प्रेरीत् 10:17 - पश्‍चिम तामाङ

¹⁷ ओसेम् पत्रुस र्‌हङ्‌चे म्रङ्‌बे दर्‌सन्‍री ङोन्‍बल ता य्‍हीन्‍ज्‍यी बी सेम्‍न्‍हङ् थोम्‍टीबल मुबल। हुजु बेलोरीनो कर्‌नेलीयस्‍चे पीत्‍खबे म्‍हीमा सीमोनकी दीम् म्‍हइज्‍यीम् दोइ म्रप्‍की ङोन्‍री रप्‍खज्‍यी।

प्रेरीत् 10:17 ပူးပေါင်းရင်းမြစ်များ

युहन्‍ना 13:12

डबमाकी कङ् ख्रुजेत्‍प बीसेम् येसुचे य्‍हुर्‌बे न्‍हम्‍ज य्‍हुर्‌जेत्‍ज्‍यीम् स्‍य्‍हेःब सोल्‍बरी स्‍य्‍हुजेत्‍ज्‍यी, ओसेम् थेङ्‌यीमात सुङ्‌ज्‍यी, “ङचे तले एङ्‌यीमाकी कङ् ख्रुबल, एङ्‍यीमाचे गोज्‍यी?

प्रेरीत् 10:3

तीरेत् कर्‌नेलीयस्‍चे दीनीइ प्रोः बेलोक्‍योर् दर्‌सन्‍री पर्‌मेस्‍वर्‌की स्‍वर्‌गदुत गीः थेज खटीबल म्रङ्‌ज्‍यी। ओसेम् हुजु स्‍वर्‌गदुत्‍चे थेत, “कर्‌नेलीयस!” पङ्‍ज्‍यीम् ङ्‍होत्‍पल थ्‍येःज्‍यी।

प्रेरीत् 2:12

चोले थेङ्‌यीमा जम्‍मनो तेङेन् तज्‍यीम् थोम्‍ज्‍यी। ओसेम् र्‌हङ्-र्‌हङ्‌न्‍हङ्‌रीनो गीःचे गीःत, “चुइ अर्‌थ ता?” बी ङ्‌योत्‍ज्‍यी।

प्रेरीत् 25:20

चु तम्‍की बारेरी ङचे ङ्‌योत्‍प थी:प लअखम्। होत्‍तज्‍यीम् ङ्‍चे पावलत चु तम्‍की न्‍यायकी लागीरी एत यरुसलेम्‍री ङ्‌यीबे सेम् मुब बी ङ्‌योत्‍ज्‍यी।

प्रेरीत् 5:24

पर्‌मेस्‍वर्‌की दीम्‍की स्‍यीपाइमाकी कप्‍तान्‍तेङ् ङ्‍हच्‍छ्‍यङ् लम्‍बुमाचे चु थ्‍येःज्‍यीम् देरेम् ता तल पङ्‍ज्‍यीम् तेङेन् तज्‍यी।

प्रेरीत् 9:10

दमस्‍कस सहर्‌री हननीया पङ्‍बे डब गीः मुबल। थेत म्‍हङ्‍री प्रभुचे, “हननीया!” बी ङ्‌होत्‍जेत्‍ज्‍यी। हननीयाचे “कसोल प्रभु, सुङ्‌जेतो!” बी पङ्‍ज्‍यी।

प्रेरीत् 9:43

ओसेम् पत्रुस य्‍हक्‍को दीन् सम्‍मनो डीइ लक् स्‍य्‍हेङ्‌बे सीमोन पङ्‍बे म्‍हीतेङ् योप्‍पा सहर्‌रीनो टीज्‍यी।

१ पत्रुस 1:11

थेङ्‍यीमान्‍हङ् मुबे ख्रीस्‍ट्‍की आत्‍माचे थेङ्‍यीमात ख्रीस्‍ट्‍चे दुख नाजेत्‍स्‍ये मुब, ओसेम् हुजु लीप्‍चे ङ्‍हच्‍छ्‍यङ् महीमा यङ्‍जेत्‍स्‍ये मुब बी ङोन्‍नो पङ्‍ज्‍यीन्‍बल मुबल। होत्‍तज्‍यीम् अगम्‍बक्‍तमाचे चु खले ओसेम् खेम तब पङ्‍ज्‍यीम् स्‍येःब म्‍हइज्‍यी।