प्रेरीत् 20:23 - पश्‍चिम तामाङ

²³ तर जम्‍मनो सहर्‌मारी म्‍हीमाचे ङत दुख पीन्‍बतेङ् जेल्‍री च्‍युप्‍स्‍ये मुब पङ्‍बे तम्‍कीनो पबीत्र आत्‍माचे सुङ्‌बल मुब।

प्रेरीत् 20:23 ပူးပေါင်းရင်းမြစ်များ

लुका 16:28

तलेपङ्‍सम् ङल अज्‍यो-अलेमा ङ्‌ह मुब। ओसेम् थेचे थेङ्‌यीमात चेतावनी पीन्‍खइ। अय्‍हीन् पङ्‌सम् थेङ्‌यीमाएनो चु दुख नाथोबे ग्‍लारी खथोल।’

युहन्‍ना 16:33

“एङ्‍यीमाचे ङतेङ् सान्‍ती यङ्‍खइ पङ्‍ज्‍यीम् ङचे एङ्‌यीमात चु तम्‍मा पङ्‍बल य्‍हीन्‍ब। जम्‍बुलीङ्‌री एङ्‌यीमात दुख तस्‍ये मुब, तर आर् लउ, जम्‍बुलीङ्‍त ङचे डाबल मुब।”

प्रेरीत् 14:22

थेङ्‍य्‍हीचे हुजु ग्‍लामारी मुबे बीस्‍वासीमात बीस्‍वास्‍री कोङ्‍नलज्‍यीम् खेम पङ्‌लेनो बीस्‍वास्‍री टीउ बी आर् पीन्‍ज्‍यीम् पङ्‍ज्‍यी। ओसेम्, “पर्‌मेस्‍वर्‌की य्‍हुल्‍री वङ्‌ब बीम ङोन्‍ग्‍यम् ङ्‍य्‍हङ्‍चे दुख नाथोब” पङ्‍बे तम् थेङ्‌यीमात लोप्‍ज्‍यी।

प्रेरीत् 18:5

सीलासतेङ् तीमोथी माकेडोनीया ग्‍यम्‍से हुजुरी दोखब बीसेम् पावलचे दीन्‍लनो पर्‌मेस्‍वर्‌की फ्रोइ स्‍येत्‍पे लक्‍कीनो स्‍य्‍हेङ्‌ज्‍यी। ओसेम् यहुदीमात येसुनो मुक्‍ती न्‍हङ्‌बे ख्रीस्‍ट् य्‍हीन्‍ब बी स्‍येत्‍पे लक् स्‍य्‍हेङ्‍टीब मुबल।

प्रेरीत् 20:21

ङचे यहुदीमातेङ् ग्रीक म्‍हीमात पस्‍चताप स्‍य्‍हेङ्‌ज्‍यीम् पर्‌मेस्‍वर् पट्‍टी दोःगो, ओसेम् प्रभु येसुत बीस्‍वास् स्‍य्‍हेङो पङ्‍ज्‍यी।

प्रेरीत् 20:24

तर ङ ङइ जीवन ङइ लागीरी तइ सेइलएनो अम्‍हेन्। ङचे चोदेकीनो म्‍हेन्‍ब की ङत प्रभु येसुचे स्‍य्‍हेङो बी न्‍हङ्‌जेत्‍पे पर्‌मेस्‍वर्‌की अनुग्रहइ ज्‍यबे सम्‍तर् स्‍येत्‍पे लक् टोप् लब खम्‍खइ।

प्रेरीत् 21:11

ओसेम् थेचे पावलकी केः कीन्‍ज्‍यीम् र्‌हङ्‌की यातेङ् कङ् खीःज्‍यीम् पङ्‍ज्‍यी, “पबीत्र आत्‍माचे चोले सुङ्‌ब, ‘चु केः इ न्‍याबोत यरुसलेमकी यहुदीमाचे चोलेनो खीःज्‍यीम् यहुदी अय्‍हीन्‍बे म्‍हीमाइ यारी सोप्‍तीपीन्‍स्‍ये मुब।’”

प्रेरीत् 21:33

हुजु लीप्‍चे सेनपतीचे पावलत चुङ्‌ज्‍यीम् च्‍यल्‍द ङ्‍य्‍हीचे खीःबुङ्‍ज्‍यी। ओसेम् म्‍हीमात, “चु म्‍ही खल य्‍हीन्‍ब? चु म्‍हीचे ता लज्‍यी?” पङ्‌ज्‍यीम् ङ्‌योत्‍ज्‍यी।

प्रेरीत् 21:4

ओसेम् हुजु ग्‍लाकी डबमात खदु लबरी ङ्‌यीज्‍यीम् सत गीः थेङ्‌यीमातेङ् टीज्‍यी। ओसेम् पबीत्र आत्‍मा ग्‍यम्‍से अगुवाइ यङ्‌ज्‍यीम् थेङ्‍यीमाचे पावलत यरुसलेमरी थङ्‌यीउ पङ्‍ज्‍यी।

प्रेरीत् 8:29

हुजु लीप्‍चे पबीत्र आत्‍माचे फीलीप्‍त “ए हुजु रथकी रेइरी ङ्‌यीज्‍यीम् थेतेङ् बक्‍च्‍य ङ्‍यीउ” बी सुङ्‌ज्‍यी।

प्रेरीत् 9:16

“ओसेम् थेचे ङइ लागीरी गत्‍ते दुख नाथोसे बी ङ थेत ङोन्‍स्‍ये मुब।”

१ थेस्‍लोनीकी 3:3

म्‍हीमाचे दुख पीन्‍बे बेलोरी एङ्‍यीमा न्‍हङ्‌री खलएनो ख्रीस्‍ट् ग्‍यम्‍से दोःज्‍यीम् थारीङ् अय्‍हर्‌खइ पङ्‍बे सेम् ङ्‍यीङ्‍य्‍हील मुबल। एङ्‌यीमाचेनो स्‍येबल मुब, पर्‌मेस्‍वर्‌चे ङ्‌य्‍हङ्‌मात चुइ लागीरीनो दम्‍जेत्‍पल य्‍हीन्‍ब।

१ तीमोथी 4:1

पबीत्र आत्‍माचे गोनलेनो सुङ्‌ब, लीक्‍क्‍यम्‍की बेलोरी डेत्‍डेत् म्‍हीमाचे बीस्‍वास् स्‍य्‍हेङ्‌ब पीत्‍लास्‍ये मुब। ओसेम् थेङ्‍यीमाचे भ्‍युकी आत्‍मामातेङ् म्‍हङ्‍माचे पङ्‍बे तम्‍मा ङ्‍येन्‍स्‍ये मुब।

२ तीमोथी 2:12

ङ्‍य्‍हङ्‍माचे दुख नास्‍यीनो टीज्‍यी पङ्‌सम् ङ्‍य्‍हङ्‍माचेएनो थेङ्‍तेङ् बक्‍च्‍य सासन् स्‍य्‍हेङ्‍स्‍ये मुब, ङ्‍य्‍हङ्‍माचे थेङ्‍त इन्‍कार् स्‍य्‍हेङ्‌ज्‍यी पङ्‌सम् थेङ्‍चेएनो ङ्‌य्‍हङ्‌मात इन्‍कार् स्‍य्‍हेङ्‍स्‍ये मुब।