२ थेस्‍लोनीकी 2:17 - पश्‍चिम तामाङ

¹⁷ एङ्‍यीमाचे स्‍य्‍हेङ्‌बे ज्‍यबे लक्‍मातेङ् पङ्‍बे तम्‍मारी आर्‌तेङ् बङ् न्‍हङ्‍जेत्‍खइ।

२ थेस्‍लोनीकी 2:17 ပူးပေါင်းရင်းမြစ်များ

रोमी 1:11

तलेपङ्‌सम् आत्‍मीक् मोलम्‍मा स्‍येत्‍ज्‍यीम् बीस्‍वास्‍री कोङ्‍न लब खम्‍खइ पङ्‍ज्‍यीम् ङ एङ्‍यीमात खतु लबरी य्‍हक्‍को सेम् लब।

रोमी 15:13

एङ्‌यीमाचे पर्‌मेस्‍वर्‌री बीस्‍वास् स्‍य्‍हेङ्‌बल तज्‍यीम् आसा न्‍हङ्‌बे पर्‌मेस्‍वर्‌चेनो एङ्‍यीमात तङ्‍बतेङ् सान्‍तीचे प्‍लीङ्‌न लजेत्‍खइ पङ्‍ज्‍यीम् ङ प्रार्‌थना स्‍य्‍हेङ्‍ब। होले पबीत्र आत्‍माइ सक्‍ती ग्‍यम्‍से एङ्‌यीमाकी आसा प्‍लीङ्‍खइ।

रोमी 16:25

ङ्‍य्‍हङ्‍मा जम्‍मचेनो पर्‌मेस्‍वर्‌त महीमा पीन्‍गे! पर्‌मेस्‍वर्‌चे एङ्‍यीमात येसु ख्रीस्‍ट्‍त कोङ्‍नले बीस्‍वास् स्‍य्‍हेङ्‍नलजेत्‍प। ओसेम् ङचे ख्रीष्‍ट्‍की बारेरी प्रचार स्‍य्‍हेङ्‌बे ज्‍यबे सम्‍तर् ग्‍यम्‍सेएनो चु तम् स्‍येत्‍प। चु तम् दङ्‌बो य्‍हङ्‌सेनो छुम्‍ज्‍यीम् थेन्‍बल मुबल,

१ कोरीन्‍थी 1:8

ङ्‍य्‍हङ्‍की प्रभु येसु ख्रीस्‍ट् दो:ज्‍यीम् ब्‍योन्‍युबे दीन्‍री एङ्‍यीमा दोस् अरेबल तखइ पङ्‍ज्‍यीम् पर्‌मेस्‍वर्‌चे ज्‍युकी दीन्‍सम्‍मनो एङ्‌यीमाकी बीस्‍वास्‍त कोङ्‍नलजेत्‍स्‍ये मुब।

२ कोरीन्‍थी 1:21

देरेम् पर्‌मेस्‍वर्‌चे ङ्‌यीमातेङ् एङ्‍यीमात ख्रीस्‍ट्‍री बीस्‍वास्‍री कोङ्‍न लजेत्‍पल मुब। ओसेम् पर्‌मेस्‍वर्‌चेनो ङ्‍य्‍हङ्‍मात दम्‍जेत्‍पल मुब।

कलस्‍सी 2:7

ओसेम् ख्रीस्‍ट्‍रीनो एङ्‌यीमाकी टा युज्‍यीम् थेङ्‍तनो एङ्‌यीमाकी जीवन्‍की जग तबुङो। ओसेम् एङ्‍यीमात ङोन्‍ग्‍यम् लोप्‍प अनुसार् एङ्‌यीमाकी बीस्‍वास् कोङ्‍न लउ, ओसेम् थेङ्‍त व्‍होर्‌छ्‌ये पीन्‍स्‍यीनो टीउ।

१ थेस्‍लोनीकी 3:13

ओसेम् प्रभु येसुचे एङ्‌यीमात होले एङ्‍यीमान्‍हङ् म्‍होइन लजेत्‍ज्‍यीम् ङ्‍य्‍हङ्‍की प्रभु येसु र्‌हङ्‌की पबीत्र म्‍हीमातेङ् ब्‍योन्‍युबे बेलोरी ङ्‍य्‍हङ्‍की पर्‌मेस्‍वर् अपइ ङोन्‍ग्‍यम् तइ दोस्‍एनो अतबरी ओसेम् पबीत्र तनलबरी एङ्‌यीमाकी सेम्‍त कोङ्‍न लजेत्‍खइ।

१ थेस्‍लोनीकी 3:2

ङ्‌यीमातेङ् बक्‍च्‍य पर्‌मेस्‍वर्‌री ख्रीस्‍ट्की ज्‍यबे सम्‍तर् स्‍येत्‍पे लक् स्‍य्‍हेङ्‌बे ङ्‍य्‍हङ्‍की अले तीमोथीचे एङ्‌यीमात आर् पीन्‍ज्‍यीम् एङ्‌यीमाकी बीस्‍वासत कोङ्‍न लबरी ङ्‍यीङ्‍य्‍हीचे तीमोथीत एङ्‍यीमाज पीत्‍खज्‍यी।

२ थेस्‍लोनीकी 2:16

ङ्‍य्‍हङ्‍की प्रभु येसु ख्रीस्‍ट् ओसेम् अप पर्‌मेस्‍वर्‌चे ङ्‌य्‍हङ्‌मात म्‍होइजेत्‍ज्‍यी, ओसेम् थेङ्‌की अनुग्रह ग्‍यम्‍से खेमेएनो अबेबे आर्‌तेङ् ज्‍यबे आस् न्‍हङ्‍जेत्‍ज्‍यी।

२ थेस्‍लोनीकी 3:3

तर प्रभुमी बीस्‍वासीलो मुबल तज्‍यीम् थेङ्‌चे एङ्‌यीमात बङ्‍ज्‍येन् तनलजेत्‍स्‍ये मुब, ओसेम् सैतान् ग्‍यम्‍से थर्‌नलजेत्‍स्‍ये मुब।

हीब्रु 13:9

भ्‍य्‍हुकी य्‍हक्‍को थोइ तम्‍मचे एङ्‌यीमात देमेन्‍की तम्‍म ग्‍यम्‍से थारीङ् अबोर्‌खइ। चब थुङ्‌बे नीयम्‍चे अय्‍हीन्, पर्‌मेस्‍वर्‌की अनुग्रह ग्‍यम्‍से एङ्‌यीमाकी सेम्‍त कोङ्‍न लब ज्‍यब य्‍हीन्‍ब। चब थुङ्‌बे नीयम् ङ्‌येन्‍बलमात हुजुचे तएनो फाइदा अस्‍य्‍हेङ्।

१ पत्रुस 5:10

जम्‍मनो अनुग्रह न्‍हङ्‌बे पर्‌मेस्‍वर्‌चे ख्रीस्‍ट्‍री र्‌हङ्‍की खेमेएनो अबेबे महीमा जुबे लागीरी एङ्‍यीमात ङ्‌होत्‍जेत्‍पल मुब। एङ्‍यीमाचे य्‍हम् दुख नाब बीसेम् थेङ्‌चेनो एङ्‍यीमात छार् स्‍य्‍हेङ्‍जेत्‍स्‍ये मुब, ओसेम् सक्‍ती न्‍हङ्‌ज्‍यीम् य्‍हङ्‌य्‍होङ् अतनले कोङ्‍नलजेत्‍स्‍ये मुब।

१ युहन्‍ना 3:18

म्‍होइबे कोलमा, ङ्‍य्‍हङ्‍माचे तम् छीःमाचेकीनो म्‍होइब अय्‍हीन्, ङ्‌य्‍हङ्‌माकी म्‍होइब देमेन् तथोब, ओसेम् हुजु लक्‍री म्रङ्‍थोब।

यहुदा 1:24

देरेम् पर्‌मेस्‍वर्‌चे एङ्‌यीमात पाप्‍री दोःब ग्‍यम्‍से जोगइतीब खम्‍जेत्‍प, ओसेम् थेङ्‌चे एङ्‌यीमात तइ दागएनो अरेनले य्‍हक्‍को तङ्‍नलजेत्‍ज्‍यीम् र्‌हङ्‍की महीमारी नोम्‍जेत्‍प।