२ युहन्‍ना 1:9 - पश्‍चिम तामाङ

⁹ खल पङ्‌लेनो ख्रीस्‍ट्‍चे लोप्‍जेत्‍पे चु तम्‍री अटीबलमातेङ् पर्‌मेस्‍वर् स्‍य्‍हुअजेत्, तर थेङ्‌चे लोप्‍पे तम्‍री टीबलमातेङ् अपतेङ् ज ङ्‌य्‍हीनो स्‍य्‍हुजेत्‍प।

२ युहन्‍ना 1:9 ပူးပေါင်းရင်းမြစ်များ

मत्‍ती 11:27

“ङइ अपचे जम्‍मा स्‍हेमा ङत सोप्‍तीजेत्‍पल मुब। अपचे बीम खल्‍चेएनो जत अस्‍ये, ओसेम् जचे बीम खल्‍चेएनो अपत अस्‍ये, तर जचे अपत स्‍येनलपीन्‍बे म्‍हीमाचे अपत स्‍येःब।

लुका 10:22

“ङइ अपचे जम्‍मनो स्‍य्‍हेमा ङत न्‍हङ्‌बल मुब। ज खल य्‍हीन्‍ब बी अपचेकीनो स्‍येःब। ओसेम् अप खल य्‍हीन्‍ब बी जतेङ् थेचे स्‍येःन लबे म्‍हीमाचेकीनो अपत स्‍येःब।”

युहन्‍ना 14:6

येसुचे सुङ्‌ज्‍यी, “ङनो ग्‍यम्, देमेन् ओसेम् जीवन् य्‍हीन्‍ब। ङ ग्‍यम्‍से बीमा खलएनो अपज ङ्‍यीब अखम्।

युहन्‍ना 15:6

खल ङतेङ् अतज्‍यी थे थालाबे य्‍हर्‌ङ र्‌हङ्‌ले ख्‍लाज्‍यीम् खर्‌स्‍ये मुब, ओसेम् र्‌हुब्‍ज्‍यीम् ख्रङ्‍बरी मेन्‍हङ् ख्‍लास्‍ये मुब।

युहन्‍ना 5:23

होत्‍तज्‍यीम् थेङ्‍यीमाचे अपत स्‍य्‍हेस स्‍य्‍हेङ्‌ब र्‌हङ्‌लेनो जतएनो स्‍य्‍हेस स्‍य्‍हेङ्‌खइ। ओसेम् जत स्‍य्‍हेस अस्‍य्‍हेङ्‌बलचे थेत पीत्‍युजेत्‍पे अपतएनो स्‍य्‍हेस अस्‍हेङ्।

युहन्‍ना 8:31

येसुचे थेङ्‌त बीस्‍वास् स्‍य्‍हेङ्‌बे यहुदीमात सुङ्‌ज्‍यी, “ङचे लोप्‍पे तम्‍मा ङ्‌येन्‍ज्‍यीम् ब्रस्‍यीनो टीज्‍यी पङ्‌सम् एङ्‌यीमा देमेन्‍नो ङइ डबमा य्‍हीन्‍ब।

प्रेरीत् 2:42

ओसेम् थेङ्‍यीमा खेम पङ्‍लेएनो प्रेरीतमातेङ् लोप्‍परी, सङ्‍गती स्‍य्‍हेङ्‌बरी, डोन् चबरी ओसेम् प्रार्‌थना स्‍य्‍हेङ्‌बरी बक्‍च्‍य तस्‍यीनो टीब मुबल।

कलस्‍सी 3:16

एङ्‌यीमाकी सेम् ख्रीस्‍ट्‍की फ्रोइचे प्‍लीङ्‍खइ। गीःचे गीःत जम्‍मनो बुद्‍दीचे लोप्‍ज्‍यीम् अर्‌ती पीनो। ओसेम् भजन सङ्‍ग्रहकी व्‍हइमा कोज्‍यीम्, भजनकी व्‍हइमा कोज्‍यीम् ओसेम् आत्‍मीक् व्‍हइमा कोज्‍यीम् पर्‌मेस्‍वर्‌त व्‍होर्‌छ्‌ये पीनो।

तीतस 2:10

ओसेम् थेङ्‍यीमाचे न्‍याबोमाकी स्‍हेः तएनो य्‍हो लब अत। बरु खेम पङ्‌लेनो ज्‍यब स्‍य्‍हेङ्‌ज्‍यीम् न्‍याबोचे थेङ्‍यीमात पतइतीबल तथोब। चोले थेङ्‍यीमाचे जम्‍मनो लक्‍री ङ्‍य्‍हङ्‍त मुक्‍ती न्‍हङ्‌बे पर्‌मेस्‍वर्‌की बारेरी लोप्‍पे तम् ज्‍यब बी ङोन्‍स्‍ये मुब

हीब्रु 3:14

ङ्‍य्‍हङ्‍माचे सुरुरी स्‍य्‍हेङ्‌बे बीस्‍वास्‍री ङ्‍य्‍हङ्‍मा सोगदे सम्‍मनो कोङ्‍ज्‍यीम् टीज्‍यी पङ्‌सम्, ङ्‍य्‍हङ्‍मा ख्रीस्‍ट्‍तेङ् बक्‍च्‍य हक् यङ्‌बल तस्‍ये मुब।

हीब्रु 6:1

होत्‍तज्‍यीम् ख्रीस्‍ट्‍की बारेरी सुरु सुरुरीनो लोप्‍ज्‍यीन्‍बे फ्रोइमाकीनो अलोप्‍नले ङ्‍य्‍हङ्‍मा बीस्‍वास्‍री छर्‌न लबे फ्रोइमा लोप्‍के। स्‍यीबरी दो:नलबे लक्‍मा ग्‍यम्‍से पस्‍चताप स्‍य्‍हेङ्‌बतेङ् पर्‌मेस्‍वर्‌री बीस्‍वास् स्‍य्‍हेङ्‌बे तम्‍मा दो:दोःज्‍यीम् लोप्‍टी अथो।

१ युहन्‍ना 1:3

एङ्‌यीमाकी सङ्‍गती ङ्‌यीमातेङ् तखइ पङ्‍ज्‍यीम् ङ्‌यीमाचे ता म्रङ्‌बतेङ् थ्‍ये:ज्‍यी हुजु एङ्‌यीमात स्‍येत्‍प। ङ्‍यीमाकी सङ्‍गती अपतेङ् थेङ्‌की ज येसु ख्रीस्‍ट्‍तेङ् बक्‍च्‍य मुब।

३ युहन्‍ना 1:9

ङचे मन्‍डलीत चुइ बारेरी ब्रीबल मुबल। तर एङ्‌यीमाइ गुङ्‍री र्‌हङ्‌चे र्‌हङ्‍त अगुवा तब म्‍हइबे डीयोत्रीफसचे ङइ तम् ङ्‍येन्‍नो अङ्‍येन्।