प्रेरीत् 18:23 - पश्‍चिम तामाङ

²³ हुजुरी तोव दीन् टीज्‍यी, ओसेम् पावल गलातीयातेङ् फ्रीगीयाकी जम्‍मनो ग्‍लामा तज्‍यीम् हुजु ग्‍लामारी मुबे जम्‍मनो बीस्‍वासीमात बीस्‍वास्‍री कोङ्‍न लबोर्‌ज्‍यीम् य्‍हर्‌ज्‍यी।

प्रेरीत् 18:23 ပူးပေါင်းရင်းမြစ်များ

लुका 1:3

होत्‍तज्‍यीम् माननीय थीयोफीलस, ङचेएनो तीप्‍प य्‍हङ्‌सेनो हुजु जम्‍मा लक्‍मा ज्‍यनले म्‍हइज्‍यीम् गोबल तज्‍यीम् एत तङ्‌राले ब्रीब ज्‍यब तल बी म्‍हेन्‍ज्‍यी।

लुका 22:32

तर ङचे एइ बीस्‍वास् य्‍हङ्‌य्‍होङ् अतखइ बी प्रार्‌थना स्‍य्‍हेङ्‌बल मुब। ओसेम् ए ङइज दोःज्‍यीम् खबतेङ् एइ अलेमात बीस्‍वास्‍री कोङ्‌नलोउ।”

लुका 22:43

ओसेम् स्‍वर्‌गचे स्‍वर्‌गदुत् गीः युज्‍यीम् थेङ्‌त सक्‍ती पीन्‍ज्‍यी।

प्रेरीत् 14:22

थेङ्‍य्‍हीचे हुजु ग्‍लामारी मुबे बीस्‍वासीमात बीस्‍वास्‍री कोङ्‍नलज्‍यीम् खेम पङ्‌लेनो बीस्‍वास्‍री टीउ बी आर् पीन्‍ज्‍यीम् पङ्‍ज्‍यी। ओसेम्, “पर्‌मेस्‍वर्‌की य्‍हुल्‍री वङ्‌ब बीम ङोन्‍ग्‍यम् ङ्‍य्‍हङ्‍चे दुख नाथोब” पङ्‍बे तम् थेङ्‌यीमात लोप्‍ज्‍यी।

प्रेरीत् 15:32

यहुदातेङ् सीलासएनो अगम्‍बक्‍तमा मुबल। थेङ्‍य्‍हीचे बीस्‍वासीमात आर् पीन्‍ज्‍यीम् थेङ्‌यीमाकी बीस्‍वास् कोङ्‍नलज्‍यी।

प्रेरीत् 15:41

पावलतेङ् सीलास सीरीयातेङ् कीलीकीयारी मुबे मन्डलीमात बीस्‍वास्‍री कोङ्‍नलबोर्‌ज्‍यीम् य्‍हर्‌ज्‍यी।

प्रेरीत् 16:40

ओसेम् जेल्‍चे डोङ्‍ब बीसेम् पावलतेङ् सीलास लीडीयाकी दीम्‍री ङ्‍यीज्‍यी। हुजुरी थेङ्‍य्‍हीचे बीस्‍वासीमातेङ् खदु लज्‍यीम् थेङ्‌यीमात आर् पीन्‍ज्‍यी, ओसेम् हुजु ग्‍लाचे डोङ्‍ज्‍यी।

प्रेरीत् 16:6

पबीत्र आत्‍माचे पावलतेङ् सीलासत एसीया प्रदेस्‍री प्रचार स्‍य्‍हेङ्‌बरी ङ्‍यीअबुङ्‍बल तज्‍यीम् थेङ्‍य्‍ही फ्रीगीयातेङ् गलातीया प्रदेस् तज्‍यीम् य्‍हर्‌ज्‍यी।

प्रेरीत् 19:1

अप्‍पोल्‍लोस कोरीन्‍थ सहर्‌री मुबे बेलोरी पावल एसीया प्रदेस्‍की गुङ्‌से तज्‍यीम् एफीसस सहर्‌री दोखज्‍यी। हुजुरी पावलचे डेत्-डेत् डबमातेङ् खदु लज्‍यी।

प्रेरीत् 2:10

फ्रीगीया प्रदेस्‍की म्‍हीमा, पामफीलीया प्रदेस्‍की म्‍हीमा, ओसेम् मीस्र य्‍हुल्‍की म्‍हीमातेङ् लीबीया य्‍हुल्‍की कुरेनी सहर्‌की रेइ-रेइकी प्रदेस्‍माकी म्‍हीमा ओसेम् रोम् सहर्‌चे खबे

१ कोरीन्‍थी 16:1

देरेम् यसुस्‍लेम्‍री टीबे पर्‌मेस्‍वर्‌की म्‍हीमाकी लागीरी र्‌हुप्‍पे टङइ बारेरीमी ङ चोले ब्रीब, ङचे गलातीयकी मन्डलीमात लोप्‍पल र्‌हङ्‌लेनो एङ्‍यीमाचे स्‍य्‍हेङो।

गलाती 1:2

ङचे चु चीठी ब्रीज्‍यीम् ङतेङ् चुरी मुबे जम्‍मनो बीस्‍वासी र्‌होमा ग्‍यम्‍से गलातीया प्रदेस्‍की मन्डलीमात पीत्‍खटीब।

गलाती 1:9

ङ्‌यीमाचे चु तम् ङोन्‍ग्‍यम्‍एनो पङ्‍बल य्‍हीन्‍ब, ओसेम् ङ देरेएनो पङ्‍ब, खल्‍चे पङ्‌लेनो एङ्‍यीमाचे बीस्‍वास् स्‍य्‍हेङ्‌बे ज्‍यबे सम्‍तर् बीम ल्‍हो-ल्‍हो ज्‍यबे सम्‍तर् एङ्‍यीमात प्रचार् स्‍य्‍हेङ्‌ज्‍यी पङ्‌सम् थेत केम्‍लङ् फोःखइ।

गलाती 4:14

ङ नबे बेलोरी एङ्‍यीमात य्‍हक्‍को दुख तबल मुबल, होलेतलेनो एङ्‍यीमाचे ङत हेल अस्‍य्‍हेङ् ओसेम् ङत अखोनले अटी। तर एङ्‍यीमाचेम् पर्‌मेस्‍वर्‌की दुत्‍त वुइ येसु ख्रीस्‍ट्‍त स्‍वागत् स्‍य्‍हेङ्‌ब र्‌हङ्‌ले ङतएनो स्‍वागत् स्‍य्‍हेङ्‍ज्‍यी।

१ थेस्‍लोनीकी 3:2

ङ्‌यीमातेङ् बक्‍च्‍य पर्‌मेस्‍वर्‌री ख्रीस्‍ट्की ज्‍यबे सम्‍तर् स्‍येत्‍पे लक् स्‍य्‍हेङ्‌बे ङ्‍य्‍हङ्‍की अले तीमोथीचे एङ्‌यीमात आर् पीन्‍ज्‍यीम् एङ्‌यीमाकी बीस्‍वासत कोङ्‍न लबरी ङ्‍यीङ्‍य्‍हीचे तीमोथीत एङ्‍यीमाज पीत्‍खज्‍यी।

१ थेस्‍लोनीकी 4:18

होत्‍तज्‍यीम् चु तम्‍मा ग्‍यम्‍चे एङ्‍यीमा गीःचे गीःत आर् पीनो।

१ थेस्‍लोनीकी 5:14

ङइ र्‌होमा, ङ्‌यीमा एङ्‌यीमात फ्‍या लज्‍यीम् पङ्‍ब, लक् स्‍य्‍हेङ्‌बरी ब्‍लेकु तबलमात एङ्‍यीमाचे चेतावनी पीनो, लोङ्‍बलमात आर् पीनो, अखम्‍बलमात र्‌हो लउ, ओसेम् जम्‍मतनो नाको।