३ युहन्‍ना 1:4 - पश्‍चिम तामाङ

⁴ ङइ कोलमा देमेन्‍रीनो ब्रटीब बी थेःब बीम ङ्‍हच्‍छ्‍यङ् तङ्‍ब ङत ल्‍हो-ल्‍हो ता तब खम्‍ब?

३ युहन्‍ना 1:4 ပူးပေါင်းရင်းမြစ်များ

२ कोरीन्‍थी 6:13

देरेम् ङ एङ्‌यीमात र्‌हङ्‍की कोलत र्‌हङ्‌ले पङ्‍ब, ङ्‌यीमाचे एङ्‌यीमात म्‍होइब र्‌हङ्‌ले एङ्‌यीमाचेएनो ङ्‍यीमात सेम् य्‍हङ्‌सेनो य्‍हक्‍को म्‍होइथोब।

गलाती 2:14

थेङ्‍यीमा ज्‍यबे सम्‍तर्‌की देमेन् अनुसार् ब्रबल अम्रङ्‍ज्‍यीम् ङचे जम्‍मइ ङ्‍होन्‍हङ्‍सनो पत्रुसत पङ्‍ज्‍यी, “ए यहुदी तज्‍यीमएनो यहुदी अय्‍हीन्‍बे म्‍हीमा र्‌हङ्‌ले ब्रब पङ्‌सम्, यहुदी अय्‍हीन्‍बे म्‍हीमात यहुदीमा र्‌हङ्‌ले ब्रउ बी खले कर् लब?”

गलाती 4:19

ङइ ज्‍यीद कोलमा, एङ्‍यीमा ख्रीस्‍ट्‍की स्‍वभाब थोःज्‍यीम् अब्रगदे सम्‍म कोल न्‍हबरी ल्‍हङ्‍दु खबतेङ् तब र्‌हङ्‍बे दुख ङत तस्‍यीनो टीब।

१ थेस्‍लोनीकी 2:11

एङ्‌यीमाचेएनो स्‍येबल मुब, अपचे र्‌हङ्‌की कोलमात स्‍य्‍हेङ्‌ब र्‌हङ्‍बे ब्‍यबहार् ङ्‌यीमाचे एङ्‍यीमा जम्‍मत स्‍य्‍हेङ्‌ज्‍यी।

१ तीमोथी 1:2

चु चीठी बीस्‍वास्‍री ङइ देमेन्‍की ज र्‌हङ्‍बे तीमोथीत ब्रीटीब। पर्‌मेस्‍वर् अपतेङ् येसु ख्रीस्‍ट् ङ्‍य्‍हङ्‍की प्रभुचे एत अनुग्रह, दयतेङ् सान्‍ती न्‍हङ्‍खइ।

२ तीमोथी 1:2

ङइ देमेन्‍की ज र्‌हङ्‍बे तीमोथीत चु चीठी ब्रीटीब। पर्‌मेस्‍वर् अपतेङ् ङ्‍य्‍हङ्‍की प्रभु येसु ख्रीस्‍ट्‍चे एत अनुग्रहतेङ् कृपा ओसेम् सान्‍ती न्‍हङ्‍खइ।

फीलेमोन 1:10

प्रभुरी ङइ ज र्‌हङ्‍बे ओनेसीमसकी लागीरी ङ एत फ्‍या लब। चुरी जेल्‍री च्‍युप्‍पे बेलोरी ङ थेइ अप तबल मुब।

१ युहन्‍ना 2:1

ङइ कोलमा र्‌हङ्‍बे म्‍होइबे र्‌होमा एङ्‍यीमाचे पाप अस्‍य्‍हेङ्‍खइ पङ्‍ज्‍यीम् ङ एङ्‌यीमात चु तम्‍मा ब्रीटीब। तर खल्‍चे पङ्‌लेनो पाप स्‍य्‍हेङ्‍लएनो ङ्‍य्‍हङ्‍की लागीरी पर्‌मेस्‍वर् अपतेङ् तम् लपीन्‍जेत्‍पल गीः ङ्‍य्‍हङ्‍मातेङ् मुब, थेङ् धार्‌मीक् येसु ख्रीस्‍ट् य्‍हीन्‍ब।

२ युहन्‍ना 1:4

एइ कोलमान्‍हङ्‍री डेत्‍डेत् पर्‌मेस्‍वर् अपचे ङ्‍य्‍हङ्‍त कुल्‍जेत्‍प र्‌हङ्‌ले देमेन्‍री ब्रबल म्रङ्‌ज्‍यीम् ङ य्‍हक्‍को तङ्‌ज्‍यी।