प्रेरीत् 11:16 - पश्‍चिम तामाङ

¹⁶ ओसेम् ‘युहन्‍नाचे एङ्‌यीमात यीचे बप्‍तीस्‍मा पीन्‍ज्‍यी। तर देरे एङ्‍यीमा पबीत्र आत्‍मा ग्‍यम्‍से बप्‍तीस्‍मा तस्‍ये मुब’ बी प्रभुचे सुङ्‌बल ङत व्‍हल् खज्‍यी।

प्रेरीत् 11:16 ပူးပေါင်းရင်းမြစ်များ

मत्‍ती 3:11

“ङचेम् एङ्‍यीमाचे पस्‍चताप स्‍य्‍हेङ्‌बल ङोन्‍बे लागीरी यीचे बप्‍तीस्‍मा पीन्‍ब। तर ङ बीम ङ्‍हच्‍छ्‍यङ् गीः ब्‍योन्‍खय्‍हम्‍बल मुब, ङम् थेङ्‌की पनेइ नाबरीएनो जेबल अरे। थेङ्‌चे एङ्‌यीमात पबीत्र आत्‍मातेङ् मेग्‍यम्‍से बप्‍तीस्‍मा न्‍हङ्‌स्‍ये मुब।

मत्‍ती 3:6

ओसेम् थेङ्‍यीमाचे र्‌हङ्‍-र्‌हङ्‌की पाप स्‍वीकार लज्‍यीम् युहन्‍ना ग्‍यम्‍चे यर्‌दन ग्‍येन्‍दीरी बप्‍तीस्‍मा कीन्‍ज्‍यी।

मर्‌कुस् 1:8

ङचे एङ्‌यीमात कीचे बप्‍तीस्‍मा पीन्‍ब। तर थेङ्‍चेम् एङ्‌यीमात पबीत्र आत्‍माचे बप्‍तीस्‍मा न्‍हङ्‌स्‍ये मुब।”

लुका 24:8

ओसेम् थेङ्‍यीमाचे येसुचे सुङ्‌बे फ्रोइमा व्‍हल् लज्‍यी।

लुका 3:16

ओसेम् युहन्‍नाचे थेङ्‌यीमात पङ्‌ज्‍यी, “ङचेम् एङ्‌यीमात कीचे बप्‍तीस्‍मा पीन्‍ब। ङ बीम ङ्‌हच्‍छ्‌यङ् गीः ब्‍योन्‍खटीब। ङ थेङ्‌की पनेइ तन फ्रेन्‍बरीएनो ज्‍योबल अरे। थेङ्‍चेम् एङ्‌यीमात पबीत्र आत्‍मातेङ् मेचे बप्‍तीस्‍मा न्‍हङ्‌जेत्स्‍ये मुब।

युहन्‍ना 1:26

युहन्‍नाचे जोहाप् पीन्‍ज्‍यी, “ङचेम् यीचेकीनो बप्‍तीस्‍मा पीन्‍ब। तर एङ्‌यीमाइ गुङ्‍री गीः मुब, थेङ्‌त एङ्‍यीमाचे स्‍येःबल अरे।

युहन्‍ना 1:33

चु बीम् ङोन्‍ग्‍यम् ङचे थेङ्‌त स्‍येबल अरेबल, तर यीचे बप्‍तीस्‍मा पीन्‍बरी ङत पीत्‍युजेत्‍पलचे ङत सुङ्‌ज्‍यी, ‘एचे खलइ जोरी आत्‍मा ब्‍योन्‍युज्‍यीम् स्‍य्‍हुबल म्रङ्‌ब, थेनो पबीत्र आत्‍मा ग्‍यम्‍से बप्‍तीस्‍मा पीन्‍स्‍येकी म्‍ही य्‍हीन्‍ब।’

युहन्‍ना 14:26

तर अपचे एङ्‌यीमात र्‌हो लबरी ङइ मीन्‍री पबीत्र आत्‍मात पीत्‍युजेत्‍स्‍ये मुब। थेङ्‌चे एङ्‌यीमात जम्‍मनो तम्‍मा लोप्‍जेत्‍स्‍ये मुब, ओसेम् ङचे स्‍येत्‍पे जम्‍मनो तम्‍मा एङ्‌यीमात व्‍हल् खन लजेत्‍स्‍ये मुब।

युहन्‍ना 16:4

चु तम्‍म ङचे एङ्‌यीमात स्‍येत्‍पीन्‍बल मुब, ङचे पङ्‍बे तम् एङ्‍यीमाचे हुजु बेलो खबतेङ् व्‍हल् लस्‍ये मुब। ङचे एङ्‌यीमात चु तम् ङोन्‍ग्‍यम्‍नो अपङ्, तलेपङ्‍सम् ङ एङ्‌यीमातेङ्नो मुबल।

प्रेरीत् 1:5

तलेपङ्‍सम् युहन्‍नाचे यी ग्‍यम्‍से बप्‍तीस्‍मा पीन्‍ज्‍यी, तर देरे तोव दीन्‍री एङ्‍यीमा पबीत्र आत्‍मा ग्‍यम्‍से बप्‍तीस्‍मा तस्‍ये मुब।”

प्रेरीत् 20:35

ङचे एङ्‌यीमात जम्‍मनो लक्‍मा स्‍य्‍हेङ्‌ज्‍यीम् ङोन्‍बल मुब, एङ्‌यीमाचेएनो होलेनो य्‍हक्‍को दुख स्‍य्‍हेङ्‌ज्‍यीम् प्रङ्‌नमात र्‌हो स्‍य्‍हेङ्‍थोब। ओसेम् प्रभु येसुचे ‘कीन्‍ब बीमम् पीन्‍ब ज्‍यब’ बी सुङ्‍बे फ्रोइत ह्‍वल् लथोब।”

१ कोरीन्‍थी 12:13

तलेपङ्‍सम् ङ्‍य्‍हङ्‍मा यहुदी य्‍हीन्‍लेएनो, ग्रीक् य्‍हीन्‍लेएनो, बान य्‍हीन्‍लेएनो ओसेम् बाना अय्‍हीन्‍लेएनो ङ्‍य्‍हङ्‍माचे गीःनो पबीत्र आत्‍मा ग्‍यम्‍से बप्‍तीस्‍मा यङ्‌बल तज्‍यीम् ल्‍हीः गीःनो तबल मुब, ओसेम् ङ्‍य्‍हङ्‍मा जम्‍मचेनो गीःनो पबीत्र आत्‍मा यङ्‌बल मुब।

२ पत्रुस 3:1

म्‍होइबे र्‌होमा, ङचे एङ्‍यीमात ब्रीबे चु चीठी ङ्‍य्‍हीख्‍यप् कुनोल य्‍हीन्‍ब। चु चीठी ङ्‍य्‍ही ग्‍यम्सेनो एङ्‍यीमात चु तम्‍मा ज्‍यनले व्‍हल्‍लपीन्‍ज्‍यीम् एङ्‌यीमाकी सेम्‍री चोखो तम्‍मा म्‍हेन्‍बरी आर् पीन्‍बल मुब।