे सम्‍तर्‌त स्‍येत्‍प बीसेम् थेङ्‍यीमाचे बीस्‍वास् स्‍य्‍हेङ्‌ज्‍यी। ओसेम् अपकोलतेङ् अमकोलमाचे बप्‍तीस्‍मा कीन्‍ज्‍यी।

रोमी 15:23

तर देरेम् ङचे हुजु ग्‍लामारी प्रचार् स्‍य्‍हेङ्‌बे लक् ज्‍यीन्‍बल मुब। ङल य्‍हक्‍को बर्‌स ङोन्‍ग्‍यम् य्‍हङ्‌सेनो एङ्‍यीमातेङ् खतु लबे सेम् य्‍हक्‍को मुबल।

गलाती 1:22

ओसेम् हुजु बेलो सम्‍म यहुदीयाकी मन्‍डलीइ म्‍हीमाचे ङत स्‍येःबल अरेबल।

कलस्‍सी 2:1

एङ्‍यीमातेङ् लाउडीकीयारी मुबे म्‍हीमा ओसेम् ङत अस्‍येःबे जम्‍मनो म्‍हीमाकी लागीरी ङचे गत्‍ते दुख लज्‍यीम् लक् स्‍य्‍हेङ्‍बल मुब पङ्‍बे तम् एङ्‍यीमाचे स्‍येःखइ पङ्‍बे सेम् ङल मुब।