२ पत्रुस 2:18 - पश्‍चिम तामाङ

¹⁸ तलेपङ्‍सम् थेङ्‍यीमाचे र्‌हङ्‌चे र्‌हङ्‍त ङ्‍हच्‍छ्‍यङ् म्‍हेन्‍ज्‍यीम् लक् अतबे तम्‍मा य्‍हक्‍को पङ्‍ब, ओसेम् थेङ्‍यीमाचे देरेक अज्‍यबे ग्‍यम् पीत्‍ज्‍यीम् खबे म्‍हीमात ल्‍हीःकी अज्‍यबतेङ् नइबे लक्‍मा स्‍य्‍हेङ्‌बरी व्‍हम्‍ज्‍यीम् फसइतीब।

२ पत्रुस 2:18 ပူးပေါင်းရင်းမြစ်များ

प्रेरीत् 2:40

ओसेम् पत्रुसचे थेङ्‌यीमात य्‍हक्‍को तम्‍मा ग्‍यम्‍से लोप्‍ज्‍यी। ओसेम् थेङ्‌यीमात अर्‌ती पीन्‍ज्‍यीम्, “तीन्‍हम्‍स्‍य्‍होइ नेइबे म्‍हीमाइ जोरी खस्‍येकी सजाय ग्‍यम्‍से जोगइतीज्‍यीम् टीउ” बी पङ्‍ज्‍यी।

प्रेरीत् 8:9

हुजु सहर्‌री सीमोन पङ्‍बे म्‍ही गीः मुबल। थेचे य्‍हक्‍को बेलो ङोन्‍ग्‍यम् य्‍हङ्‌सेनो हुजु सहर्‌री जादु ङोन्‍ज्‍यीम् सामारीयाकी म्‍हीमात तेङेन् तनलबल मुबल। ओसेम् थेचे र्‌हङ्‌चे र्‌हङ्‌तनो ङ्‍हच्‍छ्‍यङ् म्‍ही म्‍हेन्‍ब मुबल।

रोमी 13:13

ओसेम् दीनीरी ब्रबे म्‍हीमा र्‌हङ्‌ले ज्‍यबे लक्‍मा स्‍य्‍हेङ्‌ज्‍यीम् ब्रइ। म्‍हुन्‍दुङ्‌री ब्रबलमाचे स्‍य्‍हेङ्‌बल र्‌हङ्‌बे मनमोज्‍यी लबे लक्, ङ्‌य्‍हेनले थुङ्‌बे लक्, बेस्‍य स्‍य्‍हेङ्‌बे लक्, सेम्‍री ता म्‍हेन्‍ज्‍यी हुजु स्‍य्‍हेङ्‌बे लक्, छेत्‍प बङ्‌बतेङ् स्‍हेर्‌बे लक्‍मा पीत्‍थोब।

एफीसी 4:17

होत्‍तज्‍यीम् प्रभुचे ङत न्‍हङ्‍जेत्‍पे अधीकार् ग्‍यम्‍से चु तम् पङ्‍ब, देरेम् एङ्‍यीमाचे प्रभुत अस्‍येःबे म्‍हीमाचे र्‌हङ्‌ले थस्‍य्‍हेङो। तलेपङ्‍सम् थेङ्‍यीमाचेम् लक् अतबे तम्‍मा म्‍हेन्‍ब।

२ थेस्‍लोनीकी 2:4

ओसेम् हुजु म्‍हीचे र्‌हङ्‌चे र्‌हङ्‌तनो ङ्‍य्‍हच्‍छ्‍यङ् स्‍य्‍हेङ्‌ज्‍यीम् म्‍हीमाचे पर्‌मेस्‍वर् पङ्‍ज्‍यीम् तेन्‍बे जम्‍मनो स्‍हेमात बीरोद् स्‍य्‍हेङ्‍स्‍ये मुब। होदेकीनो अय्‍हीन् थेचे पर्‌मेस्‍वर्‌की दीम्‍री टीज्‍यीम् र्‌हङ्‌चे र्‌हङ्‌तनो पर्‌मेस्‍वर् पङ्‌स्‍ये मुब।

याकुब 5:5

एङ्‍यीमा चु जम्‍बुलीङ्‌री सुखले मनमोज्‍यी लज्‍यीम् टीबल मुब। सेत्‍पे लागीरी सोबल बी सेम्‍ज्‍येन्‍माचे अगोज्‍यीम छोब र्‌हङ्‌ले एङ्‍यीमा पर्‌मेस्‍वर्‌चे न्‍हङ्‍स्‍येकी सजाय अगोज्‍यीम् मनमोज्‍यीले टीबल मुब।

२ पत्रुस 1:4

चोलेनो थेङ्‍चे बाचा स्‍य्‍हेङ्‍जेत्‍पे ङ्‍हच्‍छ्‍यङ्‍ ग्‍लुब अखम्‍बे बर्‌दान्‍मा ङ्‍य्‍हङ्‍मात न्‍हङ्‍जेत्‍ज्‍यी। एङ्‍यीमा चु जम्‍बुलीङ्‌री मुबे अज्‍यबे सेम्‍की नास् लबे तम्‍मा ग्‍यम्‍से स्‍योर्‌ज्‍यीम् पर्‌मेस्‍वर्‌की स्‍वभावरी ब्रउ बी हुजु बर्‌दान्‍मा न्‍हङ्‌बल य्‍हीन्‍ब।

२ पत्रुस 2:14

थेङ्‍यीमाकी सेम् ब्‍यभीचार्‌चे प्‍लीङ्‍बल तब, ओसेम् थेङ्‍यीमा गदे पाप स्‍य्‍हेङ्‌लेनो अयो:बल तब। थेङ्‍यीमाचे बीस्‍वास्‍री अकोङ्‍बे म्‍हीमात पाप स्‍य्‍हेङ्‌बरी व्‍हम्‍ब, ओसेम् थेङ्‌यीमाकी सेम् लोभ्‍चे प्‍लीङ्‍बल तब। थेङ्‍यीमात पर्‌मेस्‍वर्‌की केम्‍लङ् फोःब!

२ पत्रुस 2:2

ओसेम् य्‍हक्‍को म्‍हीमा थेङ्‍यीमाचे लोप्‍पे तम् ङ्‌येन्‍ज्‍यीम् अज्‍यबे ग्‍यम्‍री ब्रस्‍ये मुब। ओसेम् थेङ्‍यीमाचे लज्‍यीम् ल्‍हो-ल्‍हो म्‍हीमाचे देमेन्‍की ग्‍यम्‍त बीरोद् स्‍य्‍हेङ्‍स्‍ये मुब।

२ पत्रुस 2:20

तर थेङ्‍यीमाचे ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍त स्‍येःज्‍यीम् जम्‍बुलीङ्‌की अज्‍यबे लक्‍मा स्‍य्‍हेङ्‍ब पीत्‍लाज्‍यीम्‍एनो देबे दोःज्‍यीम् हुजु अज्‍यबे लक्‍मा स्‍य्‍हेङ्‌ज्‍यी पङ्‌सम् थेङ्‍यीमाकी लीक्‍यम्‍की गती ङोन्‍ग्‍यम्‍ल बीमएनो झेन् अज्‍यब तब।

२ पत्रुस 2:7

तर पर्‌मेस्‍वर्‌चे थेङ्‌की ङोन्‍री धर्‌मी मुबे लोत्‍त थर्‌नलजेत्‍ज्‍यी। लोत् म्‍हीमाकी अज्‍यबतेङ् नेइबे ब्‍यबहार्‌मा म्रङ्‌ज्‍यीम् दुखी तबल मुबल।

२ पत्रुस 3:17

तर म्‍होइबे र्‌होमा, एङ्‍यीमाचे चु तम् ङोन्‍नो स्‍येःज्‍यीन्‍बल मुब। चोङ्‍ले टीउ, होत्‍तज्‍यीम् पर्‌मेस्‍वर्‌की फ्रोइत अङ्‍येन्‍बे म्‍हीमाचे एङ्‌यीमात थोम्‍न लम्‍यङ्‍स्‍ये अरे, ओसेम् एङ्‍यीमाचे र्‌हङ्‍की कोङ्‌बे बीस्‍वास् पीत्‍स्‍ये अरे।

यहुदा 1:13

थेङ्‍यीमा सुमुन्‍द्ररी रेःबे अज्‍यबे लोङ्‍बे छाल् र्‌हङ्‍ब मुब, ओसेम् र्‌हङ्‍की नेइबे तम् समुन्‍द्रइ कोप्‍स्‍यो र्‌हङ्‌ले ङोन्‍ब। थेङ्‍यीमा कोर्‌ज्‍यीम् ब्रबे मुइ सार् र्‌हङ्‍ब मुब, थेङ्‍यीमाकी लागीरी खेम बीबीनोइ लागीरी लोङ्‍बे म्‍हुन्‍दुङ् ग्‍ला थेन्‍बल मुब।

प्रकास 13:11

हुजु लीप्‍चे ङचे स ग्‍यम्‍से डोङ्‍खटीबे ल्‍हो-ल्‍हो दुस्‍ट सेम्‍ज्‍येन् गीः म्रङ्‍ज्‍यी। थेल थुमाल र्‌हङ्‌ले रु ङ्‍य्‍ही मुबल, ओसेम् हुजुचे सङ्‌मोचे र्‌हङ्‌ले तम् पङ्‍ब मुबल।