प्रेरीत् 18:28 - पश्‍चिम तामाङ

²⁸ तलेपङ्‍सम् थेचे पर्‌मेस्‍वर्‌की फ्रोइ ग्‍यम्सेनो येसुनो मुक्‍ती न्‍हङ्‌बे ख्रीस्‍ट् य्‍हीन्‍ब पङ्‍ज्‍यीम् म्‍हीमाइ ङोन्‍ग्‍यम् ङोन्‍ज्‍यीम् यहुदीमाचे तेएनो पङ् अखम्‍न लज्‍यी।

प्रेरीत् 18:28 ပူးပေါင်းရင်းမြစ်များ

लुका 1:80

युहन्‍ना ल्‍हीरी छर्‌बोर्‌बतेङ् आत्‍मारी बङ्‌ज्‍येन् तबोर्‌ज्‍यी। ओसेम् थे इस्राएलीमाकी गुङ्‌री अम्रङ्‌गदे उजाड-ग्‍लारी टीज्‍यी।

लुका 24:27

ओसेम् येसुचे र्‌हङ्‌की बारेरी मोसा य्‍हङ्‌से जम्‍मा अगम्‍बक्‍तमाचे धर्‌मइ छ्‍येःरी ब्रीबे जम्‍मा तम्‍मा थेङ्‌यीमात गोनलजेत्‍ज्‍यी।

लुका 24:44

ओसेम् येसुचे थेङ्‌यीमात, “मोसाचे ब्रीबे पर्‌मेस्‍वर्‌की नीयम्‍री, अगम्‍बक्‍तमाचे ब्रीबे छ्‍येःरी ओसेम् भजनसङ्‌ग्रहरी ङइ बारेरी ब्रीबे जम्‍मा तम्‍मा पुरा तथोब बी ङ एङ्‌यीमातेङ् बक्‍च्‍या मुबे बेलोरी ङचे ङोन्‍ग्‍यम्‍नो स्‍येत्‍पल मुबल” बी सुङ्‌जेत्‍ज्‍यी।

युहन्‍ना 5:39

एङ्‍यीमाचे खेमेएनो अबेबे जीवन धर्‌म छ्‌येमारी यङ्‍ब पङ्‍ज्‍यीम् ज्‍यनले म्‍हइब। ओसेम् हुजु धर्‌म छ्‍येमाचेनो ङइ बारेरी गवाही पीन्‍ब।

प्रेरीत् 17:3

थेचे थेङ्‌यीमात धर्‌मइ छ्‍येः ग्‍यम्‍से, “मुक्‍ती न्‍हङ्‌बे ग्‍यल्‍बो ख्रीस्‍ट्‍चे दुख नाज्‍यीम् स्‍यीथोबतेङ् स्‍यीब ग्‍यम्‍से सोथोब मुबल, ओसेम् ङचे एङ्‌यीमात प्रचार स्‍य्‍हेङ्‌बे येसुनो हुजु मुक्‍ती न्‍हङ्‌बे ख्रीस्‍ट् य्‍हीन्‍ब” बी पङ्‍ज्‍यीम् प्रमान पीन्‍ज्‍यी,

प्रेरीत् 18:25

थेचे प्रभुइ ग्‍यम्‍की बारेरी थ्‍येःज्‍यीन्‍बल मुबल। ओसेम् थेचे सेम् य्‍हङ्‌सेनो तङ्‌ज्‍यीम् प्रभु येसुइ बारेरी ज्‍यनले लोप्‍प मुबल। होलेतलेनो थेचे युहन्‍नाचे पीन्‍बे बप्‍तीस्‍माकी बारेरीकीनो स्‍येःब मुबल।

प्रेरीत् 18:5

सीलासतेङ् तीमोथी माकेडोनीया ग्‍यम्‍से हुजुरी दोखब बीसेम् पावलचे दीन्‍लनो पर्‌मेस्‍वर्‌की फ्रोइ स्‍येत्‍पे लक्‍कीनो स्‍य्‍हेङ्‌ज्‍यी। ओसेम् यहुदीमात येसुनो मुक्‍ती न्‍हङ्‌बे ख्रीस्‍ट् य्‍हीन्‍ब बी स्‍येत्‍पे लक् स्‍य्‍हेङ्‍टीब मुबल।

प्रेरीत् 8:35

हुजु लीप्‍चे फीलीपचे धर्‌म छ्‍येःइ हुजु बचन ग्‍यम्सेनो थेत येसुइ बारेरी ज्‍यबे सम्‍तर् स्‍येत्‍प तीप्‍ज्‍यी।

प्रेरीत् 9:22

तर साऊलचे झन् य्‍हक्‍को प्रचार स्‍य्‍हेङ्‌ब खम्‍बोर्‌ज्‍यी। ओसेम् थेचे दमस्‍कस्‍री मुबे यहुदीमात येसुनो मुक्‍ती न्‍हङ्‌बे ख्रीस्‍ट् य्‍हीन्‍ब बी दस्‍यी पीन्‍स्‍यीनो टीबल तज्‍यीम् थेङ्‍यीमाचे तेएनो पङ्‍ब अखम्।