प्रेरीत् 13:47 - पश्‍चिम तामाङ

⁴⁷ तलेपङ्‍सम् प्रभुचे ङ्‌यीमात चोले कुल्‍जेत्‍पल मुब- ‘जम्‍बुलीङ्‌की कुन-कुनइ म्‍हीमाचे मुक्‍ती यङ्‍खइ पङ्‍ज्‍यीम् ङचे एङ्‌यीमात ल्‍हो-ल्‍हो यहुदी अय्‍हीन्‍बे म्‍हीमाकी गुङ्‍री य्‍हल् बोर्‌बरी दम्‍बल मुब।’”

प्रेरीत् 13:47 ပူးပေါင်းရင်းမြစ်များ

मत्‍ती 28:19

होत्‍तज्‍यीम् देरेम् एङ्‍यीमा य्‍हर्‌ज्‍यीम् जम्‍मनो जातीमात ङइ डबमा स्‍य्‍हेङो, अपतेङ् ज ओसेम् पबीत्र आत्‍माइ छेन्‍री थेङ्‌यीमात बप्‍तीस्‍मा पीनो।

मर्‌कुस् 16:15

ओसेम् येसुचे थेङ्‌यीमात सुङ्‌ज्‍यी, “एङ्‌यीमा जम्‍बुलीङ्‌की जम्‍मनो ग्‍लामारी ङ्‌यीज्‍यीम् ज्‍यबे सम्‍तर् जम्‍मनो म्‍हीमात स्‍येतो।

लुका 2:32

थेङ्‌नो यहुदी अय्‍हीन्‍बे म्‍हीमात ग्‍यम् ङोन्‍बे य्‍हल् य्‍हीन्‍ब। ओसेम् थेङ्‌नो एल इस्राएलीमाकी महीमा य्‍हीन्‍ब।”

लुका 24:47

ओसेम् पाप ग्‍यम्‍से पस्‍चताप स्‍य्‍हेङ्‌बमाचे क्षमा यङ्‌ब पङ्‌बे सम्‍तर् यरुसलेम् य्‍हङ्‌से तीप्‍ज्‍यीम् जम्‍बुलीङ्‌की जम्‍मा य्‍हुल्‍री थेइ छेन्‍री प्रचार् तथोब।

प्रेरीत् 1:8

तर पबीत्र आत्‍मा एङ्‌यीमाइ जोरी ब्‍योन्‍युब बीसेम् एङ्‍यीमाचे सक्‍ती यङ्‍स्‍ये मुब। ओसेम् एङ्‍यीमाचे यरुसलेम य्‍हङ्‍स्‍ये यहुदीयातेङ् सामरीयाकी जम्‍मा ग्‍लामारी ओसेम् जम्‍बुलीङ्‌की कुन-कुन सम्‍मनो ङइ बारेरी स्‍येत्‍स्‍ये मुब।”

प्रेरीत् 22:21

तर प्रभुचे ङत सुङ्‌ज्‍यी, ‘ए ङ्‍यीउ, ङ एत थारीङ्-थारीङ् सम्‍मनो यहुदी अय्‍हीन्‍बे म्‍हीमाज पीत्‍स्‍ये मुब।’”

प्रेरीत् 26:23

थेङ्‍यीमाचे मुक्‍ती न्‍हङ्‌बे ख्रीस्‍ट्‍चे दुख नाज्‍यीम् स्‍यीस्‍ये मुब, थेङ् स्‍यीबलमा न्‍हङ्‌री गोदोब्‍न्‍हङ् ङोन्‍ग्‍यम् सोबल तस्‍ये मुब। ओसेम् थेङ्‌चे पर्‌मेस्‍वर्‌की य्‍हल् यहुदीमातेङ् यहुदी अय्‍हीन्‍बे म्‍हीमाकी गुङ्‍री ङोन्‍स्‍ये मुब बी अगम्‍बक्‍तमाचे पङ्‍ज्‍यीन्‍बल मुबल।”

प्रेरीत् 9:15

तर प्रभुचे थेत सुङ्‌ज्‍यी, “ङ्‍यीउ, तलेपङ्‍सम् ङचे थेत ङत तेन्‍बरी दम्‍बल मुब। थेचे यहुदी अय्‍हीन्‍बे म्‍हीमातेङ् ग्‍यल्‍बोमा ओसेम् इस्राएलकी म्‍हीमात ङइ मीन् थ्‍येःन लस्‍ये मुब।