प्रेरीत् 2:7 - पश्‍चिम तामाङ

⁷ ओसेम् थेङ्‍यीमा य्‍हक्‍को तेङेन् तज्‍यीम् पङ्‍ज्‍यी, “चु तम् पङ्‍टीबलमा गालील प्रदेस्‍की म्‍हीमा अय्‍हीनो स्‍यीम्?

प्रेरीत् 2:7 ပူးပေါင်းရင်းမြစ်များ

मत्‍ती 21:11

य्‍हक्‍को म्‍हीमाचे जोहाप् पीन्‍ज्‍यी, “थेङ् गालीलकी नासरतकी ग्‍यम्‍से खबे अगम्‍बक्‍त येसु य्‍हीन्‍ब।”

मत्‍ती 26:73

य्‍हम्‍ब गीः लीप्‍चे हुजुरी मुबे म्‍हीमा पत्रुसकी रेइरी खज्‍यीम् पङ्‍ज्‍यी, “देमेन्‍नो एनो थेङ्‍यीमा न्‍हङ्‌की गीः य्‍हीन्‍ब, तलेपङ्‍सम् हुजुम् एइ तम्‍चेनो स्‍येःब।”

मत्‍ती 8:10

चु तम् सेन्‍जेत्‍ज्‍यीम् येसु अचम्‍म तजेत्‍ज्‍यी, ओसेम् थेङ्‌की लीप्‍चे ब्रबलमात सुङ्‌ज्‍यी, “ङ एङ्‌यीमात देमेन्‍नो पङ्‍ब, चोतेबे ङ्‍हच्‍छ्‍यङ् बीस्‍वास् ङचे इस्राएलीमाकी गुङ्‍रीएनो यङ्‌बल अरे।

मर्‌कुस् 1:27

चु म्रङ्‌बे म्‍हीमा जम्‍मनो तेङेन् तज्‍यी। ओसेम् र्‌हङ-र्‌हङन्‍हङ् चोले पङ्‍ब थाल्‍दीज्‍यी, “चु त य्‍हीन्‍ब? थेङ्‌चेमी सक्‍ती मुबे छार् तम्‍क लोप्‍प टीम्, ओसेम् म्‍हङ्‍माचेएनो थेङ्‌चे कुल्‍बे तम्‍मा ङ्‍येन्‍ब टीम्।”

मर्‌कुस् 2:12

ओसेम् हुजु म्‍ही फोत् रेःज्‍यीम् र्‌हङ्‌की तीत्‍स दुत्‍ज्‍यीम् य्‍हर्‌ज्‍यी। चु म्रङ्‌ज्‍यीम् म्‍हीमा जम्‍मनो तेङेन् तज्‍यीम्, “ङ्‍य्‍हङ्‍माचे चोतेब खेमेएनो म्रङ्‌बल अरेबल” बी पङ्‍ज्‍यीम् पर्‌मेस्‍वर्‌त तोप्‍ज्‍यी।

युहन्‍ना 7:52

ओसेम् थेङ्‍यीमाचे जोहाप् पीन्‍ज्‍यी, “ए:नो गालील थेन् य्‍हीन्‍ज्‍यी वा स्‍यीम्? धर्‌मइ छ्‍येः ज्‍यनले खेतो, ओसेम् एचे गालील ग्‍यम्‍से अगम्‍बक्‍त खस्‍ये अरे पङ्‍बे तम् एचे म्रङ्‌स्‍ये मुब।”

प्रेरीत् 1:11

ओसेम् हुजु म्‍ही ङ्‍य्‍हीचे पङ्‍ज्‍यी, “गालील्‍की म्‍हीमा, तले एङ्‍यीमा रप्‍ज्‍यीम् नम्‍तीङ् च्‍याटीब? थेङ् एङ्‍यीमा ग्‍यम्‍से स्‍वर्‌गरी नोम्‍जेत्‍पल मुब। एङ्‍यीमाचे थेङ्‌त स्‍वर्‌गरी नोम्‍जेत्‍पल म्रङ्‌ब र्‌हङ्‌लेनो तीरेत् थेङ् देबेएनो दोःज्‍यीम् ब्‍योन्‍युस्‍ये मुब।”

प्रेरीत् 2:12

चोले थेङ्‌यीमा जम्‍मनो तेङेन् तज्‍यीम् थोम्‍ज्‍यी। ओसेम् र्‌हङ्-र्‌हङ्‌न्‍हङ्‌रीनो गीःचे गीःत, “चुइ अर्‌थ ता?” बी ङ्‌योत्‍ज्‍यी।

प्रेरीत् 2:8

थेङ्‍यीमा जम्‍मचे ङ्‌य्‍हङ्‌माकी र्‌हङ्‌की ग्‍योत्‍री तम् पङ्‍टीबल ङ्‍य्‍हङ्‍माचे खले थ्‍येःब?

प्रेरीत् 3:10

ओसेम् थेङ्‍यीमाचे पर्‌मेस्‍वर्‌की दीम्‍की ज्‍यबे म्रप्‍री स्‍योःज्‍यीम् टीबे म्‍ही चुनो य्‍हीन्‍ब बी स्‍येःज्‍यी। थे चोले ब्रबल म्रङ्‌ज्‍यीम् थेङ्‍यीमा तेङेन् तज्‍यी।