प्रेरीत् 13:25 - पश्‍चिम तामाङ

²⁵ युहन्‍नाचे र्‌हङ्‌की लक् ज्‍यीन्‍ब म्‍हइबे बेलोरी चोले पङ्‍ज्‍यी, ‘एङ्‍यीमाचे ङत खल य्‍हीन्‍ब म्‍हेन्‍ब? एङ्‍यीमाचे ब्रेन्‍ज्‍यीम् टीबे म्‍ही ङ अय्‍हीन्, तर थेङ् ङ बीम् लीप्‍चे ब्‍योन्‍खटीब मुब। ओसेम् ङ थेङ्‌की पनेइ तन प्‍लोक्‍परीएनो जेःबल अरे।’

प्रेरीत् 13:25 ပူးပေါင်းရင်းမြစ်များ

मत्‍ती 3:11

“ङचेम् एङ्‍यीमाचे पस्‍चताप स्‍य्‍हेङ्‌बल ङोन्‍बे लागीरी यीचे बप्‍तीस्‍मा पीन्‍ब। तर ङ बीम ङ्‍हच्‍छ्‍यङ् गीः ब्‍योन्‍खय्‍हम्‍बल मुब, ङम् थेङ्‌की पनेइ नाबरीएनो जेबल अरे। थेङ्‌चे एङ्‌यीमात पबीत्र आत्‍मातेङ् मेग्‍यम्‍से बप्‍तीस्‍मा न्‍हङ्‌स्‍ये मुब।

मर्‌कुस् 1:7

युहन्‍नाचे चोले प्रचार स्‍य्‍हेङ्‌ज्‍यी, “ङइ लीप्‍चे ङ बीम ङ्‍हच्‍छ्‌यङ् गी ब्‍योन्‍खटीब मुब। ङ थेङ्‌की पनेइ तन फ्रेन्‍बरीएनो जेःबल अरे।

युहन्‍ना 1:29

न्‍हम्‍स्‍य्‍होर्‌हङ् येसु र्‌हङ्‍ज ब्‍योन्‍खटीबल म्रङ्‌ज्‍यीम् युहन्‍नाचे पङ्‍ज्‍यी, “च्‍याको, पर्‌मेस्‍वर्‌की थुमा, थेङ्‌चे जम्‍बुलीङ्‌की जम्‍मनो म्‍हीमाकी पापमा नोम्‍जेत्‍स्‍ये मुब!

युहन्‍ना 1:34

ङचे पबीत्र आत्‍मा थेङ्‌की जोरी ब्‍योन्‍युबल म्रङ्‌बल मुब, ओसेम् ङ पङ्‍ब थेङ्‍नो पर्‌मेस्‍वर्‌की ज य्‍हीन्‍ब।”

युहन्‍ना 1:36

थेचे येसु स्‍येटीबल म्रङ्‌ज्‍यीम्, “च्‍याको, पर्‌मेस्‍वर्‌की थुमा!” बी पङ्‍ज्‍यी।

युहन्‍ना 4:34

ओसेम् येसुचे थेङ्‌यीमात सुङ्‌ज्‍यी, “ङत पीत्‍युजेत्‍पलइ थुः र्‌हङ्‌लेनो ब्रबतेङ् थेङ्‌की लक् टोप् स्‍य्‍हेङ्‌बनो ङइ चब य्‍हीन्‍ब।

युहन्‍ना 7:18

खल्‍चे र्‌हङ् ग्‍यम्‍से तम् पङ्‍ब थेचे र्‌हङ्‌की लागीरी स्‍य्‍हेस म्‍हइब, तर खल्‍चे र्‌हङ्‌त पीत्‍युजेत्‍पलइ लागीरी स्‍हेस म्‍हइब थेचे देमेन्‍कीनो पङ्‌ब, थेचे भ्‍यु अपङ्।

प्रेरीत् 13:36

“चु तम् दाऊदचे र्‌हङ्‌की बारेरी पङ्‍बल अय्‍हीन्। तलेपङ्‍सम् दाऊदचे सोगदेसम्‍म पर्‌मेस्‍वर्‌चे थे ग्‍यम्‍से स्‍य्‍हेङ्‌ब म्‍हइबे लक्‍मा जम्‍मनो टोप्‍ले स्‍य्‍हेङ्‌ज्‍यीम् थे स्‍यीज्‍यी। ओसेम् थेत थेइ म्‍हेमेमातेङ् बुप्‍लाज्‍यीम् थेइ ल्‍ही क्रम्‍य्‍हर्‌ज्‍यी।

प्रेरीत् 19:4

ओसेम् पावलचे पङ्‍ज्‍यी, “युहन्‍नाचे पीन्‍बे बप्‍तीस्‍मा पाप ग्‍यम्‍से पस्‍चताप स्‍य्‍हेङ्‌बे लागीरी य्‍हीन्‍ब। युहन्‍नाचे, ‘ङ बीम लीक्‍यम् ब्‍योन्‍खस्‍येकी म्‍हीत बीस्‍वास् स्‍य्‍हेङो’ बी म्‍हीमात पङ्‍ज्‍यी। हुजु म्‍ही येसुनो मुबल।”

प्रेरीत् 20:24

तर ङ ङइ जीवन ङइ लागीरी तइ सेइलएनो अम्‍हेन्। ङचे चोदेकीनो म्‍हेन्‍ब की ङत प्रभु येसुचे स्‍य्‍हेङो बी न्‍हङ्‌जेत्‍पे पर्‌मेस्‍वर्‌की अनुग्रहइ ज्‍यबे सम्‍तर् स्‍येत्‍पे लक् टोप् लब खम्‍खइ।

२ कोरीन्‍थी 4:5

ङ्‌यीमाचे र्‌हङ्‌चे र्‌हङ्‍की बारेरी प्रचार् अस्‍य्‍हेङ्, तर येसु ख्रीस्‍ट्‍नो प्रभु य्‍हीन्‍ब पङ्‍बे तम् प्रचार् स्‍य्‍हेङ्‍ब। ओसेम् येसुइ लागीरी ङ्‍यीमामी एङ्‌यीमाकी योक्‍पो य्‍हीन्‍ब।

२ तीमोथी 4:7

ङचे म्‍हीमात पर्‌मेस्‍वर्‌की सम्‍तर् ज्‍यनले स्‍येत्‍पल मुब, पर्‌मेस्‍वर्‌चे ङत न्‍हङ्‍जेत्‍पे लक् ङचे बुत्‍नले स्‍य्‍हेङ्‍बल मुब, ओसेम् ङचे पर्‌मेस्‍वर्‌री बीस्‍वास् स्‍य्‍हेङ्‍स्‍यीनो टीबल मुब।

प्रकास 11:7

थेङ्‍यीमाचे र्‌हङ्‍की गबाहीकी लक् बुत्‍प बीसेम् दप्‍ज्‍यीम् दप्‍प अखम्‍बे नुप्‍पे व्‍हङ् न्‍हङ् ग्‍यम्‍से डोङ्‍खस्‍येकी दुस्‍ट सेम्‍ज्‍येन्‍चे थेङ्‍य्‍हीतेङ् छेत्‍ज्‍यीम् थेङ्‍य्‍हीतनो डास्‍ये मुब, ओसेम् थेङ्‍य्‍हीतनो सेत्‍स्‍ये मुब।