२ कोरीन्‍थी 3:4 - पश्‍चिम तामाङ

⁴ ङ्‌यीमाचे चोले पङ्‍ब तलेपङ्‍सम् ख्रीस्‍ट् ग्‍यम्‍से पर्‌मेस्‍वर्‌की ङोन्‍री ङ्‌यीमा ढुक्‍क मुब।

२ कोरीन्‍थी 3:4 ပူးပေါင်းရင်းမြစ်များ

२ कोरीन्‍थी 2:14

तर पर्‌मेस्‍वर्‌त व्‍होर्‌छ्‌ये तखइ, तलेपङ्‍सम् थेङ्‍चे ङ्‍य्‍हङ्‍मात ख्रीस्‍ट्‍तेङ् खेम पङ्‌लेनो डाबे ग्‍यम्‍री नोम्‍जेत्‍प। ओसेम् ज्‍यबे मोर्‌थङ् ठम्‍ब र्‌हङ्‌ले ख्रीस्‍ट्‍की बारेइ ज्ञान् ङ्‍य्‍हङ्‍मा ग्‍यम्‍से जम्‍मनो ग्‍लामारी ठम्‍नलजेत्‍प।

एफीसी 3:12

ओसेम् ङ्‍य्‍हङ्‍मा ख्रीस्‍ट्‍री तज्‍यीम् ओसेम् थेङ्‍री बीस्‍वास् लज्‍यीम्‍नो ङ्‍य्‍हङ्‍माचे पर्‌मेस्‍वर्‌की ङोन्‍री ङ्‌यीबे आर्‌तेङ् भर् यङ्‌बल मुब।

फीलीप्‍पी 1:6

ङत चु तम्‍री बीस्‍वास् मुब की पर्‌मेस्‍वर्‌चे एङ्‍यीमारी तीप्‍जेत्‍पे ज्‍यबे लक् येसु ख्रीस्‍ट् दोःज्‍यीम् ब्‍योन्‍अयुगदे पर्‌मेस्‍वर्‌चेनो टोप् लजेत्‍स्‍ये मुब।

१ थेस्‍लोनीकी 1:8

तलेपङ्‍सम् एङ्‍यीमाचे प्रभुइ फ्रोइ माकेडोनीयातेङ् अखैयारीकीनो अय्‍हीन्, तर पर्‌मेस्‍वर्‌री एङ्‍यीमाचे स्‍य्‍हेङ्‌बे बीस्‍वास् खन गोदोब्‍नो ग्‍लामारी ठम्‍बल मुब। हुजुइ बारेरी ङ्‍यीमात ल्‍हो-ल्‍हो तएनो पङ्‍अथो।