प्रेरीत् 13:29 - पश्‍चिम तामाङ

²⁹ चोले धर्‌मइ छ्‍येःरी थेङ्‌की बारेरी ब्रीबे जम्‍म तम् टोप्‍ले स्‍य्‍हेङ्‌ब बीसेम् थेङ्‍यीमाचे थेङ्‌त क्रुस् ग्‍यम्‍से प्‍लोक्‍ज्‍यीम् दुरसरी थेन्‍ज्‍यी।

प्रेरीत् 13:29 ပူးပေါင်းရင်းမြစ်များ

मर्‌कुस् 15:42

हुजु दीन् न्‍हम्‍स्‍य्‍होइ दुःब न्‍हबे दीन्‍की लागीरी तयार स्‍य्‍हेङ्‌बे दीन् मुबल। हुजु दीन्‍की ङ्‍येस्‍येरीनो,

लुका 23:50

हुजुरी यहुदीया प्रदेस्‍की ज्‍यीद सहर् अरीमाथीयाचे खबे योसेफ पङ्‌बे म्‍ही गीः मुबल। थे ज्‍यबतेङ् धर्‌मी ओसेम् यहुदीमाकी सभाकी सदस्‍या मुबल। थे पर्‌मेस्‍वर्‌की य्‍हुल्‍त ब्रेन्‍टीबल मुबल। सभाकी म्‍हीमाचे येसुत सेत्‍परी सल्‍लाह स्‍य्‍हेङ्‌बे बेलोरी थे थेङ्‌यीमातेङ् अडीः।

लुका 23:53

हुजु लीप्‍चे थेचे येसुइ ल्‍हीत क्रुस् ग्‍यम्‍से प्‍लोक्‍ज्‍यीम् ज्‍यबे येन्‍चे तुन्‍ज्‍यी, ओसेम् युङ्‌बरी ठाज्‍यीम् स्‍य्‍हेङ्‌बे दुर्‌सरी थेन्‍ज्‍यी। हुजु दुर्‌सरी ङोन्‍ग्‍यम् खलएनो स्‍यीबे म्‍ही थेन्‍बल अरेबल।

लुका 24:44

ओसेम् येसुचे थेङ्‌यीमात, “मोसाचे ब्रीबे पर्‌मेस्‍वर्‌की नीयम्‍री, अगम्‍बक्‍तमाचे ब्रीबे छ्‍येःरी ओसेम् भजनसङ्‌ग्रहरी ङइ बारेरी ब्रीबे जम्‍मा तम्‍मा पुरा तथोब बी ङ एङ्‌यीमातेङ् बक्‍च्‍या मुबे बेलोरी ङचे ङोन्‍ग्‍यम्‍नो स्‍येत्‍पल मुबल” बी सुङ्‌जेत्‍ज्‍यी।

युहन्‍ना 19:28

ओसेम् येसुचे देरेम् जम्‍मनो लक्‍मा बुत्‍ज्‍यी बी खेम्‍ज्‍यी, ओसेम् धर्‌म छ्‍येःरी ब्रीबे तम् टोप् तखइ पङ्‍ज्‍यीम्, “ङत यी फीःज्‍यी” बी सुङ्‌जेत्‍ज्‍यी।

युहन्‍ना 19:30

थेङ्‌चे हुजु चेक्‍पजाकी म्‍य्‍हङ्‍जेत्‍ज्‍यीम्, “देरेम् बुत्‍ज्‍यी” बी सुङ्‌ज्‍यी। हुजुलीप्‍चे थेङ्‌चे क्र र्‌हलले तइज्‍यीम् बुः पीत्‍जेत्‍ज्‍यी।

प्रेरीत् 13:27

तर यरुसलेमरी टीबे म्‍हीमातेङ् थेङ्‌यीमाइ सासक्‍माचे येसुत अस्‍य्‍हे। ओसेम् थेङ्‍यीमाचे दुःब न्‍हबे दीन्‍मारी खेत्‍पे अगम्‍बक्‍तमाकी फ्रोइमा अगो। ओसेम् येसुत स्‍यीबे सजाय पीन्‍ज्‍यीम् अगम्‍बक्‍तमाचे पङ्‍बे तम् टोप्‍ले स्‍य्‍हेङ्‌ज्‍यी।

प्रेरीत् 2:23

पर्‌मेस्‍वर्‌चे र्‌हङ्‌चे थुः लजेत्‍पतेङ् ङोन्‍ग्‍यम्‍नो खेम्‍जेत्‍प अनुसार् येसुत एङ्‌यीमाकी यारी न्‍हङ्‍जेत्‍ज्‍यी। ओसेम् एङ्‍यीमाचे येसुत यहुदी अय्‍हीन्‍बे म्‍हीमाकी यारी सोप्‍तीज्‍यीम् क्रुस्‍री च्‍योज्‍यीम् सेत्‍पुङ्‌ज्‍यी।”

प्रेरीत् 26:22

तर तीङ्‍यीसम्‍म ङचे पर्‌मेस्‍वर्‌की र्‌हो यङ्‌बल मुब। होत्‍तज्‍यीम् ङ चुरी ज्‍यीत ङ्‍हच्‍छ्‍यङ् जम्‍मकी ङोन्‍री ङचे म्रङ्‌बे तम्‍मा स्‍येत्‍ज्‍यीम् रप्‍टीबल मुब। अगम्‍बक्‍तमातेङ् मोसाचे लीक्‍क्‍यम् टोप तस्‍ये मुब पङ्‍बे तम् बीम ल्‍हो-ल्‍हो ङचे तएनो पङ्‍बल अरे।

प्रेरीत् 4:28

तर थेङ्‍यीमाचे ङोन्‍ग्‍यम्‍नो थेङ्‌की सक्‍तीतेङ् थेङ्‌चे थुः लजेत्‍पलकीनो स्‍य्‍हेङ्‌ज्‍यी।

प्रेरीत् 5:30

एङ्‍यीमाचे क्रुस्‍री च्‍योज्‍यीम् सेत्‍लाबे येसुत ङ्‌यीमाइ म्‍हेमेमाइ पर्‌मेस्‍वर्‌चे स्‍यीब ग्‍यम्‍से सोनलजेत्‍ज्‍यी।

१ कोरीन्‍थी 15:4

थेङ्‍त बुप्‍लाज्‍यी, ओसेम् धर्‌म छ्‍येः अनुसार् सोम्‍रेत्कुनो पर्‌मेस्‍वर्‌चे स्‍यीब ग्‍यम्‍से सोनलजेत्‍ज्‍यी,