२ पत्रुस 2:21 - पश्‍चिम तामाङ

²¹ तलेपङ्‍सम् पर्‌मेस्‍वर्‌चे कुल्‍जेत्‍पे पबीत्र तम् थेङ्‍यीमाचे स्‍येःज्‍यीम्‍एनो हुजु तम् र्‌हङ्‌ले ब्रबरी अङ्‌येन्‍ब बीमम् बरु थेङ्‍यीमाचे धार्‌मीक्‍ताकी ग्‍यम् खेमेएनो अस्‍येःबल य्‍हीन्‍सम् ज्‍यब तस्‍येल।

२ पत्रुस 2:21 ပူးပေါင်းရင်းမြစ်များ

मत्‍ती 21:32

तलेपङ्‍सम् बप्‍तीस्‍मा पीन्‍बे युहन्‍ना एङ्‍यीमाज देमेन्‍की ग्‍यम् ङोन्‍बे लागीरी खज्‍यी, ओसेम् एङ्‍यीमाचे थेत बीस्‍वास् अल, तर तीरो दुत्‍पलमातेङ् बेस्‍यमाचे थेत बीस्‍वास् लज्‍यी। एङ्‍यीमाचे हुजु तम्‍म म्रङ्‍ज्‍यीमएनो र्‌हङ्‌की पाप ग्‍यम्‍से पस्‍चताप अस्‍य्‍हेङ्, ओसेम् थेत बीस्‍वास् अस्‍य्‍हेङ्।”

लुका 12:47

“र्‌हङ्‌की मालीक्‍की सेम् गोज्‍यीम्‍एनो, मालीक्‍चे थेचे स्‍य्‍हेङ्‌खइ म्‍हेम्‍ब र्‌हङ्‌ले छ्‌येज्‍यीम् लक् अस्‍य्‍हेङ्‌बे योक्‍पोत य्‍हक्‍को ङ्‌हच्‍छ्‌यङ् सजाय पीन्‍स्‍ये मुब।

युहन्‍ना 15:22

“ङ युज्‍यीम् थेङ्‌यीमात अस्‍येत्‍पीन्‍बल य्‍हीन्‍सम् थेङ्‍यीमा पापकी दोसी तस्‍ये अरेबल, तर देरेम् थेङ्‌यीमाकी पाप्‍की लागीरी ताकी ङ्‍युङ्‍एनो अरे।

युहन्‍ना 9:41

ओसेम् येसुचे थेङ्‌यीमात जोहप् न्‍हङ्‌ज्‍यी, “एङ्‍यीमा कन य्‍हीन्‍बल पङ्‌सम् पाप्‍की दोसी तस्‍ये अरेबल, तर एङ्‍यीमाचे म्रङब बी पङ्‍ब, होत्‍तज्‍यीम् एङ्‌यीमातेङ् दोस् मुब।”

रोमी 7:12

होलेतलेनो मोसाचे ब्रीबे पर्‌मेस्‍वर्‌की नीयम् र्‌हङनो पबीत्र मुब, ओसेम् चुन्‍हङ् मुबे कुल्‍जेत्‍पे अर्‌तीएनो पबीत्र, धार्‌मीक् ओसेम् ज्‍यब मुब।

गलाती 6:2

एङ्‍यीमाचे गीःचे गीःकी दुखरी र्‌हो लउ। चोले एङ्‍यीमाचे ख्रीस्‍ट्‍की नीयम् ङ्‍येन्‍स्‍ये मुब।

१ थेस्‍लोनीकी 4:2

तलेपङ्‍सम् ङ्‌यीमाचे प्रभु येसुइ अधीकार् ग्‍यम्‍से एङ्‌यीमात अर्‌तीमा पीन्‍बल मुब बी एङ्‍यीमाचे स्‍येबल मुब।

१ तीमोथी 6:14

ङ्‍य्‍हङ्‍की प्रभु येसु ख्रीस्‍ट् अब्‍योन्‍युगते पर्‌मेस्‍वर्‌चे कुल्‍जेत्‍पे अर्‌तीमा ज्‍यनले ङ्‌येन्‍ज्‍यीम् ब्रउ, ओसेम् एत खल्‍चेएनो दोस् ल्‍हइदी अम्‍यङ्‍खइ।

हीब्रु 10:26

तलेपङ्‌सम् ङ्‍य्‍हङ्‍माचे देमेन्‍की तम्‍की ज्ञान् यङ्‍ज्‍यीम्‍एनो स्‍येःस्‍येज्‍यीम् पाप् स्‍य्‍हेङ्‌स्‍यीनो टीज्‍यी पङ्‌सम् ङ्‍य्‍हङ्‍माचे स्‍य्‍हेङ्‌बे पाप्‍की लागीरी देरेम् ल्‍हो-ल्‍हो ठा अरे।

याकुब 4:17

होत्‍तज्‍यीम् खल्‍चे ज्‍यब स्‍य्‍हेङ्‍थो:ब बी स्‍येज्‍यीमएनो अस्‍य्‍हेङ् थेचे पाप स्‍य्‍हेङ्‌ब।

२ पत्रुस 3:2

दङ्‍बोइ पबीत्र अगम्‍बक्‍तमाचे पङ्‍बे तम् ओसेम् एङ्‌यीमाकी प्रेरीत्‍मा ग्‍यम्‍से स्‍येत्‍पे ङ्‍य्‍हङ्‍की प्रभुतेङ् मुक्‍तीदाताचे कुल्‍जेत्‍पे फ्रोइत एङ्‍यीमाचे खेम पङ्‌लेनो व्‍हल् लथोब।

यहुदा 1:3

म्‍होइबे र्‌होमा, ङ्‍य्‍हङ्‍मा जम्‍मचेनो यङ्‍बे मुक्‍तीइ बारेरी एङ्‌यीमात ब्रीबरी ङत य्‍हक्‍को सेम् तज्‍यी, तर देरेम् खेम पङ्‍लेनोइ लागीरी तीख्‍यप् पर्‌मेस्‍वर्‌चे र्‌हङ्‍की पबीत्र म्‍हीमात न्‍हङ्‍जेत्‍पे बीस्‍वासत जोगइतीउ बी एङ्‌यीमात आर् पीन्‍बरी ब्रीनोथोब बी म्‍हेन्‍ज्‍यी।