प्रेरीत् 2:4 - पश्चिम तामाङ4 ओसेम् थेङ्यीमा जम्मनो पबीत्र आत्माचे प्लीङ्ज्यी। थेङ्यीमात पबीत्र आत्माचे ल्हो-ल्हो ग्योत्मा पङ्ब खम्न लब र्हङ्लेनो पङ्ब तीप्ज्यी। အခန်းကိုကြည့်ပါ။ |
प्रेरीत् 2:4
55 ပူးပေါင်းရင်းမြစ်များ
प्रेरीतमाचे पङ्बे चु तम् म्हीमा जम्मतनो सेम्री ङ्यीज्यी। ओसेम् म्हीमाचे बीस्वासतेङ् पबीत्र आत्माचे प्लीङ्बे स्तीफनस्, फीलीप, प्रखरस, नीकनोर, तीमोनतेङ् पर्मीनास ओसेम् एन्टीओखीया पङ्बे सहर्की नीकोलाउसत दम्ज्यी। नोकोलाउसचे येसुत बीस्वास् स्य्हेङ्ब बीम ङोन्ग्यम् यहुदी धर्म म्हन्दीबल मुबल।
होत्तज्यीम् हननीया यहुदाकी दीम्री ङ्यीज्यीम् वङ्ज्यी। ओसेम् साऊलकी जोरी या थेन्ज्यीम् पङ्ज्यी, “ओ अले साऊल, ए चुरी खटीबे बेलोरी ग्यम्री म्रङ्युजेत्पे प्रभु येसुचे ङत चुरी पीत्खजेत्पल य्हीन्ब। एचे देबेएनो मीः म्रङ्ब खम्खइ ओसेम् पबीत्र आत्माचे प्लीङ्खइ पङ्ज्यीम् थेङ्चे ङत चुरी पीत्खजेत्पल य्हीन्ब।”
एङ्यीमा जम्मचेनो ल्हो-ल्हो ग्योत्री तम् पङ्खइ पङ्बे सेम् ङल मुब, तर हुजु बीमाएनो एङ्यीमाचे अगम्बानी पङ्खइ पङ्बे सेम् झेन् य्हक्को मुब। अगोबे ल्हो-ल्हो ग्योत्री तम् पङ्ब बीमम् अगम्बानी पङ्बनो य्हक्को ज्यब य्हीन्ब। ल्हो-ल्हो ग्योत्री तम् पङ्बतेङ् हुजुइ अर्थ स्येत्पे म्ही मुसम्मी हुजुचे मन्डलीत ज्यब स्य्हेङ्ब।
अगम्बक्तमाचे स्य्हेङ्बे सेव थेङ्यीमाकी लागीरी अय्हीन्, तर एङ्यीमाकी लागीरी य्हीन्ब बी पर्मेस्वर्चे हुजु अगम्बक्तमात ङोन्जेत्पल मुबल। देरे एङ्यीमात चु ज्यबे सम्तर् स्वर्ग ग्यम्से पीत्युबे पबीत्र आत्माइ सक्तीरी प्रचार स्य्हेङ्बलमाचे स्येत्पल मुब। स्वर्गदुत्माचेएनो चु तम् गोबे सेम् लब।
ကြော်ငြာတွေ