प्रेरीत् 14:9 - पश्‍चिम तामाङ

⁹ पावलचे पङ्‍बे तम्‍मा थेचे ज्‍यनले ङ्‌येन्‍टीब मुबल। पावलचे थेइ लीःरी ज्‍यनले च्‍याज्‍यी। ओसेम् हुजु म्‍हीतेङ् थे फेन्‍ब खम्‍ब पङ्‍बे बीस्‍वास् म्रङ्‌ज्‍यी।

प्रेरीत् 14:9 ပူးပေါင်းရင်းမြစ်များ

मत्‍ती 13:58

ओसेम् थेङ्‌यीमाकी बीस्‍वास् अरेबल तज्‍यीम् येसुचे हुजु ग्‍लारी तेङेन्‍की लक्‍मा य्‍हक्‍को स्‍य्‍हेङ्‍अजेत्।

मत्‍ती 15:28

ओसेम् येसुचे हुजु अमकोलत सुङ्‌ज्‍यी, “एइ बीस्‍वास् ङ्‍हच्‍छ्‍यङ् टीम्, एचे म्‍हेन्‍बल तखइ।” ओसेम् हुजु बेलोरीनो थेइ जमे फेन्‍ज्‍यी।

मत्‍ती 8:10

चु तम् सेन्‍जेत्‍ज्‍यीम् येसु अचम्‍म तजेत्‍ज्‍यी, ओसेम् थेङ्‌की लीप्‍चे ब्रबलमात सुङ्‌ज्‍यी, “ङ एङ्‌यीमात देमेन्‍नो पङ्‍ब, चोतेबे ङ्‍हच्‍छ्‍यङ् बीस्‍वास् ङचे इस्राएलीमाकी गुङ्‍रीएनो यङ्‌बल अरे।

मत्‍ती 9:22

ओसेम् येसुचे ग्‍यप्‍चे दोःज्‍यीम् स्‍हीमम् हुजु अमकोलत म्रङ्‌जेत्‍ज्‍यीम् सुङ्‌ज्‍यी, “जमे, सेम् कोङ्‍न लउ, एइ बीस्‍वासचे एत फेन्‍नलबल मुब।” हुजु बेलोरी हुजु अमकोल फेन्‍ज्‍यी।

मर्‌कुस् 10:52

येसुचे थेत, “ङ्‍यीउ, एइ बीस्‍वासचे एत फेन्‍नलबल मुब” बी सुङ्‌ज्‍यी। होले सुङ्‌ब साच्‍चेनो थेइ मीः म्रङ्‍खम्‍ज्‍यी। ओसेम् थे ग्‍यम्‍री येसुइ लीप्‍चे ब्रज्‍यी।

मर्‌कुस् 2:5

येसुचे थेङ्‌यीमाकी बीस्‍वासत म्रङ्‌ज्‍यीम् हुजु या कङ् अचल्‍तीबे म्‍हीत, “ज, एइ पापमा क्षम तबल मुब” बी सुङ्‌ज्‍यी।

मर्‌कुस् 8:25

ओसेम् येसुचे देबेएनो थेइ मीः ङ्‍य्‍हीरीनो फ्‍या थेन्‍जेत्‍ज्‍यी। ओसेम् थेचे ज्‍यनले च्‍यामम् जम्‍मनो स्‍हेमा ज्‍यनले म्रङ्‌ज्‍यी।

प्रेरीत् 10:4

कर्‌नेलीयस लोङ्‌ज्‍यी, ओसेम् स्‍वर्‌गदुत्‍त च्‍याज्‍यीम्, “प्रभु सुङो!” बी पङ्‍मम् स्‍वर्‌गदुत्‍चे पङ्‍ज्‍यी, “एचे स्‍य्‍हेङ्‌बे प्रार्‌थनातेङ् एचे प्रङ्‌नमात पीन्‍बे चब थुङ्‍ब पर्‌मेस्‍वर्‌त सेम्‍री ङ्‌यीबे ठा र्‌हङ्‌ब तबल मुब।

प्रेरीत् 3:4

ओसेम् पत्रुसतेङ् युहन्‍नाचे थेत तकातक्‍ले च्‍याज्‍यी, ओसेम् पत्रुसचे थेत, “ङ्‍यीङ्‍य्‍हीत च्‍यागो” बी पङ्‍ज्‍यी।