प्रेरीत् 13:52 - पश्‍चिम तामाङ

⁵² ओसेम् बीस्‍वासीमा पबीत्र आत्‍माचे प्‍लीङ्‌ज्‍यीम् य्‍हक्‍को तङ्‌ज्‍यी।

प्रेरीत् 13:52 ပူးပေါင်းရင်းမြစ်များ

मत्‍ती 5:12

हुजु बेलोरी एङ्‍यीमा य्‍हक्‍को तङो, तलेपङ्‍सम् स्‍वर्‌गरी एङ्‌यीमाकी लागीरी ङ्‍हच्‍छ्‍यङ् बक्सीस् मुब। तलेपङ्‍सम् दङ्‌बोइ अगम्‍बक्‍तमातएनो चोलेनो दुख पीन्‍बल मुबल।

प्रेरीत् 11:29

ओसेम् एन्‍टीओखीयारी मुबे डबमाचे र्‌हङ्-र्‌हङ्‍चे गत्‍ते खम्‍ज्‍यी होदे यहुदीयारी मुबे बीस्‍वासीमात र्‌हो लबरी टङ पीत्‍पे तम् डीःज्‍यी।

प्रेरीत् 2:4

ओसेम् थेङ्‍यीमा जम्‍मनो पबीत्र आत्‍माचे प्‍लीङ्ज्‍यी। थेङ्‌यीमात पबीत्र आत्‍माचे ल्‍हो-ल्‍हो ग्‍योत्‍मा पङ्‍ब खम्‍न लब र्‌हङ्‌लेनो पङ्‌ब तीप्‍ज्‍यी।

प्रेरीत् 2:46

थेङ्‌यीमा दीन्‍लनो सेम् गीः तज्‍यीम् पर्‌मेस्‍वर्‌की दीम्‍री र्‌हुब् तब मुबल। ओसेम् थेङ्‍यीमा दीम्-दीम्‍री र्‌हुब तज्‍यीम् प्रभु डोन् चब मुबल। ओसेम् थेङ्‌यीमा तङ्‌ज्‍यीम् ज्‍यबे सेम् थोज्‍यीम्

प्रेरीत् 4:31

चोले प्रार्‌थना स्‍य्‍हेङ्‌ब बुत्‍प बीसेम् थेङ्‍यीमा र्‌हुब् तबे ग्‍ला य्‍होङ्‍ज्‍यी। ओसेम् थेङ्‌यीमा जम्‍मनो पबीत्र आत्‍माचे प्‍लीङ्‌ज्‍यीम् पर्‌मेस्‍वर्‌की फ्रोइ अलोङ्‍नले स्‍येत्‍प तीप्‍ज्‍यी।

प्रेरीत् 5:41

ओसेम् प्रेरीतमा ङ्‍हच्‍छ्‌यङ् सभा ग्‍यम्‍से तङ्-तङ्‌ज्‍यीम् “पर्‌मेस्‍वर्‌चे ङ्‌य्‍हङ्‌मात येसुइ छेन्‍री दुख नाबरी जेःनलजेत्‍ज्‍यी” पङ्‍ज्‍यीम् डोङ्‍य्‍हर्‌ज्‍यी।

रोमी 14:17

तलेपङ्‌सम् पर्‌मेस्‍वर्‌की य्‍हुल्‍मी चबतेङ् थुङ्‍ब अय्‍हीन्, तर चुमी पवीत्र आत्‍माचे न्‍हङ्‌जेत्‍पे धार्‌मीक्‍त, सान्‍ती ओसेम् तङ्‍ब य्‍हीन्‍ब।

रोमी 15:13

एङ्‌यीमाचे पर्‌मेस्‍वर्‌री बीस्‍वास् स्‍य्‍हेङ्‌बल तज्‍यीम् आसा न्‍हङ्‌बे पर्‌मेस्‍वर्‌चेनो एङ्‍यीमात तङ्‍बतेङ् सान्‍तीचे प्‍लीङ्‌न लजेत्‍खइ पङ्‍ज्‍यीम् ङ प्रार्‌थना स्‍य्‍हेङ्‍ब। होले पबीत्र आत्‍माइ सक्‍ती ग्‍यम्‍से एङ्‌यीमाकी आसा प्‍लीङ्‍खइ।

रोमी 5:3

होदेकीनो अय्‍हीन्, ङ्‍य्‍हङ्‍मा दुख यङ्‍बे बेलोरीएनो तङ्‍ब तलेपङ्‍सम् ङ्‍य्‍हङ्‍माचे स्‍येःब, दुखचे दुखइ बेलोरी नाप खम्‍बे बङ् पीन्‍ब,

२ कोरीन्‍थी 8:2

ल्‍हो-ल्‍हो म्‍हीमाचे य्‍हक्‍को दुख पीन्‍लेएनो थेङ्‍यीमा य्‍हक्‍को तङ्‍बल मुब। ओसेम् थेङ्‍यीमा र्‌हङ् य्‍हक्‍को प्रङ्‍न मुलेएनो ल्‍हो-ल्‍होत सेम् य्‍हङ् लज्‍यीम् पीन्‍ब।

गलाती 5:22

तर पबीत्र आत्‍माचे स्‍य्‍हेङ्‌बे लक्‍मा चुमानो य्‍हीन्‍ब- थेचे ल्‍हो-ल्‍होत म्‍होइब, थे तङ्‍ब, थे सान्‍तीरी सोब, थेचे धैर्‌य लब, थेचे दय लब, थेचे ल्‍हो-ल्‍होत ज्‍यब स्‍य्‍हेङ्‌ब, थे बीस्‍वासीलो तब,

१ थेस्‍लोनीकी 1:6

एङ्‌यीमाचेएनो ङ्‌यीमातेङ् प्रभुचे र्‌हङ्‌लेनो म्‍हीमा ग्‍यम्‍से य्‍हक्‍को दुख यङ्‍मेएनो पबीत्र आत्‍माचे न्‍हङ्‌बे सम्‍तर्‌त तङ् तङ्‌ज्‍यीम् ग्रहन् स्‍य्‍हेङ्‌ज्‍यी।

याकुब 1:2

बीस्‍वासी र्‌होमा, एङ्‌यीमात थोचे थोइ दुखमा खलेएनो य्‍हक्‍को तङो।

१ पत्रुस 4:13

तर ख्रीस्‍ट्‍चे नाजेत्‍पे दुख जुज्‍यीम् एङ्‌यीमाचेएनो नाम्‍यङ्‍बल मुब पङ्‍ज्‍यीम् य्‍हक्‍को तङो। तलेपङ्‍सम् थेङ्‌की ङ्‍हच्‍छ्‍यङ् महीमा म्रङ्‍खबतेङ् एङ्‍यीमा तङ्‍म्‍यङ्‍ल।