२ कोरीन्‍थी 3:7 - पश्‍चिम तामाङ

⁷ स्‍यीब बबे ङोन्‍ग्‍यम्‍की नीयम्‍की छीःमा युङ्‌बरी ठाबल मुबल। हुजु नीयम् पीन्‍बे बेलोरी पर्‌मेस्‍वर्‌की ङ्‍हच्‍छ्‍यङ् महीमा म्रङ्‍खज्‍यी, हुजु ङ्‍हच्‍छ्‍यङ् महीमाकी य्‍हल्‍चे लज्‍यीम् इस्राएलीमाचे मोसइ लीः च्‍यास्‍यीनो टीब अखम्, होलेतलेनो हुजु य्‍हल्‍की सर्‌ब म्‍हबोर्‌टीब मुबल। स्‍यीनलबे नीयम् ङ्‍हच्‍छ्‍यङ् महीमारी खज्‍यी पङ्‌सम्,

२ कोरीन्‍थी 3:7 ပူးပေါင်းရင်းမြစ်များ

प्रेरीत् 6:15

ओसेम् हुजु ङ्‍हच्‍छ्‌यङ् सभारी टीबलमाचे स्‍तीफनस्‍त तकातक्‍ले च्‍याज्‍यी। ओसेम् थेइ लीः स्‍वर्‌गदुतकी लीः र्‌हङ्‍बे य्‍हल् तज्‍यीम् सर्‌बल म्रङ्‌ज्‍यी।

रोमी 10:4

तलेपङ्‍सम् बीस्‍वास् स्‍य्‍हेङ्‌बलमा जम्‍मतनो पर्‌मेस्‍वर्‌की ङोन्‍री धर्‌मी ङोन्‍खइ पङ्‍ज्‍यीम् ख्रीस्‍ट्‍नो मोसाचे ब्रीबे नीयम्‍की ज्‍यु तजेत्‍ज्‍यी।

रोमी 4:15

तलेपङ्‍सम् मोसाचे ब्रीबे नीयम्‍चे पर्‌मेस्‍वर्‌की बोमो बब। तर मोसाचे ब्रीबे नीयम् अरेबल य्‍हीन्‍सम् हुजुरी पापएनो अत।

रोमी 5:20

म्‍हीमाचे र्‌हङ्‍की पाप्‍मा म्रङ्‌खइ पङ्‍ज्‍यीम् पर्‌मेस्‍वर्‌की नीयम् खज्‍यी। तर म्‍हीमाचे गदे य्‍हक्‍को पाप्‍मा स्‍य्‍हेङ्‍ज्‍यी, पर्‌मेस्‍वर्‌की अनुग्रहमी हुजु बीमएनो झेन् य्‍हक्‍को तज्‍यी।

रोमी 7:10

ओसेम् चु पाप्‍चे लज्‍यीम् ङचे ङ स्‍यीथोब बी स्‍येज्‍यी। जीवन् बथोबे मोसाचे ब्रीबे पर्‌मेस्‍वर्‌की नीयम्‍चेम् ङइ लागीरीम् स्‍यीबक बज्‍यी।

रोमी 7:22

ङ ङइ सेम्‍न्‍हङ् पर्‌मेस्‍वर्‌की नीयम्‍री तङ्‍ब।

रोमी 7:5

तलेपङ्‌सम् ङ्‍य्‍हङमा ङोन्‍ग्‍यम्‍की पापी स्‍वभाब अनुसार सोबे बेलोरी हुजु नीयम्‍चे ङ्‍य्‍हङ्‍मात झेन् य्‍हक्‍को पाप् स्‍य्‍हेङ्‍गे म्‍हेन्‍न लज्‍यीम् ङ्‍य्‍हङ्‍माचे य्‍हक्‍को पाप्‍मा स्‍य्‍हेङ्‍ब मुबल, ओसेम् स्‍यीब बबे रोरो रोःन लब मुबल।

१ कोरीन्‍थी 13:10

तर लीक्‍यम् ङ्‍य्‍हङ्‍माचे चु जम्‍मनो तम्‍मा पुर स्‍येस्‍ये मुब, ओसेम् ङ्‍य्‍हङ्‍माचे चेक्‍कीनो स्‍येबे चु अपुरो तम्‍मा म्‍हज्‍यीम् य्‍हर्‌स्‍ये मुब।

२ कोरीन्‍थी 3:3

देमेन्‍नो एङ्‍यीमा ख्रीस्‍ट्‍चे ब्रीजेत्‍पे चीठीइ रोःरोमा य्‍हीन्‍ब। चु चीठी युङ्‌बइ फलेक्‍री वुइ मसीचे ब्रीबे चीठी अय्‍हीन्, तर सोम्‍बो पर्‌मेस्‍वर्‌की आत्‍माचे सेम्‍री ब्रीबे चीठी य्‍हीन्‍ब।

२ कोरीन्‍थी 3:6

थेङ्‍चे ङ्‍यीमात थेङ्‌की छार् करार्‌की सेव स्‍य्‍हेङ्‌बे म्‍हीमा तबरी जेःनलजेत्‍ज्‍यी। चु करार् ङोन्‍ग्‍यम् ब्रीबे नीयम् ग्‍यम्‍से अय्‍हीन्, तर पबीत्र आत्‍मा ग्‍यम्‍से य्‍हीन्‍ब। तलेपङ्‍सम् ङोन्‍ग्‍यम्‍की नीयम्‍चेम् स्‍यीब बब, तर पबीत्र आत्‍माचे जीवन् न्‍हङ्‍ब।

२ कोरीन्‍थी 3:8

पबीत्र आत्‍माचे बबे ज्‍यबे सम्‍तर्‌की य्‍हल्‍मी झेन् गत्‍ते य्‍हक्‍को महीमल तल?

गलाती 3:10

धर्‌मी तबे लागीरी मोसाचे ब्रीबे पर्‌मेस्‍वर्‌की नीयम् ङ्‌येन्‍ज्‍यीम् ब्रब म्‍हइबे म्‍हीमाचेम् केम्‍लङ् यङ्‍स्‍ये मुब, तलेपङ्‍सम् धर्‌म छ्‌येःरी चोले ब्रीबल मुब, “मोसाचे ब्रीबे पर्‌मेस्‍वर्‌की नीयम्‍की छ्‍येःरी ब्रीबे जम्‍मनो तम् टोप्‍ले अङ्‍येन्‍बलमा जम्‍मतनो केम्‍लङ् फोःस्‍ये मुब।”

गलाती 3:21

होले पङ्‌सम् ता मोसाचे ब्रीबे नीयम् पर्‌मेस्‍वर्‌चे स्‍य्‍हेङ्‍जेत्‍पे बाचामाइ बीरोधी य्‍हीन्‍ब? य्‍हीन्‍नो अय्‍हीन्। मोसाचे ब्रीबे नीयम् म्‍हीचे जीवन् यङ्‍खइ पङ्‍ज्यीम् पीन्‍बल य्‍हीन्‍सम् मोसाचे ब्रीबे नीयम् ङ्‌येन्‍ज्‍यीम्‍नो म्‍हीमा पर्‌मेस्‍वर्‌की ङोन्‍ग्‍यम् धर्‌मी ङोन्‍स्‍ये मुबल।

हीब्रु 12:18

एङ्‍यीमा छुब खम्‍बे सीनइ पङ्‍बे गङ्‍री इस्राएली म्‍हीमा खब र्‌हङ्‌ले खबल अरे, हुजुरीमी मेइ ल्‍हम् लुम्‍टीब मुबल, य्‍हक्‍को म्‍हुन्‍दुङ् मुबल, म्‍लङ् मुक्‍पचे गप्‍टीब मुबल, ओसेम् लाबलुङ् खटीब मुबल।

हीब्रु 3:3

दीम् बीमएनो दीम् स्‍य्‍हेङ्‌बे म्‍ही ङ्‍हच्‍छ्‌यङ् स्‍य्‍हेस यङ्‍बरी जेःब र्‌हङ्‌ले, मोसा बीम येसु य्‍हक्‍को ङ्‍हच्‍छ्‌यङ् स्‍य्‍हेस यङ्‌बरी जेःबल मुब।

हीब्रु 9:4

गोदोब्‍न्‍हङ्‍की पबीत्र ग्‍लारी सङ्‌स्‍यु म्रबे म्‍हर्‌की बेदी गी मुबल, ओसेम् हुजु गोदोब्‍न्‍हङ्‍की पबीत्र ग्‍लारी म्‍हर्‌की जलप् युबे करार्‌की डोम् मुबल। हुजु डोम्‍न्‍हङ् मन्‍न थेन्‍बे म्‍हर्‌की तङ्‍लो, हारुन्‍की बुर्‌लो बुबे बेर्‌क ओसेम् आज्ञामा ब्रीबे युङ्‌बइ फलेक् ङ्‍य्‍ही मुबल।