प्रेरीत् 19:34 - पश्‍चिम तामाङ

³⁴ तर म्‍हीमाचे थे यहुदी टीम् बी स्‍येःब बीसेम् घन्‍ट ङ्‌ही गदे “एफीसस्‍री मुबे ङ्‍य्‍हङ्‍माइ आर्‌तेमेसकी ख्‍ल ङ्‍हच्‍छ्‍यङ् य्‍हीन्‍ब!” पङ्‍ज्‍यीम् क्रीङ्‍स्‍यीनो टीज्‍यी।

प्रेरीत् 19:34 ပူးပေါင်းရင်းမြစ်များ

मत्‍ती 6:7

“ओसेम् प्रार्‌थना स्‍य्‍हेङ्‌बतेङ् यहुदी अय्‍हीन्‍बे म्‍हीमाचे र्‌हङ्‌ले अतोबे य्‍हक्‍को छीःमा तेत्‍ज्‍यीम् थस्‍य्‍हेङो। तलेपङ्‍सम् थेङ्‍यीमाचे र्‌हीङ्‌बे प्रार्‌थना स्‍य्‍हेङ्‌ज्‍यी पङ्‌सम् ख्‍लचे थ्‍येःब बी म्‍हेन्‍ब।

प्रेरीत् 16:20

थेङ्‍यीमाचे पावलतेङ् सीलासत सहर्‌की हाकीम्‍माज बोर्‌ज्‍यीम् पङ्‍ज्‍यी, “चु यहुदी म्‍हीमाचे ङ्‌य्‍हङ्‌माकी सहर्‌की म्‍हीमात खइलबइल तनलटीब मुब।

प्रेरीत् 19:24

तलेपङ्‍सम् डेमेत्रीयस् मीन् मुबे म्‍ही गीःचे अर्‌तेमीस पङ्‍बे म्‍हुइकी ख्‍लइ ज्‍यीद दीम्‍मा स्‍य्‍हेङ्‌ब मुबल। चोतेबे लक् स्‍य्‍हेङ्‌ज्‍यीम् थेतेङ् थेइ लक् स्‍य्‍हेङ्‌बे म्‍हीमाचेएनो य्‍हक्‍को टङ छाब मुबल।

प्रेरीत् 19:26

पावलचे त पङ्‍टीब एङ्‌यीमाचेएनो म्रङ्‌बतेङ् थ्‍येःबल मुब। म्‍हीमाइ याचे स्‍य्‍हेङ्‌बे ख्‍लम् पर्‌मेस्‍वर् अय्‍हीन् पङ्‍टीबल मुब। थेचे एफीसरीकीनो अय्‍हीन् एसीयाकी जम्‍म ग्‍लामाकी य्‍हक्‍को म्‍हीमात र्‌हङ्‌की तम् लोप्‍ज्‍यीम् व्‍हम्‍टीबल मुब।

प्रेरीत् 19:28

चु थ्‍येःज्‍यीम् हुजुरी र्‌हुब् तबे म्‍हीमा जम्‍मनो बोमोचे न बो:यम्‍ज्‍यी। ओसेम् क्रीङ्‌ज्‍यीम्, “एफीसस्‍री मुबे ङ्‍य्‍हङ्‍माइ आर्‌तेमीस्‍की ख्‍ल ङ्‍हच्‍छ्‍यङ् य्‍हीन्‍ब!” बी पङ्‍ज्‍यी।

प्रेरीत् 19:33

हुजु बेलोरीनो यहुदीमाचे अलेक्‍जेन्‍डर् पङ्‍बे म्‍हीत ङोन्‍री तम् पङ्‌बरी पीत्‍ज्‍यी। ओसेम् य्‍हक्‍को म्‍हीमा न्‍हङ्‌री डेत्-डेत्चे अलेक्‍जेन्‍डरत हुजुरी तटीबे तम्‍की बारेरी स्‍येत्‍ज्‍यी। ओसेम् थेचे य्‍हक्‍को म्‍हीमात कुटी टीउ बी ल्‍हादब् लज्‍यीम् तम् पङ्‍ब छ्‍येज्‍यी।

प्रेरीत् 19:35

लीक्‍यम् सहर्‌की हाकीम्‍चे म्‍हीमात सान्‍त तनलज्‍यीम् पङ्‍ज्‍यी, “एफीससकी म्‍हीमा, एफीसस सहर्‌मी ङ्‍हच्‍छ्‍यङ् आर्‌तेमीस् ख्‍लइ दीम्‍तेङ् मुचे तइयुबे म्‍हीमाचे तेन्‍बे युङ्‌बत जोगइतीज्‍यीम् थेन्‍बे ग्‍ला य्‍हीन्‍ब पङ्‍बे तम् खल्‍चे अस्‍येस्‍यील स्‍यीम्?

रोमी 2:22

एङ्‍यीमाचे ल्‍हो-ल्‍होत ब्‍यभीचार् स्‍य्‍हेङ्‍ब अत पङ्‍ज्‍यीम् लोप्‍प तर एङ्‍यीमाचे र्‌हङ्‍चेमी तले ब्‍यभीचार स्‍य्‍हेङ्‍ब? ख्‍लमात तेन्‍ब अत पङ्‍ब तर एङ्‍यीमाचेमी ख्‍लइ दीम्‍की स्‍हेमा तले य्‍हो लब?

प्रकास 13:4

ओसेम् हुजु सङ्‌मोचे र्‌हङ्‍की अधीकार् हुजु दुस्‍ट सेम्‍ज्‍येन्‍त पीन्‍बल तज्‍यीम् म्‍हीमाचे सङ्‍मोत तेन्‍ज्‍यी, ओसेम् थेङ्‌यीमाचे हुजु दुस्‍ट सेम्‍ज्‍येन्‍तएनो चोले पङ्‍ज्‍यीम् तेन्‍ज्‍यी, “चु दुस्‍ट सेम्‍ज्‍येन् र्‌हङ्‍ब ल्‍हो-ल्‍हो खल मुब? थेइ बीरुद्‍दरी खल्‍चे छेत्‍प खम्‍ब?”