प्रेरीत् 12:5 - पश्‍चिम तामाङ

⁵ तर पत्रुस जेल्‍री मुबे बेलोरी मन्‍डलीचे थेइ लागीरी पर्‌मेस्‍वर्‌तेङ् प्रार्‌थना स्‍य्‍हेङ्‍स्‍यीनो टीज्‍यी।

प्रेरीत् 12:5 ပူးပေါင်းရင်းမြစ်များ

मत्‍ती 18:19

ओसेम् ङ एङ्‌यीमात देबेएनो पङ्‍ब, चु जम्‍बुलीङ्‌री एङ्‍यीमान्‍हङ्‌री ङ्‍य्‍हीलनो सेम् गी तज्‍यीम् ता पङ्‌लेनो र्‌हीत्‍ज्‍यी पङ्‌सम् ङइ स्‍वर्‌गइ अपचे एङ्‌यीमाकी लागीरी हुजु न्‍हङ्‌जेत्स्‍ये मुब।

लुका 18:1

हुजु लीप्‍चे येसुचे थेङ्‌की डबमात खेमेनो अपीत्‍नले प्रार्‌थना स्‍य्‍हेङ्‌थोब बी अर्‌थ गीः सुङ्‌ज्‍यी।

प्रेरीत् 12:12

चु तम् स्‍येःब बीसेम् थे मर्‌कुस पङ्‍बे युहन्‍नाइ अम मरीयमकी दीम्‍री ङ्‍यीज्‍यी। हुजुरी य्‍हक्‍को म्‍हीमा र्‌हुब् तज्‍यीम् प्रार्‌थना स्‍य्‍हेङ्‍टीबल मुबल।

प्रेरीत् 12:4

हेरोदचे पत्रुसत चुङ्‌ज्‍यीम् जेल्‍न्‍हङ् च्‍युप्‍लाज्‍यीम् स्‍यीपाइमा चुरुत ब्‍ली-ब्‍लीले जुज्‍यीम् रुङ्‍पुङ्‍ज्‍यी। हेरोद ग्‍यल्‍बोचे नीस्‍तार् पर्‌व बुत्‍प बीसेम् पत्रुसत म्‍हीमाइ ङोन्‍री बज्‍यीम् ङ्‍योत्‍पथीब लबे सेम् लबल मुबल।

प्रेरीत् 12:6

हेरोद ग्‍यल्‍बोचे पत्रुसत म्‍हीमाकी ङोन्‍री बस्‍येकी दीन्‍की ङोन्‍ग्‍यम्‍की म्‍हुन पत्रुस स्‍यीपाइ ङ्‌य्‍हीइ गुङ्‍री म्‍हेर्‌टीब मुबल। थेत हुजु स्‍यीपाइ ङ्‍य्‍हीतेङ् या का-कर्‌टी च्‍यल्‍दचे खीःज्‍यीम् थेन्‍बल मुबल। ओसेम् स्‍यीपाइमाचे म्रप्‍री रुङ्‍टीबल मुबल।

१ कोरीन्‍थी 12:26

अङ्‍ग गीःचे दुख यङ्‌ज्‍यी पङ्‌सम् ल्‍हीःकी जम्‍मनो अङ्‍गमाचे दुख यङ्‍ब। ओसेम् अङ्‍ग गीःचे स्‍य्‍हेस यङ्‌ज्‍यी पङ्‌सम् ल्‍हीःकी जम्‍मनो अङ्‍गमा तङ्‍ब।

२ कोरीन्‍थी 1:11

एङ्‍यीमाचे ङ्‍यीमात प्रार्‌थना स्‍य्‍हेङ्‌ज्‍यीम् र्‌हो लपीनो। ओसेम् एङ्‍यीमाचे स्‍य्‍हेङ्‌बे प्रार्‌थना सेन्‍जेत्‍ज्‍यीम् पर्‌मेस्‍वर्‌चे ङ्‍यीमात मोलम् न्‍हङ्‌जेत्स्‍ये मुब, होत्‍तज्‍यीम् य्‍हक्‍को म्‍हीमाचे पर्‌मेस्‍वर्‌त व्‍होर्‌छये पीन्‍स्‍ये मुब।

१ थेस्‍लोनीकी 5:17

खेम पङ्‌लेनो प्रार्‌थना स्‍य्‍हेङ्‌ज्‍यीम् टीउ।

हीब्रु 13:3

जेल्‍री मुबलमात एङयीमाचे र्‌हङएनो थेङ्‍यीमातेङ् बक्‍च्‍य जेल्‍री मुबल र्‌हङ्‍ब म्‍हेन्‍ज्‍यीम् व्‍हल् लउ। दु:ख यङ्‌बलमात एङ्‍यीमाचे र्‌हङ्‍चेनो दु:ख यङ्‌बल र्‌हङ्‌ले म्‍हेन्‍ज्‍यीम् र्‌हो लउ।

याकुब 5:16

होत्‍तज्‍यीम् एङ्‍यीमाचे स्‍य्‍हेङ्‌बे पापमा गी:चे गी:त स्‍येतो, ओसेम् एङ्‍यीमा नब ग्‍यम्‍से फेन्‍बरी गी:चे गी:की लागीरी प्रार्‌थना स्‍य्‍हेङो। धर्‌मी म्‍हीचे स्‍य्‍हेङ्‌बे प्रार्‌थनारी ङ्‍हच्‍छ्‍यङ् सक्‍ती तब ओसेम् ङ्‍हच्‍छ्‍यङ् लक् तब।