प्रेरीत् 16:28 - पश्‍चिम तामाङ

²⁸ तर पावलचे बङ्‍ले पङ्‍ज्‍यी, “थेङ्‌चे र्‌हङ्‍त तएनो थलजेतो, ङ्‌यीमा जम्‍मनो चुरी मुब।”

प्रेरीत् 16:28 ပူးပေါင်းရင်းမြစ်များ

मत्‍ती 5:44

तर ङ एङ्‌यीमात पङ्‍ब, सत्‍तुर्‌मातएनो म्‍होइगो। ओसेम् र्‌हङ्‍त दुख पीन्‍बलमाकी लागीरी प्रार्‌थना स्‍य्‍हेङो।

लुका 22:51

तर येसुचे, “तज्‍यी, थलो!” बी सुङ्‌ज्‍यीम् हुजु म्‍हीइ न्‍हबीङ् छुजेत्‍ज्‍यीम् फेन्‍न लजेत्‍ज्‍यी।

लुका 23:34

ओसेम् येसुचे सुङ्‌ज्‍यी, “अप! थेङ्‌यीमात क्षमा न्‍हङ्‌जेतो। तलेपङ्‍सम् थेङ्‍यीमाचे ता स्‍य्‍हेङ्‌टीब बी थेङ्‍यीमाचे स्‍येःबल अरे।” ओसेम् सीपाहीमाचे थेङ्‌की न्‍हम्‍ज चीठ्‌ठ युज्‍यीम् जुज्‍यी।

प्रेरीत् 16:27

ओसेम् जेल्‍की हाकीम् छोर्‌खज्‍यीम् च्‍यामम् जेल्‍की म्रप्‍मा ठोङ्‍बल म्रङ्‍ज्‍यी। ओसेम् जेल्‍री च्‍युप्‍ज्‍यीम् थेन्‍बलमा जम्‍मनो भाग्‍तीनेम् बी म्‍हेन्‍ज्‍यीम् र्‌हङ्‌चे र्‌हङ्‌तनो सेत्‍परी तर्‌वल तेत्‍ज्‍यी।

प्रेरीत् 16:29

चु थ्‍येःब बीसेम् हाकीम् मेतङ् र्‌हीत्‍ज्‍यीम् न्‍हङ्‌री छ्‍योङ्‍खज्‍यी, ओसेम् लोङ्‍ज्‍यीम् दर्-दर्‌ज्‍यीम् पावलतेङ् सीलासकी कङ्‍री पब्‍लु लज्‍यी।

१ थेस्‍लोनीकी 5:15

खल्‍चे पङ्‌लेनो अज्‍यब स्‍य्‍हेङ्‍सम् एङ्‌यीमाकी गुङ्‍री खल्‍चेएनो खीत् थफागो। तर एङ्‍यीमाचे खेम पङ्‌लेनो गीःचे गीःत ओसेम् जम्‍मतनो ज्‍यब स्‍य्‍हेङ्‌बे सेम् थोःगो।