प्रेरीत् 13:43 - पश्चिम तामाङ43 सभा ज्यीन्ब बीसेम् यहुदीमातेङ् यहुदी धर्म म्हन्दीबे ल्हो-ल्हो यहुदी अय्हीन्बे य्हक्को म्हीमा पावलतेङ् बारनाबासकी लीप्चे ब्रज्यी। ओसेम् पावलतेङ् बारनाबासचे थेङ्यीमातेङ् तम् लज्यीम् थेङ्यीमात खेम पङलेएनो पर्मेस्वर्की अनुग्रहरी टीउ पङ्ज्यी। အခန်းကိုကြည့်ပါ။ |
प्रेरीत् 13:43
39 ပူးပေါင်းရင်းမြစ်များ
ओसेम् पावलतेङ् बारनाबास तोव दीन्सम्मनो हुजुरी टीज्यी। थेङ्य्हीचे प्रभुरी भर् लज्यी, ओसेम् प्रभुइ बारेरी आर् लज्यीम् स्येत्स्यीनो टीज्यी। ओसेम् प्रभुचे थेङ्य्हीत तेङेन्की लक्मातेङ् चीनोमा स्य्हेङ्बे सक्ती न्हङ्ज्यीम् थेङ्य्हीचे स्येत्पे अनुग्रहकी फ्रोइ देमेन्नो य्हीन्ब बी ङोन्जेत्ज्यी।
हुजु लीप्चे थेङ्यीमाचे पावलकी तम् ङ्येन्बे लागीरी दीन् तेत् लज्यी। ओसेम् हुजु दीन्री य्हक्को म्हीमा पावलत थेन्बे ग्लारी खज्यीम् र्हुब् तज्यी। पावलचे थेङ्यीमात स्य्होः य्हङ्से ङ्यीस्ये सम्मनो पर्मेस्वर्की य्हुल्की बारेरी लोप्ज्यी। ओसेम् धर्मइ छ्येःरी मोसातेङ् अगम्बक्तमाचे ब्रीबे तम्मा ग्यम्से येसुइ बारेरी ज्यनले लोप्ज्यीम् थेङ्यीमात गोनलब म्हइज्यी।
प्रेरीतमाचे पङ्बे चु तम् म्हीमा जम्मतनो सेम्री ङ्यीज्यी। ओसेम् म्हीमाचे बीस्वासतेङ् पबीत्र आत्माचे प्लीङ्बे स्तीफनस्, फीलीप, प्रखरस, नीकनोर, तीमोनतेङ् पर्मीनास ओसेम् एन्टीओखीया पङ्बे सहर्की नीकोलाउसत दम्ज्यी। नोकोलाउसचे येसुत बीस्वास् स्य्हेङ्ब बीम ङोन्ग्यम् यहुदी धर्म म्हन्दीबल मुबल।
होत्तज्यीम् पाप्चे म्हीमाइ जोरी सासन् स्य्हेङ्ज्यीम् स्यीनलब र्हङ्ले, देरेम् पर्मेस्वर्की अनुग्रहचे ङ्य्हङ्माइ जोरी सासन् स्य्हेङ्टीबल मुब। चु अनुग्रहचेनो ङ्य्हङ्मात पर्मेस्वर्की ङोन्री धर्मी तनलजेत्प, ओसेम् ङ्य्हङ्की प्रभु येसु ख्रीस्ट् ग्यम्से खेमेएनो अबेबे जीवन् न्हङ्जेत्बल मुब।
प्रभुचे तीरेत् जम्मनो म्हीमाकी न्याय स्य्हेङ्जेत्स्ये मुब पङ्बे तम् स्येःज्यीम् ङ्यीमाचे ल्हो-ल्हो म्हीमातएनो पर्मेस्वर्त बीस्वास् स्य्हेङो बी आर् पीन्ब। पर्मेस्वर्चे ङ्यीमात ज्यनले खेम्जेत्प, ओसेम् एङ्यीमाचेएनो ङ्यीमा खतेबे म्हीमा बी ज्यनले स्येःब पङ्बे तम्री ङचे आस् लबल मुब।
होत्तज्यीम् एङ्यीमा र्हङ्की बीस्वास्री य्हङ्य्होङ् अतनले कोङ्ज्यीम् टीथोब। ओसेम् एङ्यीमाचे ज्यबे सम्तर् थ्येःबे बेलोरी यङ्बे आस्त थपीतो। एङ्यीमाचे थ्येःबे चु ज्यबे सम्तर् जम्बुलीङ्की जम्मनो ग्लाकी म्हीमात स्येत्पल मुब। ओसेम् ङ पावलएनो चु ज्यबे सम्तर् स्येत्पे लक् स्य्हेङ्बे योक्पो तबल मुब।
ကြော်ငြာတွေ