प्रेरीत् 13:23 - पश्‍चिम तामाङ

²³ पर्‌मेस्‍वर्‌चे र्‌हङ्‌चे स्‍य्‍हेङ्‍जेत्‍पे बाचा अनुसार दाऊदकी सन्‍तान ग्‍यम्सेनो इस्राएलीमाकी लागीरी मुक्‍तीदाता येसुत पीत्‍युजेत्‍ज्‍यी।

प्रेरीत् 13:23 ပူးပေါင်းရင်းမြစ်များ

मत्‍ती 1:1

अब्रहामतेङ् दाऊदकी छकोन् येसु ख्रीस्‍ट्‍की म्‍हेमेमाकी मीन्‍मा चुमा य्‍हीन्‍ब-

मत्‍ती 1:21

मरीयमचे ज गी न्‍हस्‍ये मुब, ओसेम् एचे थेङ्‌की छेन् येसु थेन्‍स्‍ये मुब। तलेपङ्‍सम् थेङ्‌चे र्‌हङ्‌की म्‍हीमात थेङ्‌यीमाकी पापमा ग्‍यम्‍चे थर्‌न लजेत्‍स्‍ये मुब।”

मत्‍ती 21:9

येसुइ लीप्‍तेङ् ङोन्‍चे ब्रबे य्‍हक्‍को म्‍हीमाचे चोले पङ्‌ज्‍यीम् क्रीङ्‌ज्‍यी, “दाऊदकी जत तोप्‍प तखइ! परमप्रभुइ छेन्‍री ब्‍योन्‍खजेत्‍पे म्‍ही मोलम् यङ्‌बे म्‍ही य्‍हीन्‍ब! स्‍वर्‌गरी स्‍य्‍हुबे पर्‌मेस्‍वर्‌त तोप्‍प तखइ!”

मत्‍ती 22:42

“एङ्‍यीमाचे मुक्‍ती न्‍हङ्‌बे ख्रीस्‍ट्‍की बारेरी ता म्‍हेन्‍ब? थे खलइ ज य्‍हीन्‍ब?” थेङ्‍यीमाचे थेङ्‌त, “थे दाऊदकी ज य्‍हीन्‍ब” बी पङ्‍ज्‍यी।

लुका 1:69

थेङ्‌चे ङ्‌य्‍हङ्‌माकी लागीरी र्‌हङ्‌की सेवा स्‍य्‍हेङ्‌बे दाऊदकी खलक् न्‍हङ्‌से, सक्‍तीसाली मुक्‍तीदाता गीः न्‍हङ्‌जेत्‍पल मुब।

युहन्‍ना 4:42

थेङ्‍यीमाचे हुजु अमकोलत पङ्‍ज्‍यी, “देरेम् एइ तम्‍कीनो थ्‍येःज्‍यीम् अय्‍हीन्, तर ङ्‌यीमा र्‌हङ्‍चेनो थेङ्‌की फ्रोइ थ्‍येःबल तज्‍यीम् बीस्‍वास् स्‍य्‍हेङ्‌ब। थेङ् देमेन्‍नो जम्‍बुलीङ्‌की मुक्‍ती न्‍हङ्‌बे ख्रीस्‍ट् य्‍हीन्‍ब बी देरेम् ङ्‌यीमाचे स्‍येःब।”

युहन्‍ना 7:42

मुक्‍ती न्‍हङ्‌बे ख्रीस्‍ट्‍मी दाऊदकी सन्‍तान ग्‍यम्‍से, ओसेम् दाऊदकी नम्‍स बेथलेहेम् ग्‍यम्सेनो व्‍योन्‍खस्‍ये मुब बी धर्‌मइ छ्‍येःरी ब्रीबल अरेओ स्‍यीम्?” बी पङ्‍ज्‍यी।

प्रेरीत् 13:32

ओसेम् पर्‌मेस्‍वर्‌चे ङ्‍य्‍हङ्‍की म्‍हेमेमातेङ् स्‍य्‍हेङ्‍जेत्‍पे बाचाइ बारेरी चु ज्‍यबे सम्‍तर् स्‍येत्‍परी ङ्‌यीमा एङ्‍यीमाज खबल मुब।

प्रेरीत् 2:30

तर दाऊद अगम्‍बक्‍त तबल तज्‍यीम् पर्‌मेस्‍वर्‌चे थेइ सन्‍तान न्‍हङ्‍चेनो गीःत थेइ ठीःरी थेन्‍जेत्स्‍ये मुब बी सपथ स्‍य्‍हेङ्‌बल थेत था मुबल।

प्रेरीत् 3:26

पर्‌मेस्‍वर्‌चे एङ्‍यीमा जम्‍मतनो नेइबे लक्‍मा ग्‍यम्‍से दोःबज्‍यीम् हुजु मोलम् न्‍हङ्‍बरी थेङ्‌की योक्‍पो येसुत दम्‍जेत्‍ज्‍यीम् गोदोब्‍न्‍हङ् ङोन्‍ग्‍यम् एङ्‌यीमाज पीत्‍युजेत्‍ज्‍यी।”

प्रेरीत् 4:12

“येसु बीम ल्‍हो-ल्‍हो खल्‍चेएनो मुक्‍ती पीन्‍ब अखम्। तलेपङ्‍सम् जम्‍बुलीङ्‌री जम्‍म म्‍हीमात मुक्‍ती न्‍हङ्‍बरी पर्‌मेस्‍वर्‌चे ल्‍हो-ल्‍हो खलइ मीन्‍एनो न्‍हङ्‌बल अरे।”

रोमी 1:3

हुजु ज्‍यबे सम्‍तर्‌मी थेङ्‍की ज ङ्‍य्‍हङ्‍की प्रभु येसु ख्रीस्‍ट्‍की बारेरी य्‍हीन्‍ब। थेङ् म्‍हीइ ल्‍हीरी ग्‍यल्‍बो दाऊदकी खलक्‍रीनो न्‍हजेत्‍ज्‍यी। ओसेम् थेङ् पबीत्र आत्‍माचे ङोन्‍जेत्‍प अनुसार पर्‌मेस्‍वर्‌की सक्‍तीसाली ज य्‍हीन्‍ब। चु तम् थेङ् स्‍यीजेत्‍ज्‍यीम् सोजेत्‍पे तम्‍चेएनो ङोन्‍ब।

रोमी 11:26

चोले जम्‍मनो इस्राएलीमा थर्‌स्‍ये मुब। धर्‌म छ्‍येरी ब्रीबल मुब, “सीयोन य्‍हङ्‍से मुक्तीदाता ब्‍योन्‍खस्‍ये मुब, थेङ्‍चे याकुबकी खलक् ग्‍यम्‍से दुस्‍ट लक्‍मा ख्‍लाजेत्‍स्‍ये मुब।”

तीतस 1:4

ङतेङ् थो गीःरीनो बीस्‍वास् स्‍य्‍हेङ्‌बे ङइ देमेन्‍की ज र्‌हङ्‍बे तीतसत चु चीठी ब्रीटीब। पर्‌मेस्‍वर् अपतेङ् ङ्‍य्‍हङ्‍की मुक्‍तीदाता येसु ख्रीस्‍ट्‍चे एत अनुग्रहतेङ् सान्‍ती न्‍हङ्‍खइ।

२ पत्रुस 1:1

ङ प्रेरीत ओसेम् येसु ख्रीस्‍ट्‍की बान सीमोन पत्रुस ग्‍यम्‍से ङ्‍य्‍हङ्‍की पर्‌मेस्‍वर्‌तेङ् मुक्‍ती न्‍हङ्‌बे येसु ख्रीस्‍ट्‍की धार्‌मीक्‍त ग्‍यम्‍से ङ्‌यीमाचे र्‌हङ्‌ले ङ्‍हच्‍छ्‍यङ् बीस्‍वास् यङ्‌बलमात:

२ पत्रुस 1:11

ओसेम् ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की खेम पङ्‌लेनो टीबे य्‍हुल्‍री वङ्‌बे बेलोरी एङ्‍यीमात ङ्‍हच्‍छ्‍यङ् स्‍वागत स्‍य्‍हेङ्‍जेत्‍स्‍ये मुब।

२ पत्रुस 2:20

तर थेङ्‍यीमाचे ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍त स्‍येःज्‍यीम् जम्‍बुलीङ्‌की अज्‍यबे लक्‍मा स्‍य्‍हेङ्‍ब पीत्‍लाज्‍यीम्‍एनो देबे दोःज्‍यीम् हुजु अज्‍यबे लक्‍मा स्‍य्‍हेङ्‌ज्‍यी पङ्‌सम् थेङ्‍यीमाकी लीक्‍यम्‍की गती ङोन्‍ग्‍यम्‍ल बीमएनो झेन् अज्‍यब तब।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!

२ पत्रुस 3:2

दङ्‍बोइ पबीत्र अगम्‍बक्‍तमाचे पङ्‍बे तम् ओसेम् एङ्‌यीमाकी प्रेरीत्‍मा ग्‍यम्‍से स्‍येत्‍पे ङ्‍य्‍हङ्‍की प्रभुतेङ् मुक्‍तीदाताचे कुल्‍जेत्‍पे फ्रोइत एङ्‍यीमाचे खेम पङ्‌लेनो व्‍हल् लथोब।

१ युहन्‍ना 4:14

ओसेम् अपचे र्‌हङ्‍की जत चु जम्‍बुलीङ्‌री मुक्‍ती न्‍हङ्‍बरी पीत्‍युजेत्‍पल ङ्‍य्‍हङ्‍माचे म्रङ्‌बल मुब, ओसेम् हुजु ल्‍हो-ल्‍होत स्‍येत्‍प।

यहुदा 1:25

ङ्‍य्‍हङ्‍की प्रभु येसु ख्रीस्‍ट् ग्‍यम्‍से ङ्‌य्‍हङ्‍मात मुक्‍ती न्‍हङ्‌बे गीःकीनो पर्‌मेस्‍वर्‌त जम्‍मनो महीमा, स्‍हेस, सक्‍तीतेङ् अधीकार् ठुङ्‍ब य्‍हङ्‍से देरे ओसेम् ज्‍यु: सम्‍म खेम पङ्‌लेनो तखइ। आमेन्।

प्रकास 22:16

“ङ येसुचे मन्‍डलीमारी मुबलमा जम्‍मतनो चु तम्‍माकी गबाही पीन्‍बरी ङइ स्‍वर्‌गदुत्‍त एज पीत्‍खबल मुब। ङ दाऊद ग्‍यल्‍बोइ सन्‍तान् य्‍हीन्‍ब। ङ स्‍य्‍होरी सर्‌बे सार् य्‍हीन्‍ब।”