प्रेरीत् 2:20 - पश्‍चिम तामाङ

²⁰ प्रभु ब्‍योन्‍युस्‍येकी महीमीत दीन् खब बीम ङोन्‍ग्‍यम् दीनी म्‍हुन्‍दुङ् तस्‍ये मुब ओसेम् लनी का र्‌हङबे वल तस्‍ये मुब।

प्रेरीत् 2:20 ပူးပေါင်းရင်းမြစ်များ

मत्‍ती 24:29

“हुजु दुखइ दीन् बेब साच्‍चेनो दीनी म्‍हुन्‍दुङ् तस्‍ये मुब, ओसेम् लनीचे य्‍हल् पीन्‍स्‍ये अरे, सारमा मुचे तइस्‍ये मुब, ओसेम् मुरी मुबे सक्‍तीमा य्‍होङ्‌स्‍ये मुब।

मत्‍ती 27:45

दीन्‍गुङ् य्‍हङ्‍से प्रोः बेलोक्‍योर् सम्‍म य्‍हुल्‍की जम्‍मनो ग्‍लामारी म्‍हुन्‍दुङ् तज्‍यी।

मर्‌कुस् 13:24

“हुजु ङ्‍हच्‍छ्‍यङ् दुख बेब बीसेम् दीनीचे य्‍हल् पीन्‍ब पीत्‍स्‍ये मुब। ओसेम् लनीचेएनो य्‍हल् पीन्‍स्‍ये अरे।

लुका 21:25

“लनी, दीनीतेङ् सार्‌मारी खेमेएनो अम्रङ्‌बे चीनोमा म्रङ्‌स्‍ये मुब। ओसेम् समुन्‍द्र ङ्‌य्‍हबतेङ् ङ्‌हच्‍छ्‌यङ् लोङ्‌बे छाल्‍माचे लज्‍यीम् जम्‍बुलीङ्‌की जम्‍मा म्‍हीमा लोङ्‌स्‍ये मुब।

प्रेरीत् 2:19

ङचे नम्‍तीङ् मुरी तेङेन्‍की चीनोमा ङोन्‍स्‍ये मुब, ओसेम् दुङ्‌री जम्‍बुलीङ्‌री तेङेन्‍की लक्‍मा स्‍य्‍हेङ्‌स्‍ये मुब। हुजुमा का, मेतेङ् मीङ्‍गुइ बोन् तस्‍ये मुब।

प्रेरीत् 2:21

ओसेम् परमप्रभुइ छेन्‍री थर्‌नलपीनो पङ्‍बलमा थर्‌स्‍ये मुब।’

१ कोरीन्‍थी 5:5

हुजु म्‍हीइ पापी स्‍वभाब नास् तखइ बी एङ्‍यीमाचे हुजु म्‍हीत सैतान्‍की यारी सोप्‍तीपीनो, ओसेम् प्रभु दोःज्‍यीम् ब्‍योन्‍युबे दीन्‍री थेइ आत्‍मामी थर्‌ब खम्‍खइ।

१ थेस्‍लोनीकी 5:2

तलेपङ्‍सम् प्रभु ब्‍योन्‍युबे दीन् सेम्‍चे अम्‍हेन्‍बे बेलोरी म्‍हुन य्‍हो खब र्‌हङ्‌ले खस्‍ये मुब बी एङ्‍यीमाचे ज्‍यनले स्‍येब।

२ पत्रुस 3:10

तर प्रभुइ दीन्मी म्‍हीमाचे सेम्‍चेनो अम्‍हेन्‍बे बेलोरी य्‍हो खब र्‌हङ्‌ले खस्‍ये मुब। हुजु दीन्‍री ङ्‍हच्‍छ्‍यङ् केत् डोङ्‍ज्‍यीम् मु म्‍हज्‍यीम् य्‍हर्‌स्‍ये मुब। ओसेम् मुरी मुबे जम्‍मनो स्‍हेमा क्रोज्‍यीम् नास् तस्‍ये मुब। जम्‍बुलीङ्‌तेङ् जम्‍बुलीङ्‌री मुबे जम्‍मनो स्‍हेमा नास् तस्‍ये मुब।

२ पत्रुस 3:7

तर देरे मुबे स्‍वर्‌गमातेङ् जम्‍बुलीङ्‍एनो मे ग्‍यम्‍से नास् स्‍य्‍हेङ्‌बरी पर्‌मेस्‍वर्‌की हुजु फ्रोइचेनो जोगइतीज्‍यीम् थेन्‍जेत्‍पल मुब। ओसेम् पर्‌मेस्‍वर्‌की फ्रोइ अङ्‍येन्‍बे म्‍हीमात न्‍याय स्‍य्‍हेङ्‌ज्‍यीम् नास् स्‍य्‍हेङ्‌बे दीन् सम्‍म स्‍वार्‌गमातेङ् जम्‍बुलीङ् तस्‍यीनो टीस्‍ये मुब।

प्रकास 16:8

हुजु लीप्‍चे चौथो स्‍वर्‌गदुत्‍चे र्‌हङ्‍की खोरेचे पर्‌मेस्‍वर्‌की बोमो दीनीइ जोरी तेःलाज्‍यी, ओसेम् दीनी ग्‍यम्‍से डोङ्‌बे मेचे म्‍हीमात क्रोन लपुङ्‍जेत्‍ज्‍यी।

प्रकास 6:12

हुजुलीप्‍चे थुमाचे छैटौ छाप् ठोङ्‍जेत्‍पल ङचे म्रङ्‍ज्‍यी। ओसेम् ङ्‍हच्‍छ्‌यङ् सङ्‍गुल् य्‍हर्‌ज्‍यी, दीनी म्‍हुन्‍दुङ् र्‌हङ्‍बे म्‍लङ् तज्‍यी, ओसेम् लनी का र्‌हङ्‍बे वल तज्‍यी।