प्रेरीत् 2:27 - पश्‍चिम तामाङ

²⁷ तलेपङ्‍सम् थेङ्‌चे ङत स्‍यीबलमा टीबे ग्‍लारी ख्‍लेथेन्‍स्‍ये अरे, ओसेम् थेङ्‌चे थेङ्‌की पबीत्र म्‍हीइ ल्‍हीत दुर्‌सरी क्रम्‍पुङ्‍जेत्‍स्‍ये अरे।

प्रेरीत् 2:27 ပူးပေါင်းရင်းမြစ်များ

मत्‍ती 11:23

“ओसेम् कफर्‌नहुम्‍की म्‍हीमा, एङ्‍यीमा स्‍वर्‌गरी दोःब बी म्‍हेन्‍ब? एङ्‌यीमा नर्‌करी ख्‍लास्‍ये मुब। तलेपङ्‍सम् एङ्‌यीमात ङोन्‍ब र्‌हङ्‌बे तेङेन्‍की लक्‍मा सदोमरीएनो ङोन्‍बल पङ्‌सम् सदोम सहर् तीङ्‌यी सम्‍मनो टीस्‍येल।

मर्‌कुस् 1:24

“ओ नासरत्‍की येसु थेङ्‌चे ङ्‌यीमात त स्‍य्‍हेङ्‌ब छ्‍येबल? थेङ् ङ्‌यीमात नास् स्‍य्‍हेङ्‌बरी ब्‍योन्‍खबल य्‍हीन्‍ब? थेङ् पर्‌मेस्‍वर्‌चे पीत्‍खजेत्‍पे पबीत्र म्‍ही य्‍हीन्‍ब बी ङत था मुब।”

लुका 1:35

स्‍वर्‌गदुत्‍चे जोहाप् पीन्‍ज्‍यी, “पबीत्र आत्‍मा एइ ल्‍हीरी व्‍योन्‍युज्‍यीम् गोदोब्‍न्‍हङ्‍की जोइ पर्‌मेस्‍वर्‌की सक्‍ती ग्‍यम्‍चे एचे कोल न्‍हस्‍ये मुब। होत्‍तज्‍यीम् एचे न्‍हस्‍येकी कोल पबीत्र तजेत्‍स्‍ये मुब। ओसेम् थेङ्‌त पर्‌मेस्‍वर्‌की ज पङ्‌स्‍ये मुब।

लुका 16:23

थे नर्‌करी दोःज्‍यी ओसेम् य्‍हक्‍को दुख यङ्‌ज्‍यी। हुजु बेलोरी थेचे अङ्‌ले च्‍यामम् थारीङ्‌री अब्रहामकी रेइरी लाजरस्‍त म्रङ्‌ज्‍यी।

लुका 24:44

ओसेम् येसुचे थेङ्‌यीमात, “मोसाचे ब्रीबे पर्‌मेस्‍वर्‌की नीयम्‍री, अगम्‍बक्‍तमाचे ब्रीबे छ्‍येःरी ओसेम् भजनसङ्‌ग्रहरी ङइ बारेरी ब्रीबे जम्‍मा तम्‍मा पुरा तथोब बी ङ एङ्‌यीमातेङ् बक्‍च्‍या मुबे बेलोरी ङचे ङोन्‍ग्‍यम्‍नो स्‍येत्‍पल मुबल” बी सुङ्‌जेत्‍ज्‍यी।

लुका 4:34

“ओ नासरत्‍की येसु, एचे ङ्‌यीमात ता स्‍य्‍हेङ्‌ब छ्‍येबल? एङ्‌यीमात नास् स्‍य्‍हेङ्‌बरी दोखजेत्‍पल य्‍हीन्‍ब? ए पर्‌मेस्‍वर्‌चे पीत्‍युजेत्‍पे पबीत्र म्‍ही य्‍हीन्‍ब बी ङत था मुब।”

युहन्‍ना 11:39

येसुचे थेङ्‌यीमात, “दुर्‌सइ सुङ्‍री थेन्‍बे युङ्‌ब स्‍यलाको” बी सुङ्‌ज्‍यी। ओसेम् लाजरसकी अन मार्‌थचे, “प्रभु, थेत दुर्‌सरी थेन्‍ज्‍यीम् तीङ्‌यीम् ब्‍लीरेत् तज्‍यी, देरेसम्‍म थे क्रम्‍थङ् खस्‍यील” बी पङ्‍ज्‍यी।

प्रेरीत् 2:26

होत्‍तज्‍यीम् ङ सेम् य्‍हङ्‌सेनो तङ्‍बल मुब। ओसेम् ङइ सुङ् ग्‍यम्‍से प्रभुत तोप्‍प। ओसेम् ङत देमेन्‍नो था मुब, थेङ्‌चे ङइ ल्‍हीत देबेएनो सोनलजेत्‍स्ये मुब।

प्रेरीत् 2:28

थेङ्‌चे ङत जीवन्‍की ग्‍यम् ङोन्‍जेत्‍पल मुब। ओसेम् थेङ् ङतेङ् बक्‍च्‍य तज्‍यीम् ङत य्‍हक्‍को तङ्‍नलजेत्स्‍ये मुब।’

प्रेरीत् 2:31

पर्‌मेस्‍वर्‌चे लीक्‍यम् स्‍य्‍हेङ्‍जेत्‍स्‍येकी लक् दाऊदचे ङोन्‍ग्‍यम्‍नो म्रङ्‌बल मुबल। होत्‍तज्‍यीम् थेचे मुक्‍ती न्‍हङ्‌बे ख्रीस्‍ट्‍की बारेरी चोले पङ्‍बल मुब, ‘थेङ्‌त स्‍यीबलमा मुबे ग्‍लारी ख्‍लेथेन्‍स्‍ये अरे। ओसेम् थेङ्‌की ल्‍ही क्रम्‍पुङ्‍स्‍येएनो अरे।’

प्रेरीत् 3:14

एङ्‍यीमाचे पबीत्रतेङ् धर्‌मी म्‍हीइ देब्‍री म्‍ही सेत्‍पे म्‍हीत पीत्‍लागो बी र्‌हीत्‍ज्‍यी।

प्रेरीत् 4:27

“चु तम् देमेन्‍नो तबल मुब, तलेपङ्‍सम् थेङ्‌की पबीत्र योक्‍पो येसुत थेङ्‌चे मुक्‍ती न्‍हङ्‌बे ख्रीस्‍ट् स्‍य्‍हेङ्‌जेत्‍ज्‍यी। ओसेम् हुजु येसुइ बीरोद् स्‍य्‍हेङ्‌बरी हेरोदतेङ् पन्‍तीयस् पीलातस ओसेम् यहुदी अय्‍हीन्‍बे म्‍हीमातेङ् इस्राएलीमा चु सहर्‌री र्‌हुब् तबल मुबल।

१ कोरीन्‍थी 15:55

“ओ स्‍यीब, एचे खन डाज्‍यी? ओ स्‍यीब, एइ सक्‍ती खइ?”

१ युहन्‍ना 2:20

तर एङ्‌यीमातमी ख्रीस्‍ट्‍चे पबीत्र आत्‍मा तेपीत्‍युजेत्‍पल मुब, होत्‍तज्‍यीम् एङ्‍यीमा जम्‍मचेनो देमेन्‍त स्‍येःब।

प्रकास 1:18

ओसेम् सोम्‍बोमी ङनो य्‍हीन्‍ब। ङ स्‍यीबल मुबल, तर च्‍यागो, देरेम् ङ खेमपङ्‍लेनोइ लागीरी सोबल मुब। ओसेम् स्‍यीबतेङ् स्‍यीबे म्‍हीमाकी आत्‍मामा टीबे ग्‍लाकी साचोमा ङतेङ् मुब।

प्रकास 20:13

समुन्‍द्रचे हुजुरी मुबे स्‍यीबलमा दोःपीन्‍ज्‍यी, ओसेम् स्‍यीबतेङ् स्‍यीबे म्‍हीमाकी आत्‍मामा टीबे ग्‍लाचेएनो थेङ्‍यीमातेङ् मुबे स्‍यीबलमात दोःपीन्‍ज्‍यी। थेङ्‍यीमा जम्‍मलनो र्‌हङ्-र्‌हङ्‍की लक् अनुसार् न्‍याय तज्‍यी।

प्रकास 3:7

“ओसेम् फीलाडेल्‍फीयाकी मन्‍डलीत स्‍य्‍हप्‍तो स्‍य्‍हेङ्‌बे चवत चु तम् ब्रीउ: “चु तम्‍मा पबीत्रतेङ् देमेन् ओसेम् दाऊद ग्‍यल्‍बोइ साचो मुबलचे सुङ्‍जेत्‍प, ओसेम् थेङ्‌चे ठोङ्‍जेत्‍पल खल्‍चेएनो दुङ्‍ब अखम्, ओसेम् थेङ्‌चे दुङ्‍जेत्‍पल खल्‍चेएनो ठोङ्‍ब अखम्।