२ थेस्‍लोनीकी 3:13 - पश्‍चिम तामाङ

¹³ तर अज्‍यो-अलेमा, एङ्‍यीमामी ज्‍यबे लक् स्‍य्‍हेङ्‌बरी खेमेएनो थदुगो।

२ थेस्‍लोनीकी 3:13 ပူးပေါင်းရင်းမြစ်များ

लुका 18:1

हुजु लीप्‍चे येसुचे थेङ्‌की डबमात खेमेनो अपीत्‍नले प्रार्‌थना स्‍य्‍हेङ्‌थोब बी अर्‌थ गीः सुङ्‌ज्‍यी।

रोमी 2:7

ज्‍यबे लक् स्‍य्‍हेङ्‍स्‍यीनो टीज्‍यीम् पर्‌मेस्‍वर्‌की महीमा, स्‍य्‍हेस ओसेम् खेमेनो अबेबे जीवन् म्‍हइबे म्‍हीमात पर्‌मेस्‍वर्‌चे खेमेनो अबेबे जीवन् न्‍हङ्‌जेत्स्‍ये मुब।

१ कोरीन्‍थी 15:28

ओसेम् जम्‍मनो स्‍हेःमा ख्रीस्‍ट्‍की अधीन्‍री थेन्‍ब बीसेम् पर्‌मेस्‍वर्‌की ज ख्रीस्‍ट्‍चेएनो जम्‍मनो स्‍हेःमात र्‌हङ्‍की अधीन्‍री न्‍हङ्‍जेत्‍पे पर्‌मेस्‍वर्‌की अधीन्‍री र्‌हङ्‍तएनो थेन्‍जेत्स्‍ये मुब। ओसेम् पर्‌मेस्‍वर्‌चेनो जम्‍म स्‍हेःमाकी जोरी सासन् लजेत्‍स्‍ये मुब।

२ कोरीन्‍थी 4:1

होत्‍तज्‍यीम् पर्‌मेस्‍वर्‌चे कृपा लज्‍यीम् ङ्‍यीमात चु लक् न्‍हङ्‌जेत्‍पल तज्‍यीम् ङ्‌यीमाचे आस् लब अपीत्।

२ कोरीन्‍थी 4:16

होत्‍तज्‍यीम् ङ्‌यीमा खेमेएनो आस् लब अपीत्‍नले ब्रस्‍यीनो टीब। ङ्‍यीमाकी चु ल्‍हीः क्रम्‍ज्‍यीम् य्‍हर्‌लेनो ङ्‍यीमाकी आत्‍मामी दीनइलनो छार् तस्‍यीनोबोर्‌टीब मुब।

फीलीप्‍पी 1:9

ङइ प्रार्‌थना मुब की एङ्‌यीमाकी चु म्‍होइब ज्ञान्‍तेङ बुद्‍दीरी य्‍हक्‍को तबोर्‌स्‍यीनो टीखइ।

१ थेस्‍लोनीकी 4:1

ज्‍युरी ङइ र्‌होमा, एङ्‍यीमाचे ङ्‌यीमा ग्‍यम्‍से पर्‌मेस्‍वर् तङ्‍नले ब्रब लोप्‍पल मुब। ओसेम् एङ्‍यीमाचे हुजु र्‌हङ्‌लेनो ब्रटीबल मुब। देरेम् झेन्‍नो पर्‌मेस्‍वर्‌त य्‍हक्‍को तङ्‍नले ब्रस्‍यीनो टीउ बी प्रभु येसु ख्रीस्‍ट्‍की छेन्‍री एङ्‌यीमात फ्‍या लब।

२ थेस्‍लोनीकी 3:15

तर थेत सत्‍तुर् थम्‍हेनो, ओसेम् बीस्‍वासी र्‌होमात र्‌हङ्‌ले चेतावनी पीनो।

हीब्रु 12:3

येसुचे पापीमा ग्‍यम्‍से चोत्‍ते य्‍हक्‍को बीरोद्‍मा खले नाजेत्‍ज्‍यी पङ्‍बे तम्‍त म्‍हेनो ओसेम् एङ्‍यीमा दुःज्‍यीम् नीरास् थतउ।

हीब्रु 12:5

पर्‌मेस्‍वर्‌चे धर्‌म छ्‌येरी र्‌हङ्‍की जमात र्‌हङ्‌ले चोतेबे आर् पीन्‍बे फ्रोइ सुङ्‌बल ता एङ्‍यीमाचे म्‍लेत्‍ज्‍यी? “ङइ ज, पर्‌मेस्‍वर्‌चे एत दुल्‍जेत्‍पतेङ् एचे हुजुत ज्‍यनले ङ्‌येनो, थेङ्‍चे बराजेत्‍पतेङ् ए नीरास् थतउ,

प्रकास 2:3

एङ्‍यीमाचे ङइ लागीरी नाज्‍यीम् दुख नाबल मुब, ओसेम् एङ्‍यीमाचे ङत पीत्‍पल अरे।