प्रेरीत् 16:34 - पश्‍चिम तामाङ

³⁴ हुजु लीप्‍चे हाकीम्‍चे पावलतेङ् सीलासत र्‌हङ्‌की दीम्‍न्‍हङ् बोर्‌ज्‍यीम् चब क्‍योङ्‍ज्‍यी। ओसेम् पर्‌मेस्‍वर्‌त बीस्‍वास् स्‍य्‍हेङ्‌बल तज्‍यीम् थेतेङ् थेइ म्‍हेम्‍यमा जम्‍मनो तङ्‌ज्‍यी।

प्रेरीत् 16:34 ပူးပေါင်းရင်းမြစ်များ

लुका 15:32

तर ङ्‌य्‍हङ्‌माचे तङ्‌ज्‍यीम् खुसी म्‍हन्‍दीथोबल मुबल। तलेपङ्‍सम् एइ अले स्‍यीबल मुबल, तर देरे सोबल मुब। ओसेम् थे म्‍हबल मुबल, देरेमी यङ्‌बल मुब’।”

लुका 19:6

जखायस ग्‍योन्-ग्‍योन् दुङ्‌री फब्‍युज्‍यी। ओसेम् तङ्-तङ्‌ज्‍यीम् येसुत थेइ दीम्‍री स्‍वागत स्‍य्‍हेङ्‌ज्‍यी।

लुका 5:29

हुजु लीप्‍चे लेबीचे येसुइ लागीरी दीम्‍री ङ्‌हच्‍छ्‌यङ् डोन् स्‍य्‍हेङ्‌ज्‍यी। हुजु डोन् चबरी तीरो दुत्‍पे य्‍हक्‍को म्‍हीमातेङ् ल्‍होल्‍होएनो म्‍हीमा मुबल।

प्रेरीत् 11:14

थेचे एत ज्‍यबे सम्‍तर् स्‍येत्‍स्‍ये मुब। हुजु सम्‍तर् ग्‍यम्‍से एतेङ् एइ दीम्‍री मुबे जम्‍मनो म्‍हेम्‍यमा थर्‌स्‍ये मुब।’

प्रेरीत् 16:15

हुजु लीप्‍चे लीडीयातेङ् थेइ दीम्‍की म्‍हेम्‍यमाचे बप्‍तीस्‍मा कीन्‍ज्‍यी। ओसेम् थेचे फ्‍या लज्‍यीम्, “थेङ्‍माचे ङत प्रभुत बीस्‍वास् स्‍य्‍हेङ्‌बे अङ म्‍हेन्‍सम् ङइ दीम्‍री ब्‍योन्‍खज्‍यीम् स्‍य्‍हुजेतो” बी पङ्‍ज्‍यीम् ङ्‍यीमात थेइ दीम्‍री ङ्‌यीबरी कर् लज्‍यी।

प्रेरीत् 16:35

न्‍हम्‍स्‍य्‍होर्‌हङ् स्‍य्‍होःरी सहर्‌की हाकीम्‍माचे पावलतेङ् सीलासत पीत्‍लागो पङ्‍ज्‍यीम् स्‍यीपाइमात जेल्‍की हाकीम्‍ज पीत्‍ज्‍यी।

प्रेरीत् 2:46

थेङ्‌यीमा दीन्‍लनो सेम् गीः तज्‍यीम् पर्‌मेस्‍वर्‌की दीम्‍री र्‌हुब् तब मुबल। ओसेम् थेङ्‍यीमा दीम्-दीम्‍री र्‌हुब तज्‍यीम् प्रभु डोन् चब मुबल। ओसेम् थेङ्‌यीमा तङ्‌ज्‍यीम् ज्‍यबे सेम् थोज्‍यीम्

प्रेरीत् 8:39

थेङ्‌य्‍हीनो यी न्‍हङ्‌से डोङ्‍ब बीसेम् फीलीप्‍त प्रभुइ आत्‍माचे चुङ्‌ज्‍यीम् बोर्‌ज्‍यी। ओसेम् हुजु नपुङ्‍सक्‍चे फीलीप्‍त दोःज्‍यीम् अम्रङ्। तर थे तङ्-तङ्‌ज्‍यीम् दीम्‍री य्‍हर्‌ज्‍यी।

रोमी 15:13

एङ्‌यीमाचे पर्‌मेस्‍वर्‌री बीस्‍वास् स्‍य्‍हेङ्‌बल तज्‍यीम् आसा न्‍हङ्‌बे पर्‌मेस्‍वर्‌चेनो एङ्‍यीमात तङ्‍बतेङ् सान्‍तीचे प्‍लीङ्‌न लजेत्‍खइ पङ्‍ज्‍यीम् ङ प्रार्‌थना स्‍य्‍हेङ्‍ब। होले पबीत्र आत्‍माइ सक्‍ती ग्‍यम्‍से एङ्‌यीमाकी आसा प्‍लीङ्‍खइ।

रोमी 5:11

चोतेकीनो अय्‍हीन्, देरेम् ङ्‍य्‍हङ्‍की प्रभु येसु ख्रीस्‍ट्‌चे ङ्‍य्‍हङ्‍मात पर्‌मेस्‍वर्‌तेङ् थुन्‍न लजेत्‍पल तज्‍यीम् ङ्‍य्‍हङ्‍मा पर्‌मेस्‍वर्‌त तोप्‍ज्‍यीम् तङ्‍ब।

रोमी 5:2

प्रभु येसु ख्रीस्‍ट्‌चेनो ङ्‍य्‍हङ्‍मात बीस्‍वास् ग्‍यम्‍से पर्‌मेस्‍वर्‌की अनुग्रहरी वङ्‍म्‍यङ्‍न लजेत्‍पल मुब। देरे ङ्‍य्‍हङ्‍मा चु अनुग्रहरी सोटीब मुब। ओसेम् ङ्‍य्‍हङ्‍मा पर्‌मेस्‍वर्‌की महीमारी र्‌हुब् तस्‍येकी आसारी तङ्‍ब।

गलाती 5:22

तर पबीत्र आत्‍माचे स्‍य्‍हेङ्‌बे लक्‍मा चुमानो य्‍हीन्‍ब- थेचे ल्‍हो-ल्‍होत म्‍होइब, थे तङ्‍ब, थे सान्‍तीरी सोब, थेचे धैर्‌य लब, थेचे दय लब, थेचे ल्‍हो-ल्‍होत ज्‍यब स्‍य्‍हेङ्‌ब, थे बीस्‍वासीलो तब,

फीलीप्‍पी 4:17

ङचे एङ्‍यीमा ग्‍यम्‍से भेटी म्‍हइबल अय्‍हीन्, तर एङ्‍यीमाचे ङत होले र्‌हो लबल तज्‍यीम् पर्‌मेस्‍वर्‌चे एङ्‌यीमात मोलम् न्‍हङ्‍जेत्‍खइ पङ्‍बे सेम् लब।

फीलीप्‍पी 4:4

प्रभुरी खेम पङ्‌लेनो तङो। ङ देबेएनो पङ्‍ब, तङो!

फीलेमोन 1:7

म्‍होइबे अले, एचे ल्‍हो-ल्‍होमात म्‍होइबल तज्‍यीम् ङचे य्‍हक्‍को तङ्‍बतेङ् य्‍हक्‍को आर् यङ्‌बल मुब। तलेपङ्‍सम् एचे पर्‌मेस्‍वर्‌की म्‍हीमाकी सेम् तङ्‍नलबल मुब।

१ युहन्‍ना 3:18

म्‍होइबे कोलमा, ङ्‍य्‍हङ्‍माचे तम् छीःमाचेकीनो म्‍होइब अय्‍हीन्, ङ्‌य्‍हङ्‌माकी म्‍होइब देमेन् तथोब, ओसेम् हुजु लक्‍री म्रङ्‍थोब।