प्रेरीत् 19:18 - पश्‍चिम तामाङ

¹⁸ ओसेम् बीस्‍वास् स्‍य्‍हेङ्‌बलमा य्‍हक्‍को खज्‍यीम् र्‌हङ्-र्‌हङ्‍की अज्‍यबे लक्‍मा स्‍वीकार लज्‍यी।

प्रेरीत् 19:18 ပူးပေါင်းရင်းမြစ်များ

मत्‍ती 3:6

ओसेम् थेङ्‍यीमाचे र्‌हङ्‍-र्‌हङ्‌की पाप स्‍वीकार लज्‍यीम् युहन्‍ना ग्‍यम्‍चे यर्‌दन ग्‍येन्‍दीरी बप्‍तीस्‍मा कीन्‍ज्‍यी।

प्रेरीत् 19:17

चु तम् एफीसस्‍री मुबे यहुदीमातेङ् ग्रीक म्‍हीमाचेएनो थ्‍येःज्‍यी। ओसेम् थेङ्‍यीमा जम्‍मनो लोङ्‍ज्‍यीम् प्रभु येसुइ छेन्‍त ङ्‍हच्‍छ्‍यङ् स्‍य्‍हेस स्‍य्‍हेङ्‌ज्‍यी।

प्रेरीत् 19:19

थेङ्‍यीमा न्‍हङ्‌री य्‍हक्‍को म्‍हीमाचे जादुगरीमातेङ् बोम्‍बो स्‍य्‍हेङ्‌बे र्‌हङ्-र्‌हङ्‍की छयेःमा बज्‍यीम् म्‍हीमाकी ङोन्‍री ख्रङ्‍लाज्‍यी। थेङ्‍यीमाचे ख्रङ्‍लाबे छ्‍येःमात म्‍हुइकी टङ पचास हजार गदे ङ्‍यीब मुबल।

रोमी 10:10

तलेपङ्‍सम् ङ्‍य्‍हङ्‍माकी सेम्‍चे बीस्‍वास् स्‍य्‍हेङ्‌ज्‍यीम् ङ्‍य्‍हङ्‍मा पर्‌मेस्‍वर्‌की ङोन्‍री धर्‌मी तब, ओसेम् ङ्‍य्‍हङ्‍की सुङ्चे स्‍वीकार् स्‍य्‍हेङ्‌ज्‍यीम् ङ्‍य्‍हङ्‍मा थर्‌ब।

याकुब 5:16

होत्‍तज्‍यीम् एङ्‍यीमाचे स्‍य्‍हेङ्‌बे पापमा गी:चे गी:त स्‍येतो, ओसेम् एङ्‍यीमा नब ग्‍यम्‍से फेन्‍बरी गी:चे गी:की लागीरी प्रार्‌थना स्‍य्‍हेङो। धर्‌मी म्‍हीचे स्‍य्‍हेङ्‌बे प्रार्‌थनारी ङ्‍हच्‍छ्‍यङ् सक्‍ती तब ओसेम् ङ्‍हच्‍छ्‍यङ् लक् तब।

१ युहन्‍ना 1:9

तर ङ्‍य्‍हङ्‍माचे र्‌हङ्‍की पाप पर्‌मेस्‍वर्‌की ङ्‍होन्‍सङ् स्‍वीकार लज्‍यी पङ्‌सम् थेङ्‌चे ङ्‌य्‍हङ्‌माकी पाप क्षमा न्‍हङ्‌जेत्स्‍ये मुब, ओसेम् जम्‍मनो अज्‍यबे तम्‍मा ग्‍यम्‍चे चोखो स्‍य्‍हेङ्‍पीन्‍जेत्‍स्‍ये मुब, तलेपङ्‍सम् थेङ् बीस्‍वास् योग्‍यतेङ् धर्‌मी मुब।